Язык:
Церковнослав. (дореф.)
Библия на церковнослявянском языке в дореволюционной (дореформенной) орфографии.
| |
Глава 17 | |
17:1 | И бысть мужъ от горы Ефремли, и имя ему миха: |
17:2 См.: 🔗Руф. 3:10 🔗1Цар. 15:13 | и рече матери своей: тысяща и сто сребрениковъ иже украдены у тебе, и заклинала мя еси и глаголала еси во ушы мои: се, сребро у мене, азъ взяхъ е. И рече мати его: благословенъ сынъ мой Господеви. |
17:3 | И отдаде тысящу и сто сребрениковъ матери своей. И рече мати его: освящающи освятихъ сребро Господеви от руки моея, тебѣ сынови моему сотворити [кумiръ] изваянъ и слiянъ, и нынѣ отдамъ е тебѣ. |
17:4 | И отдаде сребро матери своей. И взя мати его двѣсти сребрениковъ и даде ихъ сребродѣлю, и сотвори тое [кумiръ] изваянъ и слiянъ: и бысть въ дому михи. |
17:5 | И домъ михинъ ему домъ Божiй. И сотвори Ефудъ {Греч.: епомисъ, славен.: нарамникъ.} и ѳерафинъ {идоли}: и наполни руку единому от сыновъ своихъ, и бысть ему жрецъ. |
17:6 | Въ тыя же дни не бяше царя во Израили: кійждо мужъ, еже право видяшеся предъ очима его, творяше. |
17:7 | И бысть юноша от Виѳлеема Иудина и от рода племене Иудина, и сей Левитинъ, и обиташе тамо: |
17:8 | и пойде сей мужъ от града Виѳлеема Иудина обитати, идѣже обрящетъ мѣсто: и прiиде до горы Ефремли и даже до дому михина, еже сотворити путь свой. |
17:9 | И рече ему миха: откуду идеши? И рече ему Левитинъ: азъ есмь от Виѳлеема Иудина, и иду обитати, идѣже обрящу мѣсто. |
17:10 См.: 🔗Суд. 18:4 | И рече ему миха: сѣди со мною и буди ми отецъ и жрецъ, и азъ дамъ тебѣ сребрениковъ десять въ годъ и двои ризы, и яже на житiе тебѣ. |
17:11 | И пойде левитъ, и нача обитати у мужа. И бысть юноша ему яко единъ от сыновъ его. |
17:12 | И наполни миха руку Левитину, и бысть ему юноша жрецъ, и бяше въ дому михи. |
17:13 | И рече миха: нынѣ увѣдѣхъ, яко благосотворитъ мнѣ Господь, яко бысть мнѣ Левитинъ жрецъ. |