Книга пророка Иеремии, глава 20

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) Українська English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Глава 20
20:1 См.: 🔗1Езд. 2:37 🔗1Пар. 24:14	И услыша пасхоръ сынъ Еммеровъ священ­никъ, иже поставленъ бѣ началникъ въ дому Господни, иеремію пророче­ст­ву­ю­ща словеса сiя:
20:2 См.: 🔗Иер. 37:15 🔗Евр. 11:36	и удари пасхоръ иеремію пророка и вверже его въ кладу, яже бѣ во вратѣхъ Венiаминихъ вышнихъ въ дому Господни.
20:3	Быв­шу же утру, изведе пасхоръ иеремію от­ клады. И рече къ нему иереміа: не пасхоръ нарече [Господь] имя твое, но преселника от­всюду.
20:4 См.: 🔗Иер. 21:7	Понеже сiя глаголетъ Господь: се, азъ дамъ тя въ преселенiе и всѣхъ друговъ тво­ихъ: и падутъ мечемъ врагъ сво­ихъ, и очи тво­и узрятъ, и тебе и всего Иуду дамъ въ руки царя Вавилонска, и преведутъ ихъ въ Вавилонъ и побiютъ ихъ мечьми.
20:5 См.: 🔗Иер. 15:13	И дамъ всю силу града сего и вся труды его и вся сокровища царя Иудина дамъ въ руки враговъ его, и расхитятъ ихъ и возмутъ и от­ведутъ въ Вавилонъ.
20:6	Ты же, пасхоръ, и вси обитателiе дому тво­его, отъидете во плѣненiе, и въ Вавилонъ прiидеши и тамо умреши, тамо же и погребешися ты и вси друзiе тво­и, имже пророче­с­т­вовалъ еси лжу.
20:7 См.: 🔗Иер. 1:5 🔗Иер. 6:10	Прельстилъ мя еси, Господи, и прельщенъ есмь, крѣплѣйшiй мене еси и превоз­моглъ еси: быхъ въ посмѣхъ весь день, вси ругают­ся мнѣ.
20:8	Понеже горькимъ словомъ мо­имъ посмѣюся, от­верженiе и бѣдность наведу, яко бысть въ поношенiе мнѣ слово Господне и въ посмѣхъ весь день.
20:9 См.: 🔗Иов. 32:18 🔗Лк. 24:32 🔗1Кор. 9:16	И рекохъ: не воспомяну имене Господня, ниже воз­глаголю ктому во имя его. И бысть въ сердцы мо­емъ яко огнь горящь, палящь въ костехъ мо­ихъ, и разслабѣхъ от­всюду, и не могу носити:
20:10	слышахъ бо досадител­ст­ва многихъ собрав­шихся окрестъ: нападите, нападимъ нань, вси мужiе друзiе его: наблюдайте помышленiе его, аще [како] прельстит­ся, и преможемъ нань и сотворимъ от­мщенiе на­ше ему.
20:11 См.: 🔗Иер. 17:18 🔗Иер. 23:40	Господь же со мною есть яко борецъ крѣпкiй: сего ради погнаша и уразумѣти не могоша: постыдѣшася зѣло, яко не разумѣша безчестiя сво­его, еже во вѣкъ не забвено будетъ.
20:12 См.: 🔗Иер. 11:20	И ты, Господи силъ, искушаяй праведная, вѣдаяй утробы и сердца, [молютися,] да вижду мщенiе твое на нихъ, тебѣ бо от­крыхъ прю мою.
20:13	Пойте Господу, хвалите Господа, яко избави душу убогаго от­ руки лукавыхъ.
20:14 См.: 🔗Иов. 3:3	Проклятъ день, въ оньже родихся: день, въ оньже породи мя мати моя, да не будетъ благословенъ.
20:15	Проклятъ мужъ, иже воз­вѣсти отцу мо­ему, рекій: родися тебѣ отрокъ мужескъ, и яко радостiю воз­весели его.
20:16 См.: 🔗Быт. 19:24	Да будетъ человѣкъ той якоже гради, яже преврати Господь яростiю и не раскаяся: да слышитъ вопль заутра и рыданiе во время полуден­но­е:
20:17	яко не убилъ мене въ ложеснахъ матере, и была бы мнѣ мати моя гробъ мой и ложесна зачатiя вѣчнаго.
20:18 См.: 🔗Иов. 3:11	Вскую изыдохъ изъ ложеснъ, да вижду труды и болѣзни, и скончашася въ постыдѣнiи дніе мо­и?