Книга Премудрости Иисуса, сына Сирахова, глава 26 неканонич.

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Глава 26
26:1 См.: 🔗Прит. 11:16 🔗Прит. 12:4 🔗Прит. 14:1	Жены добрыя блаженъ есть мужъ, и число дній его сугубо.
26:2	Жена добляя веселитъ мужа сво­его и лѣта его исполнитъ миромъ.
26:3 См.: 🔗Прит. 18:23	Жена добра часть блага, въ части боящихся Господа дана будетъ.
26:4	Богатаго же и убогаго сердце благо, во всяко время лице тихо.
26:5	От трехъ убояся сердце мое, и от­ лица четвертаго устрашихся:
26:6	преданiя града и собранiя народа, и оболганiя надъ смерть, вся тяжестна.
26:7 См.: 🔗Сир. 25:23	Болѣзнь сердца и сѣтованiе жена ревнива о женѣ,
26:8	и язва языка всѣмъ при­­общающаяся.
26:9	Воловое иго движимо жена лукавна, держайся ея яко емляйся скорпіи.
26:10	Гнѣвъ великъ жена пiянчива, и студа сво­его не покрыетъ.
26:11	Блудъ женскiй въ воз­вышенiи очесъ и бровьми ея познанъ будетъ.
26:12 См.: 🔗Сир. 42:11	Надъ дщерiю безстудною утверди стражу, да не попущенiе обрѣтши употребитъ себе.
26:13	Вслѣдъ безстудна ока сохранися и не дивися, аще въ тя согрѣшитъ:
26:14	яко жажденъ путникъ от­верзетъ уста и от­ всякiя воды ближнiя испiетъ,
26:15	прямо всякаго кола сядетъ и прямо стрѣлы от­верзетъ тулъ.
26:16 См.: 🔗Иез. 24:16	Благодать женска воз­веселитъ мужа ея, и кости его утучнитъ художе­с­т­во ея.
26:17	Даянiе Господне жена молчалива, и нѣсть искупа наказан­ныя души.
26:18	Благодать на благодати жена стыдлива,
26:19	и нѣсть мѣрило всякое достойное воз­держныя души.
26:20	Солнце восходящее на высокихъ Господнихъ,
26:21	и доброта жены добрыя въ красотѣ дому ея:
26:22	свѣтилникъ сiяя на свѣщницѣ святѣ, и доброта лица на возрастѣ постоян­нѣмъ.
26:23	Столпи злати на подстолпiихъ сребряныхъ, и нозѣ красни на плеснахъ добрѣ стоящихъ.
26:24	О дво­ихъ печально бысть сердце мое, и о третiемъ ярость ми найде:
26:25	мужъ борецъ лишаяся за скудоту, и мужiе разумиви аще от­риновени будутъ:
26:26	воз­вращаяся от­ правды на грѣхъ, Господь уготовитъ его на мечь.
26:27	Едва измет­ся купецъ от­ погрѣшенiя, и не оправдит­ся корчемникъ от­ грѣха.