Язык:
Церковнослав. (дореф.)
Библия на церковнослявянском языке в дореволюционной (дореформенной) орфографии.
| |
Псалом 39 | |
39:1 | Въ конецъ, псаломъ Давиду. |
39:2 | Терпя потерпѣхъ Господа, и внятъ ми и услыша молитву мою: |
39:3 См.: 🔗Иов. 30:19 🔗Лк. 6:48 | и возведе мя от рова страстей и от бренiя тины, и постави на камени нозѣ мои и исправи стопы моя: |
39:4 | и вложи во уста моя пѣснь нову, пѣнiе Богу нашему. Узрятъ мнози и убоятся, и уповаютъ на Господа. |
39:5 | Блаженъ мужъ, емуже есть имя Господне упованiе его, и не призрѣ въ суеты и неистовленiя ложная. |
39:6 | Многа сотворилъ еси Ты, Господи Боже мой, чудеса Твоя, и помышлениемъ Твоимъ нѣсть кто уподобится Тебѣ: возвѣстихъ и глаголахъ: умножишася паче числа. |
39:7 См.: 🔗Пс. 50:18 | Жертвы и приношенiя не восхотѣлъ еси, тѣло же свершилъ ми еси: всесожженiй и о грѣсѣ не взыскалъ еси. |
39:8 См.: 🔗Ин. 5:46 | Тогда рѣхъ: се, прiиду: въ главизнѣ книжнѣ писано есть о мнѣ: |
39:9 См.: 🔗Ис. 50:5 | еже сотворити волю Твою, Боже мой, восхотѣхъ, и законъ Твой посредѣ чрева моего. |
39:10 См.: 🔗Пс. 34:18 | Благовѣстихъ правду въ церкви велицѣй, се, устнамъ моимъ не возбраню: Господи, Ты разумѣлъ еси. |
39:11 См.: 🔗Мф. 12:35 | Правду Твою не скрыхъ въ сердцы моемъ, истину Твою и спасенiе Твое рѣхъ, не скрыхъ милость Твою и истину Твою от сонма многа. |
39:12 | Ты же, Господи, не удали щедротъ Твоихъ от мене: милость Твоя и истина Твоя выну да заступитѣ мя. |
39:13 См.: 🔗Пс. 30:11 | Яко одержаша мя злая, имже нѣсть числа: постигоша мя беззаконiя моя, и не возмогохъ зрѣти: умножишася паче власъ главы моея, и сердце мое остави мя. |
39:14 См.: 🔗Пс. 21:20 | Благоволи, Господи, избавити мя: Господи, во еже помощи ми, вонми. |
39:15 См.: 🔗Пс. 34:4 | Да постыдятся и посрамятся вкупѣ ищущiи душу мою, изъяти ю: да возвратятся вспять и постыдятся хотящiи ми злая. |
39:16 См.: 🔗Пс. 34:21 | Да прiимутъ абiе студъ свой глаголющiи ми: благоже, благоже. |
39:17 | Да возрадуются и возвеселятся о Тебѣ вси ищущiи Тебе, Господи, и да рекутъ выну, да возвеличится Господь, любящiи спасенiе Твое. |
39:18 См.: 🔗Пс. 69:6 | Азъ же нищъ есмь и убогъ, Господь попечется о мнѣ: помощникъ мой и защититель мой еси ты, Боже мой, не закосни. |