Книга пророка Иезекииля, глава 29

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) Українська English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Глава 29
29:1	Въ десятое лѣто, въ десятый месяцъ, [въ первый день] месяца, бысть слово Господне ко мнѣ глаголя:
29:2 См.: 🔗Ис. 19:1 🔗Иер. 46:2	сыне человѣчь, утверди лице твое на фараона царя Египетска и прорцы нань и на Египетъ весь:
29:3 См.: 🔗Пс. 73:13 🔗Ис. 27:1	глаголи и рцы: сице глаголетъ Адонаи Господь: се, азъ наведу на тя, фараоне, царю Египетскiй, зміа великаго, сѣдящаго средѣ рѣкъ сво­ихъ, глаголющаго: моя суть рѣки, и азъ сотворихъ я.
29:4 См.: 🔗Пс. 31:9 🔗Ис. 37:29 🔗Иез. 38:4	Азъ же дамъ узду въ челюсти твоя, и при­­лѣплю рыбы рѣки тво­ея ко крилома тво­има, и воз­веду тя от­ среды рѣки тво­ея, и къ чешуямъ тво­имъ при­­льпнутъ:
29:5 См.: 🔗Иер. 7:33 🔗Иер. 16:4 🔗Иез. 32:4	и низвергу тя вскорѣ и вся рыбы рѣки тво­ея: на лицы поля падеши, и не соберешися, и не оградишися, звѣремъ земнымъ и птицамъ небеснымъ дахъ тя во снѣдь.
29:6 См.: 🔗4Цар. 18:21 🔗Ис. 36:6	И увѣдятъ вси живущiи во Египтѣ, яко азъ есмь Господь: зане былъ еси жезлъ тростянъ дому Израилеву:
29:7	егда яся тебе рукою сво­ею, сокрушил­ся еси, и егда восплеска на нихъ всяка рука, и егда почиша на тебѣ, стерл­ся еси и сломилъ еси ихъ вся чресла.
29:8 См.: 🔗Иер. 44:30	Сего ради тако глаголетъ Адонаи Господь: се, азъ наведу на тя мечь и погублю от­ тебе человѣки и скоты,
29:9	и будетъ земля Египетска въ погибель и во опустѣнiе, и уразумѣютъ, яко азъ есмь Господь. Понеже глаголалъ еси, яко рѣки моя суть, и азъ сотворихъ я:
29:10 См.: 🔗Иез. 30:6	того ради, се, азъ на тя и на вся рѣки твоя, и дамъ землю Египетску во опустѣнiе и въ мечь и въ погибель, от­ Магдола и Сiины и даже до предѣлъ еѳiопскихъ:
29:11 См.: 🔗Иез. 32:13	не пройдетъ сквоз­ѣ ея нога человѣча, ни нога скотiя не поступитъ по ней, и не населит­ся четыредесять лѣтъ:
29:12 См.: 🔗Иез. 30:23	и дамъ землю его въ пагубу средѣ земли опустѣлыя, и гради его средѣ градовъ опустѣв­шихъ будутъ, въ разоренiи будутъ четыредесять лѣтъ: и разсѣю Египта во языцѣхъ, и развѣю я по странамъ.
29:13 См.: 🔗Ис. 19:18	Сiя глаголетъ Адонаи Господь: по четыредесятихъ лѣтѣхъ соберу Египтяны от­ языкъ, аможе разсыпашася,
29:14 См.: 🔗Быт. 10:14 🔗Иер. 44:1	и воз­вращу плѣн­ники Египетскiя и вселю я въ землю фаѳорскую, въ землю, от­онудуже взяти быша, и будетъ власть смирен­на:
29:15	паче всѣхъ властей будетъ смирен­на, и не воз­несет­ся ктому надъ языки, и умалены сотворю я, еже не быти имъ многимъ во языцѣхъ.
29:16 См.: 🔗Плч. 4:17 🔗Иез. 26:6	И не будутъ ктому дому Израилеву въ надежду воспоминающую беззаконiе, внегда послѣдовати имъ по нихъ: и уразумѣютъ, яко азъ есмь Господь.
29:17	И бысть въ двадесять седмое лѣто, во единъ день месяца перваго, бысть слово Господне ко мнѣ глаголя:
29:18 См.: 🔗Пс. 136:8	сыне человѣчь, навуходоносоръ царь Вавилонскъ поработи силу свою работою великою на тира, всяка глава плѣшива и всяко рамо наго: и мзда не бысть ему ни силѣ его на тира, за работу, еюже работаша нань.
29:19	Того ради сице глаголетъ Адонаи Господь: се, азъ даю навуходоносору царю Вавилонску землю Египетску, и возметъ множе­с­т­во ея, и плѣнитъ плѣнъ ея, и расхититъ корысти ея, и будетъ мзда силѣ его:
29:20 См.: 🔗Ис. 10:5	за службу его, еюже послужи на тира, дахъ ему землю Египетску, зане послужи мнѣ, сiя глаголетъ Адонаи Господь.
29:21 См.: 🔗Иез. 24:27	Въ той день взыдетъ рогъ всему дому Израилеву, и тебѣ дамъ уста от­верста средѣ ихъ, и увѣдятъ, яко азъ есмь Господь.