Язык:
Церковнослав. (дореф.)
Библия на церковнослявянском языке в дореволюционной (дореформенной) орфографии.
| |
Глава 15 | |
15:1 См.: 🔗4Цар. 14:21 🔗2Пар. 26:1 | Въ лѣто двадесять седмое иеровоама царя Израилева воцарися азаріа сынъ Амессіи царя Иудина: |
15:2 См.: 🔗4Цар. 14:21 | сынъ шестинадесяти лѣтъ бѣ, егда нача царствовати, и пятьдесятъ два лѣта царствова во Иерусалимѣ. Имя же матере его Иехеліа от Иерусалима. |
15:3 См.: 🔗4Цар. 14:3 🔗2Пар. 26:4 | И сотвори правое предъ очима Господнима по всему, елика сотвори отецъ его Амессіа, |
15:4 См.: 🔗3Цар. 22:43 | обаче высокихъ не разори: еще людiе жряху и кадяху на высокихъ. |
15:5 См.: 🔗Лев. 13:46 🔗2Пар. 26:21 | И коснуся Господь царя, и бысть прокаженъ до дне смерти своея: и царствова въ дому апфусоѳъ. И Иоаѳамъ сынъ царевъ бѣ надъ домомъ судя людемъ земли тоя. |
15:6 См.: 🔗2Пар. 26:1 | И прочая словесъ азаріи, и вся елика сотвори, не сiя ли написана въ книзѣ словесъ дній царей Иудиныхъ? |
15:7 См.: 🔗2Пар. 26:23 | И успе азаріа со отцы своими, и погребоша его со отцы его во градѣ давидовѣ. И воцарися Иоаѳамъ сынъ его вмѣсто его. |
15:8 См.: 🔗4Цар. 14:29 | Въ лѣто тридесять осмое азаріи царя Иудина царствова захарiа сынъ иеровоамль надъ Израилемъ въ самаріи шесть месяцъ. |
15:9 См.: 🔗4Цар. 10:29 | и сотвори лукавое предъ очима Господнима, якоже сотвориша отцы его, не отступи от всѣхъ грѣховъ иеровоама сына наватова, иже въ грѣхъ введе Израиля. |
15:10 См.: 🔗2Пар. 28:12 🔗Ам. 7:9 | И востаста нань Селлумъ сынъ Иависовъ и кевлаамъ, и поразиста его, и умертвиста его: и воцарися Селлумъ вмѣсто его. |
15:11 | И прочая словесъ захарiевыхъ, се, суть написана въ книзѣ словесъ дній царей Израилевыхъ. |
15:12 См.: 🔗4Цар. 10:30 | сiе слово Господне, еже глагола ко ииую, рекій: сынове четвертiи сядутъ тебѣ на престолѣ Израилевѣ. И бысть тако. |
15:13 | И Селлумъ сынъ Иависовъ воцарися во Израили: и въ лѣто тридесять девятое азаріи царя Иудина, царствова Селлумъ месяцъ дній въ самаріи. |
15:14 См.: 🔗3Цар. 16:8 | И взыде Манаимъ сынъ гаддіинъ от Ѳерсилы, и прiиде въ самарію, и уби Селлума сына Иависова въ самаріи, и умертви его, и воцарися вмѣсто его. |
15:15 | И прочая словесъ Селлумовыхъ, и совѣщанiе его, имже совѣщася, се, суть писана въ книзѣ словесъ дній царей Израилевыхъ. |
15:16 | Тогда порази Манаимъ и Ѳерсу, и вся, яже въ ней, и предѣлы ея от Ѳерсы, понеже не отверзоша ему, и разби ю и всѣхъ, иже въ ней, и имущихъ во чревѣ разсѣче. |
15:17 | Въ лѣто тридесять девятое азаріи царя Иудина, царствова Манаимъ сынъ гаддіинъ надъ Израилемъ десять лѣтъ въ самаріи, |
15:18 См.: 🔗4Цар. 13:2 | и сотвори лукавое предъ очима Господнима, [во вся дни своя] не отступи от всѣхъ грѣховъ иеровоама сына наватова, иже въ грѣхъ введе Израиля. |
15:19 | Во дни его взыде Фула царь Ассирійскiй на землю [Израилеву], и Манаимъ даде Фулѣ тысящу талантъ сребра, да будетъ рука его съ нимъ, [еже укрѣпити царство въ руку его]. |
