Книга Числа, глава 7

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) Українська English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Глава 7
7:1 См.: 🔗Исх. 40:10	И бысть въ день въ оньже сконча Моисей, якоже поставити скинiю, и помаза ю, и освяти ю и вся сосуды ея, и олтарь и вся сосуды его, и помаза я, и освяти я.
7:2	И при­­ведоша князи Израилтестiи два­на­де­сять, князи домовъ отече­ст­въ сво­ихъ, сіи князи ко­егождо племене, сіи предстоящiи надъ согляданiемъ:
7:3	и при­­ведоша дары своя предъ Господа шесть колесницъ покрытыхъ и два­на­де­сять воловъ: колесницу едину от­ дво­ихъ князей, и телца от­ ко­егождо и при­­ведоша предъ скинiю.
7:4	И рече Господь къ Моисею, глаголя:
7:5	воз­ми от­ нихъ, и да будутъ на дѣла служебная скинiи свидѣнiя: и даси я левитомъ, ко­емуждо по его служенiю.
7:6	И вземъ Моисей колесницы и волы, даде я левитомъ:
7:7	двѣ колесницы и четыри волы даде сыномъ Гирсонимъ по службамъ ихъ,
7:8 См.: 🔗Чис. 4:28	и четыри колесницы и осмь воловъ даде сыномъ Мераринымъ по службамъ ихъ, чрезъ Иѳамара, сына Аарона жерца:
7:9 См.: 🔗Чис. 3:31 🔗Чис. 4:15 🔗2Цар. 6:13	и сыномъ Кааѳовымъ не даде, яко службы святаго имѣютъ: на раменахъ да воз­двизаютъ я.
7:10	И при­­несоша князи на обновленiе олтаря въ день, въ оньже помаза его, и при­­несоша князи дары своя предъ олтарь.
7:11	И рече Господь къ Моисею: князь единъ на день, князь на день да при­­несутъ дары своя на обновленiе олтаря.
7:12 См.: 🔗Чис. 1:7 🔗Чис. 2:3	И бяше при­­носяй даръ свой въ первый день Наассонъ сынъ Аминадавль, князь племене Иудина:
7:13	и при­­несе даръ свой, блюдо сребряно едино, вѣсъ его сто и тридесять Сикль: чашу едину сребряну седмьдесятъ Сикль, по сиклю святому: обоя полны муки пшеничны спряжены съ елеемъ на жертву:
7:14	ѳимiамникъ единъ десяти златникъ, полнъ ѳимiама:
7:15	телца единаго от­ воловъ, овна единаго, агнца единаго единолѣтна во всесожженiе:
7:16	и козла от­ козъ единаго грѣха ради:
7:17	и на жертву спасенiя юницы двѣ, овновъ пять, козловъ пять, агницъ единолѣтныхъ пять: сей даръ Наассона сына Аминадавля.
7:18 См.: 🔗Чис. 1:8 🔗Чис. 2:5	Во вторый день при­­несе Наѳанаилъ сынъ Согаровъ, князь племене Иссахаря:
7:19	и при­­несе даръ свой, блюдо сребряно едино, вѣсъ его сто и тридесять сикль: чашу едину сребряну седмьдесятъ сикль, по сиклю святому: обоя полны муки пшеничны спряжены съ елеемъ на жертву:
7:20	ѳимiамникъ единъ десяти златникъ, полнъ ѳимiама:
7:21	телца единаго от­ воловъ, овна единаго, агнца единаго единолѣтна во всесожженiе:
7:22	и козла от­ козъ единаго грѣха ради:
7:23	и на жертву спасенiя юницы двѣ, овновъ пять, козловъ пять, агницъ единолѣтныхъ пять: сей даръ Наѳанаила сына Согарова.
7:24 См.: 🔗Чис. 1:9 🔗Чис. 2:7	Въ третiй день князь сыновъ Завулонихъ, Елiавъ сынъ Хелоновъ:
7:25	даръ его блюдо сребряно едино, вѣсъ его сто и тридесять Сикль: чашу едину сребряну седмьдесятъ Сикль, по сиклю святому: обоя полны муки пшеничны спряжены съ елеемъ на жертву:
7:26	ѳимiамникъ единъ десяти златникъ, полнъ ѳимiама:
7:27	телца единаго от­ воловъ, овна единаго, агнца единаго единолѣтна во всесожженiе:
7:28	и козла от­ козъ единаго грѣха ради:
7:29	и на жертву спасенiя юницы двѣ, овновъ пять, козловъ пять, агницъ единолѣтныхъ пять: сей даръ Елiава сына Хелонова.
