Книга Левит, глава 19

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) Українська English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Глава 19
19:1	И рече Господь къ Моисею, глаголя:
19:2 См.: 🔗Лев. 11:44 🔗1Пет. 1:15	глаголи всему сонму сыновъ Израилевыхъ, и речеши къ нимъ: святи будите, яко Азъ святъ [есмь] Господь Богъ вашъ.
19:3 См.: 🔗Исх. 20:12 🔗Сир. 3:6 🔗Исх. 20:8	Кійждо отца сво­его и матере сво­ея да бо­ит­ся, и субботы Моя сохраните: Азъ Господь Богъ вашъ.
19:4 См.: 🔗Исх. 20:4	Не послѣдуйте идоломъ, и боговъ слiяныхъ не сотворите себѣ: Азъ Господь Богъ вашъ.
19:5 См.: 🔗Лев. 3:1	И аще пожрете жертву спасенiя Господу, прiятну вамъ пожрите:
19:6 См.: 🔗Лев. 7:16	въ оньже день аще пожрете, [въ той день] да снѣст­ся, и на утрiе: и аще останет­ся до третiяго дне, на огни да сожжет­ся:
19:7 См.: 🔗Лев. 7:18	аще же ли яденiемъ съяст­ся въ день третiй, не жертвен­но есть, не прiимет­ся:
19:8 См.: 🔗Быт. 17:14	и иже ястъ е, грѣхъ прiиметъ, яко святая Господня оскверни: и потребят­ся душы ядущыя от­ людій сво­ихъ.
19:9 См.: 🔗Лев. 23:22 🔗Втор. 24:19	И пожинающымъ вамъ жатву земли ва­шея, да не скончаете жатвы ва­шея, нивы тво­ея пожинанiя: и пада­ю­щихъ класъ от­ жатвы тво­ея да не собереши:
19:10	и винограда тво­его вторицею да не обереши, ниже грезнъ винограда тво­его да собереши: нищему и при­­шелцу да оставиши я: Азъ есмь Господь Богъ вашъ.
19:11 См.: 🔗Исх. 20:15	Не украдите, ни солжите, ниже да оклеветаетъ кійждо ближняго.
19:12 См.: 🔗Исх. 20:7 🔗Втор. 5:11 🔗Мф. 5:33	И не кленитеся именемъ Мо­имъ въ неправдѣ, и да не оскверните имене святаго Бога ва­шего: Азъ Господь Богъ вашъ.
19:13 См.: 🔗Сир. 10:6 🔗Втор. 24:14 🔗Тов. 4:14 🔗Сир. 34:22	Да не обидиши ближняго: и да не отъ­имеши, и да не прележитъ мзда наемника тво­его у тебе до утрiя.
19:14	Зла да не речеши глухому, и предъ слѣпымъ да не положиши претыканiя: и да убо­ишися Господа Бога тво­его: Азъ Господь Богъ вашъ.
19:15 См.: 🔗Втор. 1:17 🔗Втор. 16:19 🔗Сир. 42:1 🔗Прит. 24:23 🔗Иак. 2:1	Не сотворите неправды въ судѣ: да не прiимеши лица нищаго, ниже почудишися лицу могущаго: по правдѣ да судиши ближнему тво­ему.
19:16	Да не ходиши лестiю во сво­емъ языцѣ, и не востанеши на кровь ближняго тво­его: Азъ Господь Богъ вашъ.
19:17 См.: 🔗1Ин. 2:11 🔗1Ин. 3:15 🔗Мф. 18:15 🔗Лк. 17:3	Да не воз­ненавидиши брата тво­его во умѣ тво­емъ, обличенiемъ да обличиши ближняго тво­его: и не прiимеши ради его грѣха.
19:18 См.: 🔗Мф. 5:43 🔗Мф. 22:39 🔗Мк. 12:31 🔗Рим. 13:9 🔗Гал. 5:14 🔗Иак. 2:8	И да не от­мщаетъ рука твоя, и да не враждуеши на сыны людій сво­ихъ, и воз­любиши ближняго сво­его яко самъ себе: Азъ Господь Богъ вашъ.
