Язык:
Церковнослав. (дореф.)
Библия на церковнослявянском языке в дореволюционной (дореформенной) орфографии.
| |
Глава 3 | |
3:1 См.: 🔗Ис. 55:6 | На ложи моемъ въ нощехъ искахъ, егоже возлюби душа моя, искахъ его, и не обрѣтохъ его: воззвахъ его, и не послуша мене. |
3:2 См.: 🔗Песн. 5:6 | Востану убо и обыду во градѣ и на торжищихъ и на стогнахъ, и поищу, егоже возлюби душа моя. Поискахъ его, и не обрѣтохъ его: звахъ его, и не послуша мене. |
3:3 | Обрѣтоша мя стрегущiи, обходяще во градѣ: видѣсте ли, егоже возлюби душа моя? |
3:4 | Яко мало егда преидохъ от нихъ, дондеже обрѣтохъ, егоже возлюби душа моя: удержахъ его, и не оставихъ его, дондеже введохъ его въ домъ матере моея и въ чертогъ заченшiя мя. |
3:5 См.: 🔗Песн. 2:7 | Закляхъ васъ, дщери Иерусалимскiя, въ силахъ и въ крѣпостехъ селныхъ: аще подвижете и воздвижете любовь, дондеже аще восхощетъ. |
3:6 См.: 🔗Песн. 8:5 | Кто сiя восходящая от пустыни, яко стебло дыма кадящее смирну и Ливанъ, от всѣхъ благовонiй мироварца? |
3:7 | Се, одръ соломонь, шестьдесятъ сильныхъ окрестъ его от сильныхъ Израилевыхъ, |
3:8 См.: 🔗Пс. 90:5 | вси имуще оружiя, научени на брань: мужъ, оружiе его на бедрѣ его от ужаса въ нощехъ. |
3:9 | Одръ сотвори себѣ царь соломонъ от древесъ Ливанскихъ. |
3:10 | Столпы его сотвори сребряны и восклоненiе его злато: восходъ его багрянъ, внутрь его каменiе постлано, любовь от дщерей Иерусалимскихъ. |
3:11 См.: 🔗Мф. 22:2 | Дщери Сiони, изыдите и видите въ цари соломонѣ въ вѣнцѣ, имже вѣнча его мати его въ день обрученiя его и въ день веселiя сердца его. |