Книга Екклезиаста, или Проповедника, глава 6

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) Українська English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Глава 6
6:1	Есть лукав­ст­вiе, еже видѣхъ подъ солнцемъ, и много есть надъ человѣкомъ:
6:2 См.: 🔗Пс. 48:11 🔗Сир. 14:4	мужъ, емуже дастъ Богъ богат­ст­во и имѣнiе и славу, и нѣсть лишаяй души сво­ей от­ всѣхъ, ихже вожделѣетъ, и не дастъ ему Богъ власти от­ него ясти, яко чуждь мужъ ясти имать от­ него. И сiе суета и недугъ золъ есть.
6:3	Аще родитъ мужъ сто [чадъ] и лѣта многа поживетъ, и мнози будутъ дніе лѣтъ его, и душа его не насытит­ся от­ благостыни, и погребенiя не бысть ему, рѣхъ: благъ паче его извергъ,
6:4	яко въ суетѣ прiиде и во тму идетъ, и во тмѣ имя его покрыет­ся:
6:5	и солнца не видѣ, ниже разумѣ, покой сему паче того:
6:6	и поживе тысящу лѣтъ сугубо, и благостыни не видѣ: еда не во едино мѣсто вся идутъ?
6:7 См.: 🔗Иов. 5:7	Весь трудъ человѣчь во уста его, и душа его не исполнит­ся.
6:8	Яко кое изобилiе [человѣку] мудрому паче безумнаго? понеже нищь позна ходити противу живота.
6:9	Благо видѣнiе очiю паче ходящаго душею. И се сует­ст­вiе и про­изволенiе духа.
6:10 См.: 🔗Иов. 9:2	Аще что бысть, уже именовася имя его, и познася, еже есть человѣкъ и не воз­можетъ судитися съ крѣпчайшимъ паче себе:
6:11	яко суть словеса многа умножающая суету.
6:12 См.: 🔗Пс. 143:4 🔗Еккл. 8:7	7:1Что излишше человѣку, яко кто вѣсть, что благо человѣку въ животѣ [его] число дній живота сует­ст­ва его? и сотвори я въ сѣни: яко кто воз­вѣститъ человѣку, что будетъ по немъ подъ солнцемъ?