Язык:
Церковнослав. (дореф.)
Библия на церковнослявянском языке в дореволюционной (дореформенной) орфографии.
| |
Глава 3 | |
3:1 | И Ангелу Сардійскiя церкве напиши: тако глаголетъ Имѣяй седмь духовъ Божiихъ и седмь звѣздъ: вѣмъ твоя дѣла, яко имя имаши яко живъ, а мертвъ еси. |
3:2 См.: 🔗Иез. 33:7 🔗Мф. 24:42 | Буди бдя и утверждая прочая, имже умрети: не обрѣтохъ бо дѣлъ твоихъ скончаныхъ предъ Богомъ [твоимъ] [Моимъ]. |
3:3 | Поминай убо, како прiялъ еси и слышалъ еси, и соблюдай и покайся. Аще убо не бдиши, прiиду на тя яко тать, и не имаши почути, въ кій часъ прiиду на тя. |
3:4 | Но имаши мало именъ и въ Сардіи, иже не оскверниша ризъ своихъ, и ходити имутъ со Мною въ бѣлыхъ, яко достойни суть. |
3:5 См.: 🔗Лк. 10:20 🔗Флп. 4:3 | Побѣждаяй, той облечется въ ризы бѣлыя, и не имамъ отмыти {изгладити} имене его от книгъ животныхъ, и исповѣмъ имя его предъ Отцемъ Моимъ и предъ Ангелы Его. |
3:6 | Имѣяй ухо да слышитъ, что Духъ глаголетъ церквамъ. |
3:7 | И Ангелу Филаделфійскiя церкве напиши: тако глаголетъ Святый Истинный, имѣяй ключь Давидовъ, отверзаяй, и никтоже затворитъ, затворяяй, и никтоже отверзетъ: |
3:8 См.: 🔗1Кор. 16:9 🔗Кол. 4:3 | вѣмъ твоя дѣла: се, дахъ предъ тобою двери отверсты, и никтоже можетъ затворити ихъ: яко малу имаши силу, и соблюлъ еси Мое слово, и не отверглся еси имене Моего. |
3:9 См.: 🔗Ис. 49:23 🔗Ис. 60:14 | Се, даю от сонмища сатанина глаголющыяся быти Иудеи, и не суть, но лгутъ: се, сотворю ихъ, да прiидутъ и поклонятся предъ ногама твоима, и уразумѣютъ, яко Азъ возлюбихъ тя. |
3:10 См.: 🔗2Пет. 2:9 🔗1Кор. 10:13 | Яко соблюлъ еси слово терпѣнiя Моего, и Азъ тя соблюду от годины искушенiя, хотящiя прiити на всю вселенную искусити живущыя на земли. |
3:11 См.: 🔗Отк. 2:10 | Се, гряду скоро: держи, еже имаши, да никтоже прiиметъ вѣнца твоего. |
3:12 | Побѣждающаго сотворю столпа въ церкви Бога Моего, и болѣ [вонъ] не имать изыти ктому: и напишу на немъ имя Бога Моего и имя града Бога Моего, новаго Иерусалима, сходящаго съ небесъ от Бога Моего, и имя Мое новое. |
3:13 | Имѣяй ухо да слышитъ, что Духъ глаголетъ церквамъ. |
3:14 См.: 🔗Кол. 1:15 | И Ангелу Лаодикійскiя церкве напиши: тако глаголетъ Аминь {иже есть Аминь}, свидѣтель вѣрный и истинный, начатокъ созданiя Божiя: |
3:15 | вѣмъ твоя дѣла, яко ни студенъ еси ни теплъ: не да студенъ бы былъ ни теплъ {о, дабы студенъ былъ еси или горящь}. |
3:16 | Тако, яко обуморенъ еси, и ни теплъ ни студенъ, изблевати тя от устъ Моихъ имамъ {тако, понеже теплъ еси, и ни студенъ еси ниже горящь, имамъ тя изблевати изъ устъ Моихъ}. |
3:17 См.: 🔗Ос. 12:8 🔗1Кор. 4:8 | Зане глаголеши, яко богатъ есмь и обогатихся и ничтоже требую: и не вѣси, яко ты еси окаяненъ и бѣденъ, и нищь и слѣпъ и нагъ. |
3:18 | Совѣщаю тебѣ купити от Мене злато разжжено огнемъ, да обогатишися, и одѣянiе бѣло, да облечешися, и да не явится срамота наготы твоея: и коллурiемъ помажи очи твои, да видиши. |
3:19 См.: 🔗Прит. 3:12 🔗Евр. 12:5 | Азъ, ихже аще люблю, обличаю и наказую. Ревнуй убо и покайся. |
3:20 См.: 🔗Песн. 5:2 🔗Ин. 14:23 | Се, стою при дверехъ и толку: аще кто услышитъ гласъ Мой и отверзетъ двери, вниду къ нему и вечеряю съ нимъ, и той со Мною. |
3:21 | Побѣждающему дамъ сѣсти со Мною на престолѣ Моемъ, якоже и Азъ побѣдихъ и сѣдохъ со Отцемъ Моимъ на престолѣ Его. |
3:22 | Имѣяй ухо да слышитъ, что Духъ глаголетъ церквамъ. |