Книга Исход, глава 12

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) Українська English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Глава 12
12:1	Рече же Господь къ Моисею и Аарону въ земли Египетстѣй, глаголя:
12:2 См.: 🔗Чис. 9:1 🔗Исх. 13:4 🔗Нав. 4:19	месяцъ сей вамъ начало месяцей, первый будетъ вамъ въ месяцѣхъ лѣта:
12:3 См.: 🔗Ин. 1:29 🔗1Кор. 5:7	рцы ко всему сонму сыновъ Израилевыхъ, глаголя: въ десятый месяца сего да возметъ кійждо овча по домомъ отече­ст­въ, кійждо овча по дому:
12:4	аще же мало ихъ есть въ дому, яко не доволнымъ быти на овча, да возметъ съ собою сосѣда ближняго сво­его по числу душъ: кійждо доволное себѣ сочтетъ на овча:
12:5	овча совершен­но, мужескъ полъ, непорочно и единолѣтно будетъ вамъ, от­ агнецъ и от­ козлищъ прiимете:
12:6 См.: 🔗Исх. 16:12 🔗Лев. 23:5 🔗Втор. 16:6	и будетъ вамъ соблюдено даже до четвертаго­на­де­сять дне месяца сего: и заколютъ то все множе­с­т­во собора сыновъ Израилевыхъ къ вечеру,
12:7	и прiимутъ от­ крове и помажутъ на обою подвою и на прагахъ въ домѣхъ, въ нихже снѣдятъ тое,
12:8 См.: 🔗Чис. 9:11	и снѣдятъ мяса въ нощи той печена огнемъ и опрѣсноки съ горькимъ зелiемъ снѣдятъ:
12:9 См.: 🔗Втор. 16:7	не снѣсте от­ нихъ сурово, ниже варено въ водѣ, но печеное огнемъ, главу съ ногами и со утробою:
12:10 См.: 🔗Исх. 23:18 🔗Исх. 34:25	не оставите от­ него до утрiя и кости не сокрушите от­ него, останки же от­ него до утра огнемъ сожжете:
12:11 См.: 🔗Лк. 12:35 🔗Еф. 6:14 🔗1Пет. 1:13	сице же снѣсте е: чресла ваша препоясана, и сапози ваши на ногахъ вашихъ, и жезлы ваши въ рукахъ вашихъ, и снѣсте е со тщанiемъ: Пасха есть Господня:
12:12 См.: 🔗Пс. 135:10 🔗Евр. 11:28 🔗Чис. 33:4	и пройду землю Египетскую сея нощи, и убiю всякаго первенца въ земли Египетстѣй, от­ человѣка до скота, и во всѣхъ бозѣхъ Египетскихъ сотворю от­мщенiе: Азъ Господь:
12:13	и будетъ кровь вамъ въ знаменiе на домѣхъ, въ нихже вы будете тамо, и узрю кровь и покрыю вы, и не будетъ въ васъ язвы, еже погибнути, егда поражу землю Египетскую:
12:14 См.: 🔗Рим. 10:4	и будетъ вамъ день сей въ память, и празднуйте той праздникъ Господу во вся роды вашя: закон­но вѣчно празднуйте его:
12:15 См.: 🔗Исх. 23:15 🔗Исх. 34:18	седмь дній опрѣсноки ядите, от­ перваго же дне измите квасъ изъ домовъ вашихъ: всякъ, иже снѣсть кисло, погибнетъ душа та от­ Израиля, от­ дне перваго даже до дне седмаго:
12:16	и первый день наречет­ся святъ, и седмый день нарочитъ святъ да будетъ вамъ: всякаго дѣла работна да не сотворите въ нихъ, развѣ елика [снѣсти] сотворят­ся всякой души, сiя точiю да сотворят­ся вамъ:
12:17	и сохраните заповѣдь сiю: въ сей бо день изведу силу вашу от­ земли Египетскiя: и сотворите день сей въ роды вашя, закон­но вѣчно:
12:18 См.: 🔗Иез. 45:21 🔗Лев. 23:5 🔗Чис. 28:16	начинающе въ четвертый­на­де­сять день перваго месяца, съ вечера да снѣсте опрѣсноки, до двадесять перваго дне месяца, до вечера:
12:19	седмь дній квасъ да не явит­ся въ домѣхъ вашихъ: всякъ, иже аще снѣсть квасно, погубит­ся душа та от­ сонма сыновъ Израилевыхъ и въ при­­шелцѣхъ и въ жителехъ тоя земли:
12:20 См.: 🔗Втор. 16:4 🔗1Кор. 5:8	всякаго кваснаго да не ясте, во всѣхъ же домѣхъ вашихъ да ясте опрѣсноки.
12:21	Созва же Моисей вся старцы сыновъ Израилевыхъ и рече имъ: шедше по­имите себѣ овча по срод­ст­вомъ вашымъ и пожрите пасху:
12:22	воз­мите же кисть иссопа, и омочив­ше въ кровь, яже близъ дверiй, помажите праги, и на обою подвою, от­ крове, яже есть близъ дверiй: вы же да не изыдете кійждо изъ дверiй дому сво­его до заутрiя:
12:23 См.: 🔗Евр. 11:28	и мимо пройдетъ Господь избити Египтяны, и узритъ кровь на празѣ и на обою подвою, и минетъ Господь двери, и не попуститъ погубляющему внити въ домы вашя убивати:
12:24	и сохраните слово сiе закон­но себѣ и сыномъ вашымъ до вѣка:
12:25	аще же внидете въ землю, юже дастъ Господь вамъ, якоже глагола, сохраните служенiе сiе,
12:26 См.: 🔗Исх. 10:2 🔗Исх. 13:8 🔗Втор. 6:20	и будетъ егда воз­глаголютъ вамъ сынове ваши: что есть служенiе сiе?
