Книга пророка Иеремии, глава 25

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) Українська English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Глава 25
25:1	Слово, еже бысть ко иереміи на вся люди Иудины, въ лѣто четвертое Иоакима сына Иосіина, царя Иудина: то лѣто первое навуходоносора царя Вавилонскаго:
25:2	еже глагола иереміа пророкъ ко всѣмъ людемъ Иудинымъ и ко всѣмъ обитателемъ Иерусалима, рекій:
25:3	въ третiе­на­де­сять лѣто Иосіи сына Амосова, царя Иудина, и даже до дне сего, сiе двадесять третiе лѣто, бысть слово Господне ко мнѣ, и глаголахъ къ вамъ, заутра востая и глаголя: и не слышасте.
25:4 См.: 🔗Иер. 7:25 🔗Иер. 29:19 🔗Иер. 44:4	И посыла­ше Господь къ вамъ всѣхъ рабъ сво­ихъ пророкъ, востая заутра и посылая: и не слышасте, ни при­­клонисте ушесъ вашихъ, да слышите, егда глаголаше:
25:5 См.: 🔗4Цар. 17:13 🔗Иер. 18:11 🔗Иер. 35:15 🔗Ион. 3:8	от­вратитеся кійждо от­ пути сво­его злаго и от­ злѣйшихъ умышленiй вашихъ, и обитати будете въ земли, юже Господь даде вамъ и отцемъ вашымъ, от­ вѣка даже и до вѣка:
25:6 См.: 🔗Втор. 8:19 🔗Втор. 11:28 🔗Иер. 7:6	и не ходите вслѣдъ боговъ чуждихъ, еже служити имъ и покланятися имъ, да не прогнѣваете мя въ дѣлѣхъ рукъ вашихъ, еже озлобити васъ.
25:7	И не послушасте мя, рече Господь, еже не подвизати мя ко гнѣву въ дѣлѣхъ руку вашею на зло вамъ.
25:8	Сего ради сiя глаголетъ Господь силъ: понеже не послушасте словесъ мо­ихъ,
25:9 См.: 🔗4Цар. 17:23 🔗Иер. 19:4	се, азъ послю и воз­му вся племена сѣверска, [рече Господь,] и навуходоносора царя Вавилонска раба мо­его: и при­­веду ихъ на землю сiю и на обитатели ея и на вся языки, иже окрестъ ея, и убiю ихъ и поставлю ихъ во ужасъ и во звизданiе и въ поношенiе вѣчно­е:
25:10 См.: 🔗Ис. 24:8 🔗Иер. 7:34	и погублю от­ нихъ гласъ радости и гласъ веселiя, гласъ жениха и гласъ невѣсты, благо­уханiе мира и свѣтъ свѣтилника:
25:11	и будетъ вся земля сiя въ запустѣнiе и во ужасъ, и поработаютъ сіи во языцѣхъ царю Вавилонску седмьдесятъ лѣтъ.
25:12 См.: 🔗2Пар. 36:21 🔗1Езд. 1:1 🔗Иер. 29:10 🔗Дан. 9:2	Егда же исполнени будутъ седмьдесятъ лѣтъ, посѣщу на царя Вавилонска и на языкъ оный, рече Господь, беззаконiя ихъ, и на землю Халдейску, и положу тую въ запустѣнiе вѣчное,
25:13	и наведу на землю ону вся словеса моя, яже глаголахъ на ню, вся писан­ная въ книзѣ сей, и елика пророче­с­т­вова иереміа на вся языки:
25:14 См.: 🔗Иер. 27:7	яко работаша имъ, егда бѣша языцы мнози и царiе велицы, и воз­дамъ имъ по дѣломъ ихъ и по творенiю рукъ ихъ,
25:15 См.: 🔗Отк. 16:19	елико прорече иереміа до всѣхъ странъ: тако бо глаголетъ Господь Богъ Израилевъ: воз­ми чашу вина нера­ст­ворен­наго {Евр.: ярости сея.} от­ руки мо­ея, да напо­иши вся языки, къ нимже азъ послю тя.
25:16 См.: 🔗Наум. 3:11	И испiютъ и изблюютъ {Евр.: и смятут­ся.}, и обуяютъ от­ лица меча, егоже азъ послю средѣ ихъ.