15:20 | И возложи Манаимъ дань на Израиля, на всѣхъ сильныхъ, дати царю Ассирійску пятьдесятъ Сикль сребра мужу коемуждо: и возвратися царь Ассирійскъ, и не ста тамо въ земли. |
15:21 | И прочая словесъ Манаимовыхъ, и вся елика сотвори, не се ли, сiя написана въ книзѣ словесъ дній царей Израилевыхъ? |
15:22 | И успе Манаимъ со отцы своими, и воцарися факіа сынъ его вмѣсто его. |
15:23 | Въ лѣто пятьдесятое азаріи царя Иудина, царствова факіа сынъ Манаимль надъ Израилемъ въ самаріи лѣта два, |
15:24 См.: 🔗4Цар. 10:29 | и сотвори лукавое предъ очима Господнима, не отступи от грѣховъ иеровоама сына наватова, иже въ грѣхъ введе Израиля. |
15:25 См.: 🔗3Цар. 16:9 🔗4Цар. 14:19 | И воста на него факей сынъ ромеліинъ, тристатъ его, и уби его въ самаріи близъ дому царева, со Арговомъ и со Аріемъ, и съ нимъ [бяху] пятьдесятъ мужей от Галаадитовъ, и умертви его, и воцарися вмѣсто его. |
15:26 | И прочая словесъ факіевыхъ, и вся елика сотвори се, суть, писана въ книзѣ словесъ дній царей Израилевыхъ. |
15:27 | Въ лѣто пятьдесятъ второе азаріи царя Иудина, царствова факей сынъ ромеліинъ надъ Израилемъ въ самаріи двадесять лѣтъ, |
15:28 См.: 🔗3Цар. 14:16 | и сотвори лукавое предъ очима Господнима, не отступи от всѣхъ грѣховъ иеровоама сына наватова, иже въ грѣхъ введе Израиля. |
15:29 См.: 🔗1Пар. 5:26 | Во дни факеа царя Израилева прiиде Ѳелгаѳфелласаръ царь Ассирійскiй, и взя Аинъ и Авелвеѳмааха, и Аоха и Кенезу, и Асора и Галаадъ и Галилею, всю землю Нефѳалимлю, и приведе я ко Ассиріаномъ. |
15:30 См.: 🔗4Цар. 12:20 🔗4Цар. 14:21 | И воста осіа сынъ илы на факеа сына ромеліина, и порази его, и умертви его, и воцарися вмѣсто его въ двадесятое лѣто Иоаѳама сына азаріина. |
15:31 См.: 🔗2Пар. 28:6 | И прочая словесъ факеевыхъ, и вся елика сотвори, се, сiя написана въ книзѣ словесъ дній царей Израилевыхъ. |
15:32 См.: 🔗Мих. 1:1 | Въ лѣто второе факеа сына ромеліина царя Израилева воцарися Иоаѳамъ, сынъ азаріи царя Иудина: |
15:33 См.: 🔗2Пар. 27:1 | сынъ двадесяти пяти лѣтъ бѣ, егда нача царствовати, и шестьнадесять лѣтъ царствова во Иерусалимѣ. Имя же матере его иеруса дщи садокова. |
15:34 | И сотвори правое предъ очима Господнима, по всему елика сотвори отецъ его азаріа, |
15:35 См.: 🔗3Цар. 15:14 🔗2Пар. 27:2 | обаче высокихъ не разори: еще людiе жряху и кадяху на высокихъ. Той созда двери храму Господню вышнiя. |
15:36 См.: 🔗2Пар. 27:1 | И прочая словесъ Иоаѳамовыхъ, и вся елика сотвори, не сiя ли написана въ книзѣ словесъ дній царей Иудиныхъ? |
15:37 См.: 🔗4Цар. 16:5 🔗Ис. 7:1 | Во дни оны начатъ Господь посылати на Иуду раассона царя Сирска и факеа сына ромеліина. |
15:38 См.: 🔗2Цар. 5:7 🔗2Пар. 27:9 | И успе Иоаѳамъ со отцы своими, и погребенъ бысть со отцы своими во градѣ давида отца своего. И воцарися Ахазъ сынъ его вмѣсто его. |