Язык:
Церковнослав. (дореф.)
Библия на церковнослявянском языке в дореволюционной (дореформенной) орфографии.
| |
Глава 55 | |
55:1 См.: 🔗Ин. 7:37 | Жаждущiи, идите на воду, и елицы не имате сребра, шедше купите, и ядите [и пійте] безъ сребра и цѣны вино и тукъ. |
55:2 См.: 🔗Мал. 4:2 | Вскую цѣните сребро не въ хлѣбы, и трудъ вашъ не въ сытость? Послушайте мене, и снѣсте благая, и насладится во благихъ душа ваша. |
55:3 См.: 🔗2Цар. 7:12 🔗Деян. 13:34 | Внемлите ушима вашима и послѣдуйте путемъ моимъ: послушайте мене, и жива будетъ во благихъ душа ваша, и завѣщаю вамъ завѣтъ вѣченъ, преподобная давидова вѣрная. |
55:4 См.: 🔗Втор. 18:15 | Се, свидѣтелство во языцѣхъ дахъ его, князя и повелителя языкомъ. |
55:5 См.: 🔗Деян. 13:46 | Се, языцы, иже не вѣдяху тебе, призовутъ тя, и людiе, иже не познаша тебе, ко тебѣ прибѣгнутъ ради Господа Бога твоего, святаго Израилева, яко прослави тя. |
55:6 | Взыщите Господа, и внегда обрѣсти вамъ того, призовите: егда же приближится къ вамъ, |
55:7 См.: 🔗Иез. 18:23 | да оставитъ нечестивый пути своя, и мужъ беззаконенъ совѣты своя, и да обратится ко Господу, и помилованъ будетъ, яко попремногу оставитъ грѣхи вашя. |
55:8 См.: 🔗1Кор. 3:19 | Не суть бо совѣти мои якоже совѣти ваши, ниже якоже путiе ваши путiе мои, глаголетъ Господь. |
55:9 | Но якоже отстоитъ небо от земли, тако отстоитъ путь мой от путій вашихъ, и помышленiя ваша от мысли моея. |
55:10 См.: 🔗Втор. 32:2 | Якоже бо аще снидетъ дождь или снѣгъ съ небесе, и не возвратится, дондеже напоитъ землю, и родитъ, и прозябнетъ, и дастъ сѣмя сѣющему и хлѣбъ въ снѣдь: |
55:11 См.: 🔗2Тим. 2:9 | тако будетъ глаголъ мой, иже аще изыдетъ изъ устъ моихъ, не возвратится ко мнѣ тощь, дондеже совершитъ [вся], елика восхотѣхъ, и поспѣшу пути твоя и заповѣди моя. |
55:12 | Со веселiемъ бо изыдете и съ радостiю научитеся: горы бо и холми возскачутъ ждуще васъ съ радостiю, и вся древеса селная восплещутъ вѣтвьми: |
55:13 См.: 🔗Ис. 41:19 | и вмѣсто драчiя взыдетъ кипарисъ, и вмѣсто кропивы взыдетъ мирсина: и будетъ Господь во имя и во знаменiе вѣчное, и не оскудѣетъ. |