7:30 См.: 🔗Чис. 1:5 🔗Чис. 2:10	Въ четвертый день князь сыновъ Рувимлихъ, Елисуръ сынъ Седiуровъ:
7:31	даръ его блюдо сребряно едино, вѣсъ его сто и тридесять сикль: чашу едину сребряну седмьдесятъ сикль, по сиклю святому: обоя полны муки пшеничны спряжены съ елеемъ на жертву:
7:32	ѳимiамникъ единъ десяти златникъ, полнъ ѳимiама:
7:33	телца единаго от­ воловъ, овна единаго, агнца единаго единолѣтна во всесожженiе:
7:34	и козла от­ козъ единаго грѣха ради:
7:35	и на жертву спасенiя юницы двѣ, овновъ пять, козловъ пять, агницъ единолѣтныхъ пять: сей даръ Елисура сына Седiурова.
7:36 См.: 🔗Чис. 1:6 🔗Чис. 2:12	Въ пятый день князь сыновъ Симеонихъ, Саламiилъ сынъ Сурисадаиль:
7:37	даръ его блюдо сребряно едино, вѣсъ его сто и тридесять Сикль: чашу едину сребряну седмьдесятъ Сикль, по сиклю святому: обоя полны муки пшеничны спряжены съ елеемъ на жертву:
7:38	ѳимiамникъ единъ десяти златникъ, полнъ ѳимiама:
7:39	телца единаго от­ воловъ, овна единаго, агнца единаго единолѣтна во всесожженiе:
7:40	и козла от­ козъ единаго грѣха ради:
7:41	и на жертву спасенiя юницы двѣ, овновъ пять, козловъ пять, агницъ единолѣтныхъ пять: сей даръ Саламiила сына Сурисадаиля.
7:42 См.: 🔗Чис. 1:14 🔗Чис. 2:14	Въ шестый день князь сыновъ Гадовыхъ, Елисафъ сынъ Рагуилевъ:
7:43	даръ его блюдо сребряно едино, вѣсъ его сто и тридесять Сикль: чашу едину сребряну седмьдесятъ Сикль, по сиклю святому: обоя полны муки пшеничны спряжены съ елеемъ на жертву:
7:44	ѳимiамникъ единъ десяти златникъ, полнъ ѳимiама:
7:45	телца единаго от­ воловъ, овна единаго, агнца единаго единолѣтна во всесожженiе:
7:46	и козла от­ козъ единаго грѣха ради:
7:47	и на жертву спасенiя юницы двѣ, овновъ пять, козловъ пять, агницъ единолѣтныхъ пять: сей даръ Елисафа сына Рагуилева.
7:48 См.: 🔗Чис. 1:10 🔗Чис. 2:18	Въ седмый день князь сыновъ Ефремлихъ, Елисама сынъ Емiудовъ:
7:49	даръ его блюдо сребряно едино, вѣсъ его сто и тридесять Сикль: чашу едину сребряну седмьдесятъ Сикль, по сиклю святому: обоя полны муки пшеничны спряжены съ елеемъ на жертву:
7:50	ѳимiамникъ единъ десяти златникъ, полнъ ѳимiама:
7:51	телца единаго от­ воловъ, овна единаго, агнца единаго единолѣтна во всесожженiе:
7:52	и козла от­ козъ единаго грѣха ради:
7:53	и на жертву спасенiя юницы двѣ, овновъ пять, козловъ пять, агницъ единолѣтныхъ пять: сей даръ Елисамы сына Емiудова.
7:54 См.: 🔗Чис. 1:10 🔗Чис. 2:20	Въ осмый день князь сыновъ Манассіиныхъ, Гамалiилъ сынъ Фадассуровъ:
7:55	даръ его блюдо сребряно едино, вѣсъ его сто и тридесять Сикль: чашу едину сребряну седмьдесятъ Сикль, по сиклю святому: обоя полны муки пшеничны спряжены съ елеемъ на жертву:
7:56	ѳимiамникъ единъ десяти златникъ, полнъ ѳимiама:
7:57	телца единаго от­ воловъ, овна единаго, агнца единаго единолѣтна во всесожженiе:
7:58	и козла от­ козъ единаго грѣха ради:
7:59	и на жертву спасенiя юницы двѣ, овновъ пять, козловъ пять, агницъ единолѣтныхъ пять: сей даръ Гамалiила сына Фадассурова.
7:60 См.: 🔗Чис. 1:11 🔗Чис. 2:22 🔗Чис. 10:24	Въ девятый день князь сыновъ Венiаминихъ, Авиданъ сынъ Гадеонинъ:
7:61	даръ его блюдо сребряно едино, вѣсъ его сто и тридесять сикль: чашу едину сребряну седмьдесятъ сикль, по сиклю святому: обоя полны муки пшеничны спряжены съ елеемъ на жертву:
7:62	ѳимiамникъ единъ десяти златникъ, полнъ ѳимiама:
7:63	телца единаго от­ воловъ, овна единаго, агнца единаго единолѣтна во всесожженiе:
7:64	и козла от­ козъ единаго грѣха ради:
7:65	и на жертву спасенiя юницы двѣ, овновъ пять, козловъ пять, агницъ единолѣтныхъ пять: сей даръ Авидана, сына Гадеонина.
