Книга пророка Исаии, глава 8

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) Українська English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Глава 8
8:1 См.: 🔗Ис. 30:8 🔗Авв. 2:2	И рече Господь ко мнѣ: прiими себѣ свитокъ новъ великъ и напиши въ немъ писаломъ человѣчимъ, еже скоро плѣненiе сотворити корыстей, при­­спѣ бо:
8:2	и свидѣтели мнѣ сотвори вѣрны человѣки, урію иереа и захарiю сына Варахіина.
8:3	И при­­ступихъ ко пророчицѣ, и во чревѣ зачатъ и роди сына. И рече Господь мнѣ: нарцы имя ему: скоро плѣни, нагло расхити,
8:4 См.: 🔗Ис. 7:8	зане прежде неже разумѣти отрочати назвати отца или матерь, прiиметъ силу Дамаскову, и корысти самарийскiя предъ царемъ Ассирійскимъ.
8:5	И при­­ложи Господь глаголати ко мнѣ еще, глаголя:
8:6 См.: 🔗Неем. 3:15 🔗Ин. 9:11	понеже не восхотѣша людiе сіи воды Силоамли текущiя тисѣ, но восхотѣша имѣти рассона и сына ромеліева царя надъ вами,
8:7 См.: 🔗Отк. 17:15 🔗Ис. 10:8	сего ради се, воз­водитъ Господь на вы воду рѣки сильну и многу, царя Ассирійска и славу его: и взыдетъ на всяку дебрь вашу, и обыдетъ всяку стѣну вашу,
8:8 См.: 🔗Ис. 30:28	и отъ­иметъ от­ Иудеи человѣка, иже воз­можетъ главу воз­двигнути, или могущаго что совершити: и будетъ полкъ его, во еже наполнити ширину страны тво­ея, съ нами Богъ!
8:9	Разумѣйте, языцы, и покаряйтеся, услышите даже до послѣднихъ земли: могущiи, покаряйтеся: аще бо паки воз­можете, паки побѣждени будете,
8:10 См.: 🔗Ис. 7:7	и иже аще совѣтъ совѣщаете, разоритъ Господь, и слово, еже аще воз­глаголете, не пребудетъ въ васъ, яко съ нами Богъ.
8:11 См.: 🔗Ис. 42:8	Тако глаголетъ Господь: крѣпкою рукою не покаряют­ся хожденiю пути людій сихъ, глаголюще:
8:12 См.: 🔗Мф. 10:26	да не когда рекутъ: жестоко: все бо, еже аще рекутъ людiе сіи, жестоко есть: страха же ихъ не убойтеся, ниже воз­мятитеся.
8:13 См.: 🔗1Пет. 3:15	Господа силъ, того освятите, и той будетъ тебѣ въ страхъ.
8:14 См.: 🔗Ис. 28:16	И аще будеши уповая на него, будетъ тебѣ во освященiе, а не якоже о камень претыканiя преткнешися, ниже яко о камень паденiя: домове же Иаковли въ пруглѣ, и въ раздолiи сѣдящiи во Иерусалимѣ.
8:15 См.: 🔗Ис. 28:13	Сего ради изнемогутъ въ нихъ мнози, и падутъ, и сокрушат­ся, и при­­ближат­ся, и яти будутъ человѣцы въ твердыни суще.
8:16 См.: 🔗Ис. 29:11 🔗Ис. 54:13 🔗Ин. 6:45	Тогда явлени будутъ печатлѣющiи законъ, еже не учитися.
8:17	И речетъ: пожду Бога от­вращшаго лице свое от­ дому Иаковля и уповая буду нань.
8:18 См.: 🔗Евр. 2:13	Се, азъ и дѣти, яже ми даде Богъ: и будутъ знаменiя и чудеса въ дому Израилевѣ от­ Господа Саваоѳа, иже обитаетъ на горѣ Сiонъ.
8:19 См.: 🔗Лев. 19:31 🔗Втор. 18:11	И аще рекутъ къ вамъ: изыщите чревоволшебниковъ и от­ земли воз­глашающихъ, тщеслову­ю­щихъ, иже от­ чрева глашаютъ, не языкъ ли къ Богу сво­ему взыщетъ? что испытуютъ мертвыя о живыхъ?
8:20 См.: 🔗Мф. 13:52 🔗Деян. 28:23	Законъ бо въ помощь даде, да рекутъ не якоже слово сiе, заньже не лѣть дары даяти.
8:21 См.: 🔗Пс. 58:16	И прiидетъ на вы жестокъ гладъ, и будетъ, егда взалчете, скорбни будете и зло речете князю и отече­ст­ву:
8:22 См.: 🔗Ис. 5:30	и воз­зрятъ на небо горѣ, и на землю низу призрятъ, и се, скудость тѣсна и тма, скорбь и тѣснота и тма, якоже не видѣти: и не оскудѣетъ въ тѣснотѣ сый даже до времене.