Книга Бытия, глава 25

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) Українська English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Глава 25
25:1	Приложивъ же Авраамъ, поя жену, ейже имя Хеттура:
25:2 См.: 🔗1Пар. 1:32	роди же ему Зомврана и Иезана, и Мадала и Мадiама, и Иесвока и Соiена.
25:3	Иезанъ же роди Савана и Ѳамана и Дедана. Сынове же Дедани быша: Рагуилъ и Навдеилъ, и Асурiимъ и Латусiимъ и Лаомимъ.
25:4	Сынове же Мадiамли: Ефаръ и Афиръ, и Енохъ и Авида и Елдага. Вси сіи быша сынове Хеттурины.
25:5 См.: 🔗Быт. 15:4 🔗Быт. 21:10 🔗Быт. 24:36	Даде же Авраамъ вся своя имѣнiя Исааку сыну сво­ему:
25:6	сыномъ же наложницъ сво­ихъ даде Авраамъ дары и от­пусти я от­ Исаака сына сво­его, еще живъ сый, къ востоку на землю восточную.
25:7	Сiя же лѣта дній житiя Авраамля, елика поживе, лѣтъ сто седмьдесятъ пять:
25:8 См.: 🔗Быт. 35:29 🔗Евр. 12:23	и ослабѣвъ умре Авраамъ въ старости добрѣй, старецъ исполненъ дній, и при­­ложися къ людемъ сво­имъ.
25:9 См.: 🔗Быт. 49:30	И погребоша его Исаакъ и Исмаилъ два сынове его въ пещерѣ Сугубѣй, на селѣ Ефроновѣ сына Саарова Хеттеанина, еже есть прямо Мамвріи,
25:10 См.: 🔗Быт. 23:16	на селѣ и въ пещерѣ, юже при­­тяжа Авраамъ от­ сыновъ Хеттеовыхъ: тамо погребоша Авраама и Сарру жену его.
25:11 См.: 🔗Быт. 16:14 🔗Быт. 24:62	Бысть же по умертвiи Авраамли, благослови Богъ Исаака сына его: и вселися Исаакъ у кладязя Видѣнiя.
25:12 См.: 🔗Быт. 16:15	Сiя же бытiя Исмаила сына Авраамля, егоже роди Агарь Египтяныня, раба Саррина, Аврааму:
25:13 См.: 🔗1Пар. 1:29	и сiя имена сыновъ Исмаилихъ, по именомъ родовъ его: первенецъ Исмаиловъ Наваiоѳъ, и Кидаръ и Навдеилъ, и Массамъ
25:14	и Масма, и Дума и Масси,
25:15 См.: 🔗Иов. 6:19	и Ходданъ и Ѳеманъ, и Иетуръ и Нафесъ и Кедма.
25:16	Сіи суть сынове Исмаили: и сiя имена ихъ въ скинiяхъ ихъ и въ селѣхъ ихъ: два­на­де­сять князи въ языцѣхъ ихъ.
25:17	И сiя лѣта житiя Исмаилова, сто тридесять седмь лѣтъ: и ослабѣвъ умре, и при­­ложися къ роду сво­ему.
25:18	Вселися же от­ Евилата даже до Сура, иже есть въ лице Египту, даже до­ити ко Ассириомъ: предъ лицемъ всѣхъ братiй сво­ихъ вселися.
25:19 См.: 🔗Быт. 21:2 🔗1Пар. 1:34 🔗Мф. 1:2	И сiя бытiя Исаака сына Авраамля: Авраамъ роди Исаака.
25:20	Бяше же Исаакъ лѣтъ четыредесяти, егда поя Ревекку дщерь Ваѳуила Сирина от­ Месо­потамiи Сирскiя, сестру Лавана Сирина, себѣ въ жену.
25:21	Моляшеся же Исаакъ Господеви о Ревекцѣ женѣ сво­ей, яко неплоды бяше: послуша же его Богъ, и зачатъ во утробѣ Ревекка жена его.
25:22	Играста же младенца въ ней, и рече: аще тако ми хощетъ быти, почто ми сiе? И иде вопрошати Господа.
25:23 См.: 🔗Рим. 9:10 🔗Мал. 1:2	И рече ей Господь: два языка во утробѣ тво­ей суть, и двои людiе от­ утробы тво­ея разлучат­ся: и людiе людій превзыдутъ, и болшiй поработаетъ меншему.
25:24	И исполнишася дніе родити ей, и бяху сей близнята во утробѣ ея:
25:25 См.: 🔗Быт. 27:11	изыде же сынъ первенецъ черменъ, весь, яко кожа, косматъ: и нарече имя ему Исавъ:
25:26 См.: 🔗Ос. 12:3 🔗Деян. 7:8	и посемъ изыде братъ его, рука же его при­­держася пятѣ Исавовѣ: и нарече имя ему Иаковъ. Исааку же бѣ шестьдесятъ лѣтъ, егда роди ихъ Ревекка.
25:27	Возрастоша же юноши: и бысть Исавъ человѣкъ вѣдый ловити, селный: Иаковъ же бысть человѣкъ нелукавъ, живый въ дому.
25:28	И воз­люби Исаакъ Исава, яко ловитва его бяше брашно ему: Ревекка же любляше Иакова.
25:29	Свари же Иаковъ варенiе: и прiиде Исавъ съ поля изнемогъ,
25:30 См.: 🔗Быт. 36:1	и рече Исавъ Иакову: напитай мя варенiемъ сочива сего, яко изнемогаю. Сего ради прозвася имя ему Едомъ.
25:31	И рече Иаковъ Исаву: от­даждь ми днесь первен­ство свое.
25:32	Рече же Исавъ: се, азъ иду умрети, и вскую ми первен­ство сiе?
25:33 См.: 🔗Евр. 12:16 🔗Быт. 27:36	И рече Иаковъ ему: кленися ми днесь. И кляся ему, и от­даде Исавъ Иакову первен­ство свое.
25:34	Иаковъ же даде Исаву хлѣбъ и варенiе сочевно: яде же и пи, и воставъ отъиде: и нивочтоже вмѣни себѣ Исавъ первен­ство.