Книга Исход, глава 22

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) Українська English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Глава 22
22:1 См.: 🔗2Цар. 12:6	Аще же кто украдетъ телца или овцу, и заколетъ или продастъ, пять телцевъ да воз­дастъ за телца и четыри овцы за овцу.
22:2	Аще же въ подкопанiи обрящет­ся тать, и язвенъ умретъ, нѣсть ему убій­ст­во:
22:3	аще же взыдетъ солнце надъ нимъ, повиненъ есть, умретъ за него: аще же не имать имѣнiя, да продаст­ся за татьбу:
22:4	аще же ятъ будетъ, и обрящет­ся въ руцѣ его украденое от­ осляте до овцы живо, сугубо да от­дастъ я.
22:5	Аще же кто потравитъ ниву или виноградъ, и пуститъ скотъ свой пастися на чужей нивѣ, да дастъ от­ нивы сво­ея по плоду его: аще же всю ниву потравитъ, лучшая нивы сво­ея и лучшая винограда сво­его да от­дастъ.
22:6	Аще же изшедъ огнь обрящетъ тернiе и запалитъ гумно, или класы, или ниву, да от­дастъ, иже воз­же огнь.
22:7	Аще же кто дастъ другу сребро или сосудъ сохранити, и украдет­ся изъ дому мужа того, аще обрящет­ся украдый, да воз­дастъ сугубо:
22:8 См.: 🔗Исх. 21:6 🔗Пс. 81:1 🔗Ин. 10:35	аще же не обрящет­ся украдый, да прiидетъ господинъ дому предъ Бога и да кленет­ся, яко по­истин­нѣ не слукав­ст­вова онъ о всемъ положенiи дружнемъ.
22:9	По всей речен­нѣй неправдѣ, о теляти и о осляти и о овцѣ, и о ризѣ и о всей гибели нанесен­нѣй, что убо ни было бы, предъ Богомъ да прiидетъ судъ обо­ихъ, и обвинен­ный Богомъ да от­дастъ сугубо ближнему.
22:10	Аще же кто дастъ другу осля или телца, или овцу, или всякъ скотъ хранити, и умретъ или погибнетъ, или плѣнено будетъ, и никтоже увѣсть,
22:11	клятва да будетъ Божiя между обо­ими, яко по­истин­нѣ не слукав­ст­вова онъ о всемъ ближняго положенiи, и тако прiиметъ господинъ его, и да не от­дастъ:
22:12 См.: 🔗Быт. 31:39	аще же украдено будетъ от­ него, да от­дастъ господину:
22:13	аще же звѣрь снѣде, да ведетъ его на звѣроядину, и не от­дастъ:
22:14	аще же кто испроситъ у друга, и погибнетъ, или умретъ, или плѣнит­ся, господинъ же его не будетъ съ нимъ, от­дастъ:
22:15	аще же господинъ его будетъ съ нимъ, да не от­дастъ: аще же наемникъ есть, да будетъ ему вмѣсто мзды его.
22:16 См.: 🔗Втор. 22:28	Аще же прельститъ кто не обручену дѣвицу, и будетъ съ нею, вѣномъ да от­вѣнитъ ю, [и пойметъ ю] себѣ въ жену:
22:17	аще же воз­браняя воз­бранитъ и не восхощетъ отецъ ея дати ю ему въ жену, сребро да воз­дастъ отцу, елико есть вѣно дѣвическо.
22:18 См.: 🔗Лев. 19:31 🔗Лев. 20:27 🔗Втор. 18:11	Волхвомъ живымъ быти не попустите.
22:19	Всякаго со скотомъ бывающа смертiю убiете его.
22:20 См.: 🔗Втор. 13:13	Иже жертву при­­носитъ богомъ, смертiю да потребит­ся, но точiю Господу единому.
22:21 См.: 🔗Исх. 23:9 🔗Лев. 19:33	И при­­шелца не озлобите, ниже оскорбите его: при­­шелцы бо бѣсте въ земли Египетстѣй.
22:22 См.: 🔗Зах. 7:10	Всякiя вдовы и сироты не озлобите:
22:23	аще же злобою озлобите я, и воз­стенав­ше возопiютъ ко Мнѣ, слухомъ услышу гласъ ихъ
22:24	и разгнѣваюся яростiю, и побiю вы мечемъ, и будутъ жены вашя вдовы, и чада ваша сироты.
22:25 См.: 🔗Лев. 25:36 🔗Пс. 14:5 🔗Иез. 18:8	Аще же даси сребро взаемъ брату нищему иже у тебе, не буди его понуждаяй, ниже наложиши ему лихвы.
22:26 См.: 🔗Втор. 24:12	И аще заложитъ въ залогъ ризу другъ твой, до захожденiя солнца от­даси ему:
22:27	есть бо сiя покровенiе ему, сiя едина риза стыдѣнiя его, въ чемъ спати будетъ: аще убо возопiетъ ко Мнѣ, услышу его: милостивъ бо есмь.
22:28 См.: 🔗Деян. 23:5	Боговъ да не злословиши и князю людій тво­ихъ да не речеши зла.
22:29 См.: 🔗Иез. 44:30 🔗Исх. 13:2 🔗Лк. 2:23	Начатки от­ гумна и от­ точила тво­его да не косниши при­­нести [Мнѣ]: первенцы сыновъ тво­ихъ да даси Мнѣ:
22:30	тако сотвориши телцу тво­ему, и овцѣ тво­ей, и ослу тво­ему: седмь дній да будетъ у матери, въ осмый же день да от­даси оное Мнѣ.
22:31 См.: 🔗Лев. 22:8 🔗Иез. 44:31	Люди святи будете Ми, и мяса звѣроядин­наго да не снѣсте, псомъ повержете е.