Книга пророка Иеремии, глава 4

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) Українська English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Глава 4
4:1	Аще обратишися, Израилю, глаголетъ Господь, ко мнѣ обратися: и аще отъ­имеши мерзости твоя от­ устъ тво­ихъ, и от­ лица мо­его убо­ишися,
4:2 См.: 🔗Втор. 6:13 🔗Втор. 10:20 🔗Ис. 45:25	и кленешися, живетъ Господь, во истинѣ и въ судѣ и въ правдѣ, и благословятъ въ немъ языцы и въ немъ восхвалятъ Бога во Иерусалимѣ.
4:3 См.: 🔗Ос. 10:12	Сiя бо глаголетъ Господь мужемъ Иудинымъ и обитателемъ Иерусалимлимъ: поновите себѣ поля и не сѣйте на тернiи:
4:4 См.: 🔗Втор. 10:16 🔗Иер. 21:12	обрѣжитеся Богу ва­шему и обрѣжите жестосердiе ва­ше, мужiе Иудины и обитающiи во Иерусалимѣ, да не изыдетъ яко огнь ярость моя, и воз­горит­ся, и не будетъ угашаяй, ради лукав­ст­ва начинанiй вашихъ.
4:5 См.: 🔗Иер. 8:14	Возвѣстите во Иудеи, и да услышит­ся во Иерусалимѣ: глаголите, воспойте трубою на земли, возопійте зѣло и рцыте: соберитеся, и внидемъ во грады тверды.
4:6 См.: 🔗Иер. 1:14	Воздвигше [знаменiе] бѣжите въ Сiонъ, потщитеся, не стойте, яко злая азъ навожду от­ сѣвера и сотренiе велико.
4:7 См.: 🔗Ис. 5:29 🔗Ис. 34:5 🔗Иер. 2:15	Взыде левъ от­ ложа сво­его, и погубляяй языки воз­движеся и изыде от­ мѣста сво­его, да положитъ землю твою въ пустыню, и гради тво­и разорят­ся, остав­шiи безъ обитателей.
4:8 См.: 🔗Иер. 6:26	О сихъ препояшитеся во вретища и плачите и рыдайте, яко не от­вратися гнѣвъ ярости Господни от­ васъ.
4:9 См.: 🔗Иез. 32:10	И будетъ въ день той, глаголетъ Господь, погибнетъ сердце царево и сердце началниковъ, и священ­ницы ужаснут­ся, и пророцы удивят­ся.
4:10 См.: 🔗Иер. 6:14	И рекохъ: о, Владыко Господи, еда обольстилъ еси люди сiя и Иерусалима, рекій: миръ будетъ вамъ? и се, пройде мечь даже до души ихъ.
4:11 См.: 🔗Иер. 18:17 🔗Иер. 51:1	Во время оно речет­ся людемъ симъ и Иерусалиму: духъ заблужденiя въ пустыни, путь дщере людій мо­ихъ, не ко очищенiю, ниже во свято­е:
4:12 См.: 🔗Иер. 1:16	духъ исполненiя от­ сихъ прiидетъ мнѣ, и нынѣ азъ воз­глаголю суды моя къ нимъ.
4:13 См.: 🔗Авв. 1:8	Се, яко облакъ взыдетъ, и яко вихрь колесницы его, быстрѣе орловъ кони его: горе намъ, яко бѣд­ст­вуемъ.
4:14 См.: 🔗Ис. 1:16	Омый от­ лукав­ст­ва сердце твое, Иерусалиме, да спасешися: доколѣ будутъ въ тебѣ помышленiя бѣдъ тво­ихъ?
4:15 См.: 🔗Иер. 8:16	Гласъ бо воз­вѣщающаго от­ Дана прiидетъ, и слышана будетъ болѣзнь от­ горы Ефремли.
4:16 См.: 🔗Иер. 2:15	Рцыте языкомъ: се, прiидоша: воз­вѣстите во Иерусалимѣ: полцы идутъ от­ земли дальнiя и даша на грады Иудины гласъ свой,
4:17	аки стражы селнiи быша надъ нимъ окрестъ: яко прене­бреглъ мя еси, глаголетъ Господь.
4:18 См.: 🔗Прем. 1:8	Пути твоя и начинанiя твоя сотвориша тебѣ сiя: сiе лукав­ст­во твое, понеже горько, яко при­­коснуся сердцу тво­ему.
4:19 См.: 🔗Ис. 22:4 🔗Иер. 9:1	Чрево мое, чрево мое болитъ мнѣ, и чув­ст­ва сердца мо­его, смущает­ся душа моя, терзает­ся сердце мое: не умолчу, яко гласъ трубы услышала душа моя, вопль рати и бѣды:
4:20	сотренiе [на сотренiе] при­­зывает­ся, понеже опустѣла вся земля, внезапу опустѣ жилище мое, расторгошася кожы моя.
4:21	Доколѣ зрѣти имамъ бѣжащихъ, слышащь гласы трубныя?
4:22 См.: 🔗Лк. 16:4	Понеже вождеве людій мо­ихъ мене не познаша: сынове буiи суть и безумни, мудри суть, еже творити злая, благо же творити не познаша.
4:23 См.: 🔗Ис. 5:30	Воззрѣхъ на землю, и се, ничтоже, и на небо, и не бѣ свѣта его.
4:24	Видѣхъ горы, и трепетаху, и вси холми воз­мутишася.
4:25 См.: 🔗Иер. 9:10 🔗Иер. 50:3	Воззрѣхъ, и се, не бѣ человѣка, и вся птицы небесныя ужасахуся.
4:26 См.: 🔗Иер. 2:7	Видѣхъ, и се, кармилъ пустъ, и вси гради сожжени огнемъ от­ лица Господня, и от­ лица гнѣва ярости его погибоша.
4:27 См.: 🔗Иез. 12:20 🔗Иез. 14:22 🔗Иер. 5:10	Сiя глаголетъ Господь: пуста будетъ вся земля, скончанiя же не сотворю.
4:28 См.: 🔗Иер. 18:8	О сихъ да плачетъ земля, и да помрачит­ся небо свыше: понеже глаголахъ, и не раскаюся: устремихся, и не от­вращуся от­ него.
4:29 См.: 🔗Иер. 4:25	От гласа яздящихъ и напряжен­на лука побѣже всяка страна: внидоша въ разсѣлины и въ дубравы сокрышася и на каменiе взыдоша: вси гради оставлени суть, не обитаетъ въ нихъ человѣкъ.
4:30	Ты же, запустѣлая, что сотвориши? аще облечешися во багряницу и украсишися монисты златыми, аще намажеши стивiемъ очи тво­и, всуе украшенiе твое: от­ринуша тя любовницы тво­и, души тво­ея ищутъ.
4:31 См.: 🔗Плч. 1:20 🔗Иер. 6:24 🔗Иер. 13:21	Гласъ бо яко родящiя слышахъ стенанiя тво­его: аки первородящiя гласъ дщере Сiони истаетъ, и опуститъ руцѣ сво­и: горе мнѣ, яко исчезаетъ душа моя надъ убiен­ными.