Язык:
Церковнослав. (дореф.)
Библия на церковнослявянском языке в дореволюционной (дореформенной) орфографии.
| |
Глава 13 | |
13:1 | Иисусъ же состарѣся прошедъ дни. И рече Господь ко иисусу: ты состарѣлся еси денми, и земля остася многа въ наслѣдiе: |
13:2 | и сiя земля оставшаяся: предѣлы Филистимли, гесури и Хананей, |
13:3 См.: 🔗Иер. 2:18 | от необитаемыя, яже от лица Египта даже до предѣлъ аккаронскихъ ошуюю Хананеовъ, причисляется пятимъ областемъ Филистимскимъ: газеу и азотiю, и Аскалониту и Гетѳею, и аккарониту и Евею: |
13:4 | от Ѳеманъ и всей земли Ханаанстѣй прямо Газѣ, и Сидонiи даже до Афека, даже до предѣлъ Аморрейскихъ: |
13:5 См.: 🔗3Цар. 5:18 🔗Пс. 82:8 | и всю землю гавли Филистимлю, и весь Ливанъ от востокъ солнца, от Галгалъ подъ горою аермонъ даже до входа Емаѳъ: |
13:6 См.: 🔗Пс. 77:55 | всякъ обитающiй въ горнѣй от Ливана даже до Масрефоѳмаима, всѣхъ Сидонянъ азъ потреблю от лица Израилева: но раздай ю во жребiй Израилю, якоже заповѣдахъ тебѣ: |
13:7 | и нынѣ раздѣли землю сiю въ наслѣдiе девяти племеномъ и полплемени Манассіину от Иордана даже до моря великаго, къ западу солнца даси ю: море великое предѣлъ будетъ. |
13:8 См.: 🔗Чис. 32:33 🔗Нав. 22:4 | Дву же племеномъ и полуплемени Манассіину, Рувиму и гаду, даде Моисей объ ону страну Иордана: къ востокомъ солнца даде имъ Моисей рабъ Господень, |
13:9 См.: 🔗Втор. 2:36 🔗Нав. 12:2 | от Ароира, иже есть на устiи водотечи Арнони, и градъ иже посредѣ дебри, и весь Мисоръ от медавана: |
13:10 | вся грады сиона царя Аморрейска, иже царствова во есевонѣ, даже до предѣлъ сыновъ Аммонихъ: |
13:11 | и Галаадъ, и предѣлы гесури, и Махаѳи, всю гору аермонъ, и всю Васанитску до Елхи: |
13:12 См.: 🔗Быт. 14:15 🔗Чис. 21:33 | все царство огово въ Васанитидѣ, иже царствова во Астароѳѣ и во едраинѣ: сей остася [единъ] от исполиновъ, и уби его Моисей, и потреби. |
13:13 | И не потребиша сынове Израилевы гесура и Махаѳа и Хананеа: и живяше царь гесури и Махаѳи въ сынѣхъ Израилевыхъ даже до сего дне. |
13:14 | Токмо племени Левіину не дадеся наслѣдiе: Господь Богъ Израилевъ, самъ наслѣдiе ихъ, якоже рече имъ Господь. И сiе раздѣленiе, еже раздѣли Моисей сыномъ Израилевымъ [по племеномъ ихъ] во Аравоѳѣ Моавли объ ону страну Иордана противу иерихона. |
13:15 | И даде Моисей племени сыновъ Рувимлихъ по сонмомъ ихъ: |
13:16 См.: 🔗2Цар. 24:5 🔗Ис. 15:2 | и быша имъ предѣлы от Ароира, иже есть прямо дебри Арнонскiя, и градъ, иже есть въ дебри Арнонстѣй, |
13:17 См.: 🔗Ис. 15:2 | и всю землю Мисорску даже до есевона, и вся грады иже суть въ Мисорѣ, и Деворъ, и вамоѳъ-ваалъ, и домы веелмони, |
13:18 | и Иасса и Кедимоѳа и мифааѳъ, |
13:19 См.: 🔗Ис. 16:8 | и карiаѳемъ и Севама, и Сарѳъ и Сiоръ на горѣ енакъ, |
13:20 | и веѳфогоръ и Асидоѳъ-фасга и Виѳсимуѳъ, |
13:21 См.: 🔗Чис. 31:8 | и вся грады Мисорски, и все царство сиона царя Аморрейска, егоже уби Моисей самаго, и старѣйшины Мадiамли, и Евіа и рокома, и Сура и ура и ровека, князи Сiорскiя, и живущихъ на земли [той]: |
13:22 | и Валаама сына Веорова волхва убиша мечемъ сынове Израилевы въ сраженiи. |
13:23 | Быша же предѣлы Рувимли, Иорданъ предѣлъ. Сiе наслѣдiе сыновъ Рувимлихъ по сонмомъ ихъ, грады ихъ и села ихъ. |
13:24 | Даде же Моисей сыномъ гадовымъ по сонмомъ ихъ, |
13:25 См.: 🔗Суд. 5:17 🔗2Цар. 11:1 | и быша имъ предѣлы Иазиръ: вси гради Галаади и полземли сыновъ Аммонихъ до Ароира, иже есть предъ лицемъ равваѳа: |
13:26 См.: 🔗2Цар. 2:8 🔗Нав. 10:38 | и от есевона до рамоѳа къ масфѣ, и вотаниму, и Манаиму до предѣлъ давировыхъ, |
13:27 См.: 🔗Ис. 15:6 | и во Емекѣ Виѳарамъ и Виѳнамра, и сохоѳъ и Сафонъ, и прочее царство сиона царя есевонска: и Иорданъ опредѣляетъ даже до страны моря хенереѳъ, объ ону страну Иордана от востокъ. |
13:28 | Сiе наслѣдiе сыновъ гадовыхъ по сонмомъ ихъ и по градомъ ихъ и селамъ ихъ. |
13:29 | И даде Моисей полуплемени Манассіину по сонмомъ ихъ, |
13:30 См.: 🔗Чис. 32:41 | и быша предѣлы ихъ от Манаима, и все царство Васанско, и все царство ога царя Васанска, и вся веси Иаира, яже суть въ Васанитидѣ, шестьдесятъ градовъ: |
13:31 | и полъ Галаада, и во Астароѳѣ, и во едраинѣ, грады царства огова въ Васанитидѣ: и дашася сыномъ Махировымъ, сыномъ Манассіинымъ, и половинѣ сыновъ Махировыхъ по сонмомъ ихъ. |
13:32 | Сіи суть, имже даде наслѣдiе Моисей объ ону страну Иордана во Аравоѳѣ Моавли, прямо иерихона на востоки. |
13:33 См.: 🔗Чис. 18:20 | Племени же Левіину не даде Моисей наслѣдiя: понеже самъ Господь Богъ Израилевъ наслѣдiе его есть, якоже глагола имъ. |