Книга Бытия, глава 46

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) Українська English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Глава 46
46:1 См.: 🔗Исх. 1:1 🔗Чис. 20:15 🔗Втор. 10:22	Воставъ же Израиль самъ и вся сущая его, прiиде ко кладязю Клятвен­ному и пожре жертву Богу отца сво­его Исаака.
46:2	Рече же Богъ ко Израилю въ видѣнiи нощiю, глаголя: Иакове, Иакове. Онъ же рече: что есть?
46:3	Онъ же рече ему: Азъ есмь Богъ отцевъ тво­ихъ, не убойся изыти во Египетъ: въ языкъ бо велiй сотворю тя тамо:
46:4 См.: 🔗Быт. 50:1	и Азъ сниду съ тобою во Египетъ, и Азъ воз­веду тя до конца: и Иосифъ воз­ложитъ руки своя на очи тво­и.
46:5 См.: 🔗Деян. 7:15	Воста же Иаковъ от­ кладязя Клятвен­наго, и взяша сынове Израиля отца сво­его, и стяжанiе, и жены своя на колесницы, яже посла Иосифъ, взяти его:
46:6 См.: 🔗Нав. 24:4 🔗Пс. 104:23 🔗Ис. 52:4	и вземше имѣнiя своя и все стяжанiе, еже стяжаша въ земли Ханаанстѣй, внидоша во Египетъ Иаковъ и все сѣмя его съ нимъ:
46:7	сынове и сынове сыновъ его съ нимъ, дщери и дщери дщерей его, и все сѣмя свое введе во Египетъ.
46:8 См.: 🔗Исх. 1:1 🔗Исх. 6:14 🔗Чис. 26:5 🔗1Пар. 5:1	Сiя же имена сыновъ Израилевыхъ в­шедшихъ во Египетъ купно со Иаковомъ отцемъ сво­имъ: Иаковъ и сынове его: первенецъ Иаковль Рувимъ.
46:9	Сынове же Рувимли: Енохъ и Фаллосъ, Асронъ и Харми.
46:10 См.: 🔗1Пар. 4:24	Сынове же Симеони: Иемуилъ и Иаминъ, и Аодъ и Ахинъ, и Сааръ и Саулъ, сынъ Хананитидинъ.
46:11 См.: 🔗1Пар. 6:1 🔗Исх. 6:16 🔗Чис. 3:17	Сынове же Левіини: Гирсонъ, Кааѳъ и Мерарiй.
46:12 См.: 🔗Быт. 38:2 🔗1Пар. 2:3 🔗1Пар. 4:1	Сынове же Иудины: Иръ и Авнанъ, и Силомъ и Фаресъ и Зара: умроша же Иръ и Авнанъ въ земли Ханаани. Быша же сынове Фаресу: Есромъ и Иемуилъ.
46:13 См.: 🔗1Пар. 7:1	Сынове же Иссахаровы: Ѳола и Фуа, и Асумъ и Самвранъ.
46:14 См.: 🔗Чис. 26:26	Сынове же Завулони: Середъ и Аллонъ и Ахо­илъ.
46:15	Сіи сынове Ліини, ихже роди Иакову въ Месо­потамiи Сирстѣй, и Дину дщерь его: всѣхъ душъ сыновъ и дщерей тридесять три.
46:16 См.: 🔗Чис. 26:15	Сынове же Гадовы: Сафонъ и Ангисъ, и Сан­нисъ и Ѳасованъ, и Аидисъ и Аро­идисъ и Ареилисъ.
46:17 См.: 🔗1Пар. 7:30	Сынове же Асировы: Иемна и Ессуа, и Ие­улъ и Варiа, и Сара сестра ихъ. Сынове же Варiины: Ховоръ и Мелхіилъ.
46:18	Сіи сынове Зелфины, юже даде Лаванъ Ліи, дщери сво­ей, яже роди сихъ Иакову, шесть­на­де­сять душъ.
46:19	Сынове же Рахили, жены Иаковли: Иосифъ и Венiаминъ.
46:20 См.: 🔗Быт. 41:50	Быша же сынове Иосифу въ земли Египетстѣй, ихже роди ему Асенеѳа, дщи Петефріа жреца Илiополь­ска, Манассію и Ефрема. Быша же сынове Манассіины, ихже роди ему наложница Сира, Махира. Махиръ же роди Галаада. Сынове же Ефраима, брата Манассіина: Суталаамъ и Таамъ. Сынове же Суталаамли, Едомъ.
46:21 См.: 🔗1Пар. 7:6 🔗1Пар. 8:1	Сынове же Венiамини: Вала и Ховоръ и Асфилъ. Быша же сынове Валовы: Гира и Но­еманъ, и Анхисъ и Росъ, и Мамфимъ и Офимимъ. Гира же роди Арада.
46:22	Сіи сынове Рахилины, ихже роди Иакову, всѣхъ душъ осмь­на­де­сять.
46:23 См.: 🔗Чис. 26:42	Сынове же Дановы: Асомъ.
46:24 См.: 🔗Чис. 26:48 🔗1Пар. 7:13	Сынове же Нефѳалимли: Асiилъ и Гони, и Иссааръ и Селлимъ.
46:25	Сіи сынове Валлины, юже даде Лаванъ Рахили дщери сво­ей, яже роди сихъ Иакову: всѣхъ душъ седмь.
46:26	Всѣхъ же душъ в­шедшихъ со Иаковомъ во Египетъ, яже изыдоша изъ чреслъ его, кромѣ женъ сыновъ Иаковлихъ, всѣхъ душъ шестьдесятъ шесть.
46:27 См.: 🔗Исх. 1:5 🔗Втор. 10:22 🔗Деян. 7:14	Сынове же Иосифовы, иже быша ему въ земли Египетстѣй, душъ девять: всѣхъ душъ дому Иаковля, яже прiидоша со Иаковомъ во Египетъ, душъ седмьдесятъ пять.
46:28	Иуду же посла предъ собою ко Иосифу срѣсти его у Иройска града въ земли Рамессійстѣй.
46:29 См.: 🔗Быт. 33:4 🔗Быт. 45:14	Впрягъ же Иосифъ колесницы своя, изыде во срѣтенiе Израилю, отцу сво­ему, ко Ироону граду: и явився ему, нападе на выю его и плакася плачемъ великимъ.
46:30 См.: 🔗Быт. 45:28 🔗Лк. 2:29	И рече Израиль ко Иосифу: да умру от­нынѣ, понеже видѣхъ лице твое: еще бо ты еси живъ.
46:31 См.: 🔗Быт. 47:1	Рече же Иосифъ ко братiи сво­ей: шедъ повѣмъ фараону и реку ему: братiя моя и домъ отца мо­его, иже быша въ земли Ханаани, прiидоша ко мнѣ:
46:32	они же суть мужiе пастуси, мужiе бо скотопитателiе быша: и скоты, и волы, и вся своя при­­ведоша:
46:33	аще убо при­­зоветъ васъ фараонъ и речетъ вамъ: что дѣло ва­ше есть?
46:34 См.: 🔗Быт. 47:6 🔗Быт. 43:32	Рцыте: мужiе скотопитателiе есмы, раби тво­и, издѣтска даже до нынѣ, и мы и отцы наши: да вселитеся въ земли Гесемъ Аравійстѣй: мерзость бо есть Египтяномъ всякъ пастухъ овчiй.