7:66 См.: 🔗Чис. 1:12 🔗Чис. 2:25	Въ десятый день князь сыновъ Дановыхъ, Ахiезеръ сынъ Амисадаинъ:
7:67	даръ его блюдо сребряно едино, вѣсъ его сто и тридесять сикль: чашу едину сребряну седмьдесятъ сикль, по сиклю святому: обоя полны муки пшеничны спряжены съ елеемъ на жертву:
7:68	ѳимiамникъ единъ десяти златникъ, полнъ ѳимiама:
7:69	телца единаго от­ воловъ, овна единаго, агнца единаго единолѣтна во всесожженiе:
7:70	и козла от­ козъ единаго грѣха ради:
7:71	и на жертву спасенiя юницы двѣ, овновъ пять, козловъ пять, агницъ единолѣтныхъ пять: сей даръ Ахiезера сына Амисадаина.
7:72 См.: 🔗Чис. 1:13 🔗Чис. 2:27	Въ первый­на­де­сять день князь сыновъ Асировыхъ, Фагаiилъ сынъ Ехрань:
7:73	даръ его блюдо сребряно едино, вѣсъ его сто и тридесять сикль: чашу едину сребряну седмьдесятъ сикль, по сиклю святому: обоя полны муки пшеничны спряжены съ елеемъ на жертву:
7:74	ѳимiамникъ единъ десяти златникъ, полнъ ѳимiама:
7:75	телца единаго от­ воловъ, овна единаго, агнца единаго единолѣтна во всесожженiе:
7:76	и козла от­ козъ единаго грѣха ради:
7:77	и на жертву спасенiя юницы двѣ, овновъ пять, козловъ пять, агницъ единолѣтныхъ пять: сей даръ Фагаiила сына Ехраня.
7:78 См.: 🔗Чис. 1:15 🔗Чис. 2:29	Во вторый­на­де­сять день князь сыновъ Нефѳалимлихъ, Ахирей сынъ Енань:
7:79	даръ его блюдо сребряно едино, вѣсъ его сто и тридесять сикль: чашу едину сребряну седмьдесятъ сикль, по сиклю святому: обоя полны муки пшеничны спряжены съ елеемъ на жертву:
7:80	ѳимiамникъ единъ десяти златникъ, полнъ ѳимiама:
7:81	телца единаго от­ воловъ, овна единаго, агнца единаго единолѣтна во всесожженiе:
7:82	и козла от­ козъ единаго грѣха ради:
7:83	и на жертву спасенiя юницы двѣ, овновъ пять, козловъ пять, агницъ единолѣтныхъ пять: сей даръ Ахиреа сына Енаня.
7:84	Сiе обновленiе олтаря, въ оньже день помаза его, от­ князей сыновъ Израилевыхъ, блюдъ сребряныхъ два­на­де­сять, чашъ сребряныхъ два­на­де­сять, ѳимiамниковъ златыхъ два­на­де­сять:
7:85	по святу и тридесяти сикль въ ко­емждо блюдѣ, и по седмидесяти сикль чаша едина: всего сребра въ сосудѣхъ двѣ тысящы четыреста сиклевъ, по сиклю святому:
7:86	ѳимiамниковъ златыхъ два­на­де­сять полныхъ ѳимiама, по десяти златникъ въ ко­емждо ѳимiамникѣ, по сиклю святому: всего злата въ ѳимiамницѣхъ сто и двадесять златникъ.
7:87	Всѣхъ говядъ во всесожженiе, телцовъ два­на­де­сять, овновъ два­на­де­сять, агнцевъ единолѣтныхъ два­на­де­сять, и жертвы ихъ и воз­лiянiя ихъ: и козловъ от­ козъ два­на­де­сять, грѣха ради:
7:88	всѣхъ говядъ на жертву спасенiя, юницъ двадесять четыре, овновъ шестьдесятъ, козловъ единолѣтныхъ шестьдесятъ, агницъ единолѣтныхъ непорочныхъ шестьдесятъ. Сiе обновленiе олтаря, по исполненiи рукъ его и по помазанiи его.
7:89 См.: 🔗Лев. 1:1	Егда вхожда­ше Моисей въ скинiю свидѣнiя глаголати ему, и услыша гласъ Господа, глаголюща къ нему свыше очистилища, еже есть надъ ковчегомъ свидѣнiя между двѣма херувимы: и глаголаше къ нему.