Язык:
Церковнослав. (дореф.)
Библия на церковнослявянском языке в дореволюционной (дореформенной) орфографии.
| |
Глава 3 | |
3:1 | Посемъ отверзе иовъ уста своя и прокля день свой, |
3:2 | глаголя: |
3:3 См.: 🔗Иер. 20:14 | да погибнетъ день, въ оньже родихся, и нощь оная, въ нюже рѣша: се, мужескъ полъ: |
3:4 | та нощь буди тма, и да не взыщетъ ея Господь свыше, ниже да прiидетъ на ню свѣтъ, |
3:5 | и да прiиметъ ю тма и сѣнь смертная, да прiидетъ на ню сумракъ: проклятъ буди день той |
3:6 | и нощь оная: да постигнетъ ю тма, да не будетъ во днехъ лѣта, ниже да вчислится во днехъ месяцей: |
3:7 | но нощь оная да будетъ болѣзнь, и да не прiидетъ на ню веселiе и радость, |
3:8 См.: 🔗Иов. 40:20 | но да прокленетъ ю проклинаяй той день, иже имать одолѣти великаго кита: |
3:9 | да померкнутъ звѣзды тоя нощи, да ожидаетъ и на свѣтъ да не прiидетъ, и да не видитъ денницы возсiявающiя, |
3:10 | яко не затвори вратъ чрева матере моея: отъяла бо бы болѣзнь от очiю моею: |
3:11 | почто бо во утробѣ не умрохъ? изъ чрева же изшедъ, и абiе не погибохъ? |
3:12 | почто же мя прiяша на колѣна? почто же ссахъ сосца? |
3:13 См.: 🔗Еккл. 4:3 | нынѣ убо уснувъ умолчалъ быхъ, уснувъ же почилъ быхъ |
3:14 | со царьми и совѣтники земли, иже хваляхуся оружiи, |
3:15 | или со князи, имже много злата, иже наполниша домы своя сребра, |
3:16 | или якоже извергъ излазяй изъ ложеснъ матернихъ, или якоже младенцы, иже не видѣша свѣта: |
3:17 | тамо нечестивiи утолиша ярость гнѣва, тамо почиша претружденнiи тѣломъ, |
3:18 | вкупѣ же въ вѣцѣ семъ бывшiи не слышатъ гласа собирающаго дань: |
3:19 | малъ и великъ тамо есть, и рабъ не бояйся господина своего: |
3:20 | почто бо данъ есть сущымъ въ горести свѣтъ и сущымъ въ болѣзнехъ душамъ животъ, |
3:21 См.: 🔗Отк. 9:6 | иже желаютъ смерти и не получаютъ, ищуще якоже сокровища, |
3:22 | обрадовани же бываютъ, аще улучатъ [смерть]? |
3:23 | смерть бо мужу покой, егоже путь сокровенъ есть, затвори бо Богъ окрестъ его: |
3:24 | прежде бо брашенъ моихъ воздыханiе ми приходитъ, слезю же азъ одержимь страхомъ, |
3:25 См.: 🔗Прит. 28:14 | страхъ бо, егоже ужасахся, прiиде ми, и егоже бояхся, срѣте мя: |
3:26 | ни умирихся, ниже умолчахъ, ниже почихъ, и найде ми гнѣвъ. |