19:19	Законъ Мой сохраните: и скота тво­его да не смѣсиши со скотомъ инаго рода, и винограда тво­его да не насадиши различна: и ризы изъ двухъ [вещей] сотканыя гнусныя да не воз­ложиши на ся.
19:20	И аще кто будетъ съ женою ложемъ сѣмене, и сiя бяше раба хранима мужу, и цѣною не искуплена или свобода не дана ей, наказаны да будутъ: не умрутъ, яко не свободися:
19:21	и да при­­ведетъ за преступленiе свое Господу къ дверемъ скинiи свидѣнiя овна преступленiя,
19:22 См.: 🔗Лев. 4:26 🔗Лев. 5:13	и да помолит­ся о немъ жрецъ овномъ преступленiя предъ Господемъ о грѣсѣ имже согрѣши, и оставит­ся ему грѣхъ, егоже сотвори.
19:23 См.: 🔗Втор. 20:6	Егда же внидете въ землю, юже Господь Богъ вашъ даетъ вамъ, и насадите всяко древо снѣдное, и очистите нечистоту его, плодъ его три лѣта нечистъ да будетъ вамъ, да не снѣст­ся:
19:24 См.: 🔗Неем. 10:35	въ лѣто же четвертое будетъ всякъ плодъ его святъ, похваленъ Господу:
19:25	въ лѣто же пятое да снѣсте плодъ его, при­­бытокъ вамъ плоды его: Азъ Господь Богъ вашъ.
19:26 См.: 🔗Втор. 18:10 🔗4Цар. 21:6	Не ядите на горахъ, и не вражите, и ни сряща смотрите от­ птицъ.
19:27	Не сотворите обстриженiя кругомъ от­ власъ главъ вашихъ, ниже бріете брадъ вашихъ.
19:28 См.: 🔗Втор. 14:1 🔗3Цар. 18:28	И кро­енiя не сотворите на тѣлѣ ва­шемъ о души: и язвъ настрекан­ныхъ да не сотворите въ васъ: Азъ Господь Богъ вашъ.
19:29 См.: 🔗Сир. 26:13	Да не оскверниши дщере тво­ея еже блудити ей: и да не прелюбы дѣетъ земля, и наполнит­ся земля беззаконiй.
19:30 См.: 🔗Лев. 23:2	Субботы Моя сохраните, и от­ святыхъ Мо­ихъ убойтеся: Азъ Господь.
19:31 См.: 🔗Лев. 20:6 🔗Втор. 18:11 🔗Ис. 8:19	Не послѣдуйте утробнымъ баснемъ, и къ волхвомъ не при­­лѣпитеся, осквернитися въ нихъ: Азъ Господь Богъ вашъ.
19:32 См.: 🔗Сир. 8:7	Предъ лицемъ сѣдаго востани и почти лице старчо, и да убо­ишися Господа Бога тво­его: Азъ Господь Богъ вашъ.
19:33 См.: 🔗Исх. 22:21	Аще же кто прiидетъ къ вамъ при­­шлецъ въ землю вашу, не стужите ему:
19:34	якоже туземецъ будетъ въ васъ при­­шлецъ, иже прiидетъ къ вамъ, и воз­любиши его яко самъ себе: яко [и вы] при­­шелцы бѣсте въ земли Египетстѣй: Азъ Господь Богъ вашъ.
19:35	Не сотворите неправды въ судѣ, въ мѣрахъ и въ вѣсахъ и въ мѣрилѣхъ:
19:36 См.: 🔗Втор. 25:13 🔗Прит. 11:1 🔗Иез. 45:10	мѣрила праведна и вѣсы праведны и мѣра праведна да будетъ въ васъ: Азъ есмь Господь Богъ вашъ, изведый васъ от­ земли Египетскiя.
19:37 См.: 🔗Лев. 18:30 🔗Втор. 7:12	И сохраните весь законъ Мой и вся повелѣнiя Моя, и сотворите я: Азъ Господь Богъ вашъ.