Язык:
Церковнослав. (дореф.)
Библия на церковнослявянском языке в дореволюционной (дореформенной) орфографии.
| |
Глава 15 | |
15:1 См.: 🔗2Пар. 13:1 | И во осмоенадесять лѣто царства иеровоама сына наватова, воцарися Авіа сынъ ровоамль надъ Иудою, |
15:2 См.: 🔗2Пар. 11:20 | и три лѣта царствова во Иерусалимѣ. Имя же матере его мааха, дщи Авессаломля. |
15:3 См.: 🔗2Пар. 12:14 🔗3Цар. 14:8 | И хождаше во всѣхъ грѣсѣхъ отца своего, яже сотвори предъ нимъ, и не бѣ сердце его совершено съ Господемъ Богомъ его, якоже сердце давида отца его: |
15:4 См.: 🔗3Цар. 11:36 🔗4Цар. 8:19 | яко давида ради остави ему Господь Богъ его останокъ во Иерусалимѣ, да возставитъ по немъ чада его и утвердитъ Иерусалимъ, |
15:5 См.: 🔗2Цар. 11:4 🔗2Цар. 12:9 | понеже сотвори давидъ правое предъ Господемъ и не уклонися от всѣхъ, яже заповѣда ему вся дни живота его, кромѣ слова уріи Хеттеанина. |
15:6 | И брань бѣ между ровоамомъ и между иеровоамомъ во вся дни живота ихъ. |
15:7 См.: 🔗2Пар. 13:3 | И прочая словесъ Авіиныхъ, и вся яже сотвори, не се ли, сiя написана въ книзѣ словъ дній царей Иудиныхъ? И брань бѣ между Авіею и между иеровоамомъ. |
15:8 См.: 🔗2Пар. 14:1 | И успе Авіа со отцы своими въ двадесятое лѣто иеровоама, и погребоша его со отцы его во градѣ давидовѣ. И воцарися аса сынъ его вмѣсто его. |
15:9 | И въ лѣто двадесятое иеровоама царя Израилева, царствоваше аса надъ Иудою, |
15:10 См.: 🔗2Пар. 13:2 | и четыредесять и едино лѣто царствова во Иерусалимѣ. Имя же матере его Ана, дщи Авессаломля. |
15:11 | И сотвори аса правое предъ Господемъ, якоже давидъ отецъ его, |
15:12 См.: 🔗Втор. 23:17 🔗3Цар. 14:24 | и отъя скверная от земли, и искорени вся изваянная, яже сотвориша отцы его, |
15:13 См.: 🔗2Пар. 15:16 | и Ану матерь свою отстави еже не владѣти ей, понеже сотвори сонмище въ дубравѣ своей: и изсѣче аса гай ея и сожже огнемъ въ потоцѣ кедрстѣмъ: |
15:14 | высокихъ же не искорени, обаче сердце асы бѣ совершенно предъ Господемъ во вся дни его: |
15:15 | и внесе столпы отца своего, и столпы своя внесе во храмъ Господень сребряны и златы, и сосуды. |
15:16 См.: 🔗3Цар. 14:30 🔗2Пар. 16:9 | И брань бѣ между асою и между Ваасомъ царемъ Израилевымъ во вся дни ихъ. |
15:17 См.: 🔗2Пар. 16:1 | И взыде Вааса царь Израилевъ на Иуду и созда раму, яко не быти на исхожденiе и вхожденiе асѣ царю Иудину. |
15:18 | И взя аса все сребро и злато обрѣтшееся въ сокровищахъ дому Господня и въ сокровищахъ дому царева и даде я въ руцѣ отрокъ своихъ: и посла ихъ царь аса ко сыну Адерову сыну таверема во рамманъ, ко сыну азаила, царя Сирскаго, живущаго въ дамасцѣ, глаголя: |
15:19 | положи завѣтъ между мною и тобою, и между отцемъ моимъ и отцемъ твоимъ: се, послахъ ти дары, сребро и злато: прiиди, разруши завѣтъ твой, иже со Ваасою царемъ Израилевымъ, да отъидетъ от мене. |
15:20 См.: 🔗2Пар. 16:4 🔗Быт. 14:14 | И послуша сынъ Адеровъ царя асы, и посла воеводы силъ своихъ на грады Израилевы, и поразиша Аина и Дана, и Авеля, дому маахіина, и весь хеннереѳъ, даже до всея земли Нефѳалимли. |
15:21 См.: 🔗2Пар. 16:5 | И бысть яко услыша Вааса, и остави созидати раму, и возвратися во Ѳерсу. |
15:22 См.: 🔗Нав. 18:24 | Царь же аса заповѣда всему Иудѣ во енакимѣ, и взяша каменiе изъ рамы и древа ея, имиже основа Вааса, и созда въ нихъ царь аса всякъ холмъ Венiаминь и стражбища. |
15:23 См.: 🔗2Пар. 14:2 🔗2Пар. 16:11 | Прочая же словесъ асиныхъ, и вся сила его, и вся яже сотвори, и грады яже созда, не се ли, сiя писана суть въ книзѣ словесъ дній царей Иудиныхъ? Обаче во время старости своея начатъ болѣти ногама своима: |
15:24 См.: 🔗2Пар. 16:13 🔗2Пар. 17:1 | и успе аса со отцы своими, и погребенъ бысть во градѣ давида отца своего. И воцарися Иосафатъ сынъ его вмѣсто его. |
15:25 | Наватъ же сынъ иеровоамль нача царствовати надъ Израилемъ во второе лѣто асы царя Иудина, и царствова надъ Израилемъ два лѣта, |
15:26 | и сотвори лукавое предъ Господемъ, и хождаше путемъ отца своего и во грѣсѣхъ его, имиже согрѣшити сотвори Израилю. |
15:27 | И обсѣде его Вааса сынъ Ахіинъ въ дому велаана сына Ахіина, и уби его во гаваѳонѣ иноплеменничи: наватъ же и весь Израиль обсѣдоша гаваѳонъ. |
15:28 См.: 🔗3Цар. 16:7 | И умертви его Вааса въ лѣто третiе асы царя Иудина, и воцарися вмѣсто его. |
15:29 | И бысть егда воцарися, изби весь домъ иеровоамль и не остави ничтоже от всего дыханiя иеровоамля, дондеже искорени ихъ по глаголу Господню, егоже глагола рукою раба своего Ахіи Силонитскаго, |
15:30 См.: 🔗Сир. 47:29 | грѣхъ ради иеровоамлихъ, иже согрѣши, иже введе во грѣхъ Израиля, и въ прогнѣванiи его, имже прогнѣва Господа Бога Израилева. |
15:31 См.: 🔗3Цар. 16:5 | И прочая словеса навата, и вся яже сотвори, не се ли, сiя писана суть въ книзѣ словесъ дній царей Израилевыхъ? |
15:32 См.: 🔗3Цар. 15:16 🔗2Пар. 16:9 | И бяше брань между асою [царемъ Иудинымъ] и Ваасою царемъ Израилевымъ во вся дни ихъ. |
15:33 | И въ третiе лѣто асы царя Иудина царствова Вааса сынъ Ахіинъ надъ всѣмъ Израилемъ во Ѳерсѣ двадесять и четыре лѣта, |
15:34 | и сотвори лукавое предъ Господемъ, и иде путемъ иеровоама сына наватова, и во грѣсѣхъ его, имиже въ согрѣшенiе приведе Израиля. |