25:17	И взяхъ чашу от­ руки Господни и напо­ихъ вся языки, къ нимже посла мя Господь:
25:18 См.: 🔗Ис. 51:21 🔗Иер. 29:22 🔗Иер. 42:18	Иерусалима и грады Иудины, и цари его и князи его, яко положити я во опустѣнiе и въ непрохожденiе, и во звизданiе и въ проклятiе, яко день сей,
25:19 См.: 🔗Иер. 46:2	и фараона царя Египетскаго и отроковъ его, и вельможы его и вся люди его
25:20	и вся при­­мѣсники его, и вся цари земли усъ и вся цари иноплемен­никовъ, Аскалона и Газу, и аккарона и останокъ азота,
25:21 См.: 🔗Иер. 48:1	и Идумею и Моавитиду и сыны Аммони,
25:22	и вся цари тирски и цари Сидонски и цари, иже объ ону страну моря,
25:23 См.: 🔗Лев. 19:27 🔗Иер. 9:26	и Дедана и Ѳемана, и Роса и всякаго остриженаго по лицу его,
25:24	и вся цари Аравiи и вся смѣсники обитающыя въ пустыни,
25:25 См.: 🔗Иер. 49:34	и вся цари замврийскiя и вся цари Еламскiя, и вся цари персскiя
25:26 См.: 🔗Иер. 51:41	и вся цари от­ восточiя, дальнiя и ближнiя, ко­егождо ко брату его, и вся цар­ст­ва, яже на лицы земли, и царь сесахъ испiетъ послѣди ихъ.
25:27 См.: 🔗Иер. 51:7 🔗Ис. 51:21	И речеши имъ: тако рече Господь силъ, Богъ Израилевъ: пійте и упійтеся, и изблюйте и падите, и не востаните от­ лица меча, егоже азъ послю средѣ васъ.
25:28	И будетъ, егда не восхотятъ прiяти чаши от­ руки тво­ея, еже пити, речеши къ нимъ: тако рече Господь: пiюще пійте.
25:29 См.: 🔗1Пет. 4:17	Яко во градѣ, въ немже именовася имя мое, азъ начну озлобляти, и вы очищенiемъ не очиститеся: понеже мечь азъ при­­зываю на вся сѣдящыя на земли, рече Господь силъ.
25:30 См.: 🔗Иоил. 3:16 🔗Ам. 1:2	Ты же проречеши на нихъ вся словеса сiя и речеши: Господь съ высоты судъ воз­дастъ, от­ святаго сво­его дастъ гласъ свой, слово проречетъ на мѣсто свое, сіи же яко объемлюще виноградъ от­вѣщаютъ: и на вся сѣдящыя на земли прiиде пагуба,
25:31 См.: 🔗Иоил. 3:2 🔗Соф. 3:8 🔗Отк. 19:15	на часть земли, яко судъ во языцѣхъ Господу: судитися имать той со всякою плотiю, нечестивiи же предани быша мечу, глаголетъ Господь.
25:32	Тако глаголетъ Господь: се, злая грядутъ от­ языка на языкъ, и вихорь великъ исходитъ от­ конца земли.
25:33 См.: 🔗Ис. 34:3 🔗Иер. 7:33 🔗Отк. 11:8	И будутъ язвенiи от­ Господа въ день Господень, от­ края земли и до края земли: не оплачут­ся, ниже соберут­ся и не погребут­ся, въ гно­и на лицы земли будутъ.
25:34 См.: 🔗Ис. 65:12	Воскликните, пастуси, и возопійте, и восплачите, овни овчiи, яко исполнишася дніе ваши на заколенiе, и падете якоже овни избран­нiи,
25:35	и изгибнетъ бѣг­ст­во от­ пастуховъ и спасенiе от­ овновъ овчихъ.
25:36	Гласъ вопля пастырска и кличь овецъ и овновъ, яко потреби Господь пажити ихъ:
25:37	и умолкнутъ останцы мира от­ лица ярости гнѣва Господня.
25:38	Остави якоже левъ виталище свое, яко бысть земля ихъ въ непрохожденiе от­ лица меча великаго.