Язык:
Церковнослав. (дореф.)
Библия на церковнослявянском языке в дореволюционной (дореформенной) орфографии.
| |
Глава 30 | |
30:1 | Сiя глаголетъ мужъ вѣрующымъ богови, и почиваю: |
30:2 См.: 🔗1Кор. 15:9 🔗Иак. 1:10 | безумнѣе бо есмь от всѣхъ человѣкъ, и разума человѣческаго нѣсть во мнѣ: |
30:3 | Богъ же научи мя премудрости, и разумъ святыхъ уразумѣхъ. |
30:4 См.: 🔗Иов. 38:4 | Кто взыде на небо и сниде? кто собра вѣтры въ нѣдра? кто возврати воду въ ризу? кто обдержа вся концы земли? кое имя его? или кое имя сыну его, да разумѣеши? |
30:5 См.: 🔗Пс. 11:7 | Вся бо словеса Божiя раздежена: защищаетъ же самъ благоговѣющихъ ему. |
30:6 См.: 🔗Втор. 4:2 🔗Втор. 12:32 | Не приложи ко словесемъ его, да не обличитъ тя, и ложь будеши. |
30:7 | Двое прошу у тебе: не отими от мене благодати прежде умертвiя моего: |
30:8 | суетно слово и ложно далече от мене сотвори, богатства же и нищеты не даждь ми: устрой же ми потребная и самодоволная, |
30:9 См.: 🔗Втор. 8:12 | да не насыщься ложь буду и реку: кто мя видитъ? или обнищавъ украду и кленуся именемъ Божiимъ. |
30:10 | Не предаждь раба въ руцѣ господина, да не когда прокленетъ тя, и исчезнеши. |
30:11 | Чадо зло кленетъ отца и матерь не благословитъ. |
30:12 См.: 🔗Ис. 65:5 | Чадо зло праведна себе судитъ, исхода же своего не измы. |
30:13 См.: 🔗Прит. 6:17 | Чадо зло высоки очи имать, вѣждома же своима возносится. |
30:14 | Чадо зло мечь зубы [своя] имать, и членовныя яко сѣчиво, еже губити и поядати смиренныя от земли и убогiя ихъ от человѣкъ. |
30:15 | Пiявица имѣ три дщери, любовiю возлюблены, и три сiя не насытишася ея, и четвертая не удовлися рещи: доволно [ми есть]. |
30:16 | Адъ и похоть жены, и земля ненапоеная водою и вода и огнь не рекутъ: довлѣетъ. |
30:17 См.: 🔗Прит. 20:20 | Око ругающееся отцу и досаждающее старости матерни, да исторгнутъ е вранове от дебрiя и да снѣдятъ е птенцы орли. |
30:18 | Трiе ми суть невозможная уразумѣти, и четвертаго не вѣмъ: |
30:19 | слѣда орла паряща [по воздуху] и пути зміа [ползуща] по камени, и стези корабля пловуща по морю и путій мужа въ юности [его]. |
30:20 | Таковъ путь жены блудницы: яже егда сотворитъ, и измывшися, ничтоже, рече, содѣяхъ нелѣпо. |
30:21 | Треми трясется земля, четвертаго же не можетъ понести: |
30:22 | аще рабъ воцарится, и безумный исполнится пищею, и раба аще изженетъ свою госпожу, |
30:23 | и мерзкая жена аще ключится добру мужу. |
30:24 | Четыри же суть малѣйшая на земли, сiя же суть мудрѣйша мудрыхъ: |
30:25 См.: 🔗Прит. 6:6 | мравие, имже нѣсть крѣпости и уготовляютъ въ жатву пищу: |
30:26 | и хирогрилли, языкъ не крѣпокъ, иже сотвориша въ каменiихъ домы своя: |
30:27 | безцарни суть прузiе, и воюютъ от единаго повелѣнiя благочинно: |
30:28 | ящерица [Евр.: паукъ.], руками опирающися и удобь уловляема сущи, живетъ во твердехъ царевыхъ. |
30:29 | Трiе суть, яже благопоспѣшно ходятъ, четвертое же, еже добрѣ проходитъ: |
30:30 | скименъ львовъ крѣпчае звѣрей, иже не отвращается, ни устрашается скота, |
30:31 См.: 🔗Еккл. 8:4 | и пѣтель ходя въ кокошѣхъ благодушенъ, и козелъ предводитель стаду, и царь глаголяй къ народу во языцѣ. |
30:32 | Аще вдаси себе въ веселiе и простреши руку твою со сваромъ, поруганъ будеши. |
30:33 См.: 🔗Прит. 15:18 | Мельзи млеко, и будетъ масло. Аще ли ноздри чешеши, изыдетъ кровь: аще же извлечеши словеса, изыдутъ судове и тяжбы. |