Книга пророка Иезекииля, глава 3

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) Українська English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Глава 3
3:1 См.: 🔗Отк. 10:9	И рече ко мнѣ: сыне человѣчь, снѣждь свитокъ сей, и иди и рцы сыномъ Израилевымъ.
3:2	И от­верзохъ уста моя, и напита мя свиткомъ симъ
3:3 См.: 🔗Отк. 10:10	и рече ко мнѣ: сыне человѣчь, уста твоя снѣдятъ, и чрево твое насытит­ся свитка сего дан­наго тебѣ. И снѣдохъ его, и бысть во устѣхъ мо­ихъ яко медъ сладокъ.
3:4	И рече ко мнѣ: сыне человѣчь, иди и вниди въ домъ Израилевъ, и глаголи словеса моя къ нимъ:
3:5 См.: 🔗Ис. 33:19	яко не къ людемъ глубокорѣчивымъ и косноязычнымъ посылаемь еси, къ дому Израилеву,
3:6	ниже къ людемъ многимъ иноязычнымъ, инорѣчивымъ, ни тяжкимъ языкомъ сущымъ, ихже не разумѣлъ бы еси словесъ: аще же и къ тацѣмъ послалъ быхъ тя, то и тіи послушали быша тебе:
3:7 См.: 🔗Ис. 48:4	а домъ Израилевъ не восхощетъ послушати тебе, понеже не хотятъ слушати мене, яко весь домъ Израилевъ непокориви суть и жестокосерди:
3:8 См.: 🔗Иер. 1:18	и се, дахъ лице твое сильно противу лица ихъ, и прю {Евр.: чело.} твою укрѣплю противу при­­ ихъ:
3:9 См.: 🔗Иер. 1:8	и будетъ, всегда крѣпчае камене дахъ прю твою: не убойся ихъ, ни ужасайся лица ихъ, зане домъ разгнѣваяй есть.
3:10	И рече ко мнѣ: сыне человѣчь, вся словеса, яже глаголахъ съ тобою, воз­ми въ сердце твое и ушима тво­има послушай:
3:11 См.: 🔗Иез. 2:5	и шедъ вниди въ плѣнъ къ сыномъ людій тво­ихъ, и речеши къ нимъ и воз­глаголеши къ нимъ: тако глаголетъ Адонаи Господь: аще убо послушаютъ и аще убо повинут­ся.
3:12 См.: 🔗Иез. 8:3	И взя мя духъ, и слышахъ гласъ за собою труса велика, глаголющихъ: благословена слава Господня от­ мѣста его.
3:13	И видѣхъ гласъ крилъ животныхъ скриляющихся другъ ко другу, и гласъ колесъ держащься ихъ, и гласъ труса велика.
3:14	И духъ воз­движе мя и взя мя, и по­идохъ воз­несенъ во устремленiи духа мо­его, и рука Господня бысть на мнѣ крѣпкая.
3:15	И внидохъ въ плѣн­ники воз­несенъ, и обыдохъ живущыя на рѣцѣ Ховаръ, и сѣдохъ ту седмь дній, ходя посредѣ ихъ.
3:16	И бысть по седмихъ днехъ слово Господне ко мнѣ глаголя:
3:17 См.: 🔗Иез. 33:7	сыне человѣчь, стража дахъ тя дому Израилеву, да слышиши слово от­ устъ мо­ихъ и воспретиши имъ от­ мене.
3:18 См.: 🔗2Пет. 1:13 🔗Иез. 34:10 🔗1Тим. 5:22	Внегда глаголати ми беззакон­нику: смертiю умреши: и не воз­вѣстиши ему, ни соглаголеши, еже остатися беззакон­нику и обратитися от­ пути сво­его, еже живу быти ему: беззакон­никъ той въ беззаконiи сво­емъ умретъ, крове же его от­ руки тво­ея взыщу.
3:19 См.: 🔗Деян. 18:6 🔗Деян. 20:26	И ты аще воз­вѣстиши беззакон­нику, и не обратит­ся от­ беззаконiя сво­его и от­ пути сво­его [беззакон­на]: той беззакон­никъ во беззаконiи сво­емъ умретъ, а ты душу твою избавиши.
3:20 См.: 🔗Иез. 18:24	И егда совратит­ся праведникъ от­ правдъ сво­ихъ и сотворитъ согрѣшенiе: и дамъ муку предъ нимъ, той умретъ, яко ты не воспретилъ еси ему, и во грѣсѣхъ сво­ихъ умретъ, зане не помянут­ся правды его, яже сотвори: крове же его от­ руки тво­ея взыщу.
3:21	Ты же аще воз­вѣстиши праведному, еже не согрѣшити, и той не согрѣшитъ: праведный жизнiю поживетъ, яко воспретилъ еси ему, и ты твою душу избавиши.
3:22	И бысть на мнѣ рука Господня, и рече ко мнѣ: востани и изыди на поле, и тамо воз­глаголет­ся къ тебѣ.
3:23 См.: 🔗Иез. 1:3 🔗Иез. 8:4	И востахъ и изыдохъ на поле: и се, тамо слава Господня стояше, якоже видѣнiе и якоже слава Господня, юже видѣхъ на рѣцѣ Ховаръ, и падохъ на лицы мо­емъ.
3:24 См.: 🔗Иез. 2:2	И прiиде на мя духъ и постави мя на ногу моею: и глагола ко мнѣ и рече ми: вниди и затворися средѣ дому тво­его.
3:25 См.: 🔗Иез. 4:8	И ты, сыне человѣчь, се, дашася на тя узы, и свяжутъ тя ими, и не изыдеши от­ среды ихъ:
3:26 См.: 🔗Иез. 12:2	и языкъ твой при­­вяжу къ гортани тво­ему, и онѣмѣеши и не будеши имъ въ мужа обличенiя, понеже домъ разгнѣваяй есть:
3:27 См.: 🔗Иез. 2:5 🔗Отк. 22:11	и внегда глаголати ми къ тебѣ, от­верзу уста твоя, и речеши къ нимъ: сiя глаголетъ Адонаи Господь: слышай да слышитъ, и не покаряяйся да не покаряет­ся, зане домъ преогорчеваяй есть.