12:27 См.: 🔗1Кор. 11:26	И рцыте имъ: жертва пасха сiя Господу, Иже покры домы сыновъ Израилевыхъ во Египтѣ, егда поби Египтяны, домы же нашя избави. И преклоншеся людiе поклонишася.
12:28	И от­шедше сотвориша сынове Израилевы, якоже заповѣда Господь Моисею и Аарону, тако сотвориша.
12:29 См.: 🔗Пс. 77:51 🔗Пс. 104:36 🔗Пс. 134:8 🔗Пс. 135:10 🔗Прем. 18:5	Бысть же въ полунощи, и Господь порази всякаго первенца въ земли Египетстѣй, от­ первенца фараонова сѣдящаго на престолѣ, до первенца плѣн­ницы, яже въ ровѣ, и до первенца всякаго скотска.
12:30	Воста же фараонъ нощiю, и вси раби его, и вси Египтяне, и бысть вопль великъ по всей земли Египетстѣй, ибо не бысть домъ, въ немже не бѣ мертвеца.
12:31	И при­­зва фараонъ Моисеа и Аарона въ нощи и рече имъ: востаните и от­идите от­ людій мо­ихъ, и вы, и сынове Израилевы: идите и послужите Господу Богу ва­шему, якоже глаголете:
12:32	и овцы и говяда вашя по­имше идите, благословите же и мене.
12:33	И нуждаху Египтяне людій со тщанiемъ изринути ихъ от­ земли: рекоша бо, яко вси мы измремъ.
12:34	Взяша же людiе муку свою прежде вскисенiя тѣста сво­его, и ввязав­ше въ ризы, [воз­ложиша] на рамы своя.
12:35 См.: 🔗Исх. 3:22	Сынове же Израилевы сотвориша, якоже заповѣда имъ Моисей: и испросиша от­ Египтянъ сосуды сребряны и златы, и ризы:
12:36 См.: 🔗Исх. 3:21 🔗Пс. 104:37	и даде Господь благодать людемъ Сво­имъ предъ Египтяны: и даша имъ, и обраша Египтянъ.
12:37 См.: 🔗Чис. 33:3 🔗Нав. 24:6 🔗Пс. 135:11	Воздвигошася же сынове Израилевы от­ Рамессы въ Сокхоѳъ до шести сотъ тысящъ пѣшихъ мужей, кромѣ домочад­ст­ва:
12:38	и при­­шелцы мнози изыдоша съ ними, и овцы, и волы, и скоти мнози зѣло.
12:39	И испекоша тѣсто, еже изнесоша изъ Египта, опрѣсноки не кислы, не вскисоша бо: ибо изгнаша ихъ Египтяне, и не воз­могоша помедлити, ниже брашна сотвориша себѣ на путь.
12:40 См.: 🔗Быт. 15:13	Обитанiя же сыновъ Израилевыхъ, еже обиташа въ земли Египетстѣй и въ земли Ханаани сіи и отцы ихъ, лѣтъ четыреста тридесять.
12:41	И бысть по четырехъ стѣхъ и тридесяти лѣтѣхъ, изыде вся сила Господня от­ земли Египетскiя въ нощи.
12:42	Стражба есть Господу, еже извести ихъ от­ земли Египетскiя: оная нощь самая стражба Господу, яко всѣмъ сыномъ Израилевымъ быти въ роды ихъ.
12:43 См.: 🔗Исх. 7:8 🔗2Кор. 6:16 🔗Еф. 2:12	И рече Господь къ Моисею и Аарону: сей законъ Пасхи: всякъ иноплемен­никъ да не ястъ от­ нея,
12:44	и всякаго раба или купленаго обрѣжеши его, и тогда да ястъ от­ нея:
12:45 См.: 🔗Гал. 4:7	при­­шлецъ или наемникъ да не ястъ от­ нея:
12:46 См.: 🔗Чис. 9:12 🔗Ин. 19:36	въ дому единѣмъ да снѣст­ся: не оставите от­ мясъ на утрiе, и не изнесите мясъ вонъ изъ дому, и кости не сокрушите от­ него:
12:47	весь сонмъ сыновъ Израилевыхъ сотворитъ сiе:
12:48 См.: 🔗1Кор. 11:28	аще же кто прiидетъ при­­шлецъ къ вамъ сотворити Пасху Господню, обрѣжеши его всякъ мужескiй полъ, и тогда при­­ступитъ сотворити ю, и будетъ аки житель земли тоя: всякъ же необрѣзаный да не ястъ от­ нея:
12:49 См.: 🔗Лев. 24:22 🔗Гал. 3:28	законъ единъ да будетъ тоя земли жителю и при­­шелцу при­­шедшему въ васъ.
12:50	И сотвориша сынове Израилевы, якоже заповѣда Господь Моисею и Аарону, тако сотвориша.
12:51	И бысть въ день онъ, изведе Господь сыны Израилевы от­ земли Египетскiя съ силою ихъ.