Книга пророка Иезекииля, глава 41

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) Українська English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Глава 41
41:1	И введе мя во храмъ, и размѣри аиламъ {подвои}, шести лактей широта о сiю страну и шести лактей широта Аиламъ объ ону,
41:2	и широта вратъ десять лактей, и бока вратъ пяти лактей о сiю страну и пяти объ ону: и измѣри долготу ихъ четыредесять лактей, а широту двадесять лактей.
41:3	И вниде во дворъ внутрен­нiй, и размѣри Аиламъ дверiй двухъ лактей, и двери шести лактей, бока же дверная седми лактей о сiю страну и седми объ ону.
41:4 См.: 🔗Исх. 26:33 🔗Лев. 16:2 🔗Иез. 43:12	И размѣри долготу дверiй четыредесять лактей, а широту двадесять лактей предъ лицемъ храма, и рече ко мнѣ: сiе святое святыхъ.
41:5	И размѣри стѣну храма шести лактей и широту страны четырехъ лактей окрестъ,
41:6	страны же страна до страны тридесять и три дващи: и разстоянiе въ стѣнѣ храма во странахъ окрестъ, еже на прозракъ быти входящымъ, да от­нюдъ не при­­касают­ся ко стѣнамъ храма.
41:7 См.: 🔗3Цар. 6:8	Широта же вышнiя страны по при­­ложенiю от­ стѣны къ вышней окрестъ храма, яко да разширяет­ся свыше, и да от­ долнихъ восходятъ на горняя, а от­ среднихъ на трекровная.
41:8	И видѣхъ храма высоту окрестъ разстоянiе странъ равно трости шести лактей разстоянiя,
41:9	широта же стѣны страны внѣуду пяти лактей, и прочая между странами храма,
41:10	и между преградами широта двадесяти лактей, окружность окрестъ храма.
41:11	Двери же преградъ ко прочему дверiй единыхъ яже къ сѣверу: и дверь едина къ югу, широта же свѣта прочаго пяти лактей широта окрестъ.
41:12	Раздѣлъ же противу прочему аки къ морю седмьдесятъ лактей, широта стѣны раздѣляющiя, широта окрестъ пять лактей, и долгота ея девятьдесятъ лактей
41:13	и размѣри противу храма долготу сто лактей, и прочая и раздѣляющая, и стѣны ихъ въ долготу сто лактей.
41:14	И широта противу храма, и прочая противу ста лактей.
41:15	И размѣри долготу раздѣлу противу лицу прочему созади храму тому, и прочая о сiю страну и объ ону ста лактей долготу: храмъ же и углы, и Еламъ {притворъ} внѣшнiй, доски постланы.
41:16 См.: 🔗3Цар. 6:4	И окна решетчатая свѣщенiя окрестъ трiемъ [странамъ] еже при­­ницати: храмъ же и яже близъ его устлана древомъ окрестъ, и помостъ, и от­ помоста до оконъ: окна же от­воряема трояко на при­­ницанiе,
41:17	и даже до дому внутрен­няго и до внѣшняго, и на всей стѣнѣ окрестъ внутрен­ней и внѣшней мѣры,
41:18 См.: 🔗3Цар. 6:32 🔗Иез. 10:14	и изваян­нiи херувими и финики: финикъ посредѣ херувима и херувима: два лица херувиму:
41:19 См.: 🔗Иез. 1:10	лице человѣческо къ финику сюду и сюду, и лице львово къ финику сюду и сюду, изваянъ весь храмъ окрестъ.
41:20	От помоста даже до свода херувими и финики изваяни.
41:21	Святое же и храмъ от­верзаемь на четыри страны, предъ лицемъ святыхъ видѣнiе яко зракъ требника древяна,
41:22 См.: 🔗Исх. 30:1	три лакти высота его, а долгота дву лактей, и широта такожде: имѣяше же роги, и основанiе его и стѣны его древяны. И рече ко мнѣ: сiя трапеза, яже предъ лицемъ Господнимъ:
41:23 См.: 🔗3Цар. 6:34	двои же двери храму и двои двери святому,
41:24	дво­имъ дверемъ вращающымся: двѣ вереи единымъ, и двѣ вереи вторымъ дверемъ.
41:25	И ваянiя надъ ними и надъ дверьми храма херувимъ и финики, по ваянiю святыхъ, и древеса потребна предъ лицемъ Елама {притвора} от­ внѣуду,
41:26 См.: 🔗Иез. 40:16	и окна сокровена. И размѣри сюду и сюду въ покровѣхъ Елама, и страны храма древами сопряжены.