Книга Иисуса Навина, глава 2

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) Українська English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Глава 2
2:1 См.: 🔗Нав. 7:2 🔗Чис. 25:1 🔗Иак. 2:25 🔗Евр. 11:31	И посла Иисусъ сынъ Навинъ изъ Саттина два юношы соглядати втай, глаголя: взыдите и видите землю и Иерихонъ. И шедша два юношы внидоста во Иерихонъ и внидоста въ домъ жены блудницы, ейже имя Раавъ: и витаста тамо.
2:2	И повѣдаша царю Иерихонскому, глаголюще: се, мужiе внидоша сѣмо [въ сiю нощь] от­ сыновъ Израилевыхъ соглядати землю.
2:3	И посла царь Иерихонскiй и рече къ Раавѣ, глаголя: изведи мужы в­шедшыя въ домъ твой нощiю: соглядати бо землю прiидоша.
2:4 См.: 🔗Нав. 6:16	И по­емши жена два мужа, сокры ихъ: и рече имъ, глаголющи: прiидоша ко мнѣ мужiе, но не вѣмъ от­куду быша:
2:5	егда же врата затворяху въ сумраки, и мужiе изыдоша: не вѣмъ камо по­идоша: пожените скоро вслѣдъ ихъ, аще постигнете ихъ.
2:6	Она же воз­веде я на храмину и сокры я въ паздерѣ льнянѣ собранѣмъ у нея на храминѣ.
2:7	И мужiе гнаша вслѣдъ ихъ путемъ ко Иордану къ преходомъ, и врата затворены быша.
2:8	И бысть егда изыдоша женущiи вслѣдъ ихъ, и сіи прежде неже уснути имъ, и она взыде къ нимъ на храмину и рече къ нимъ:
2:9 См.: 🔗Чис. 21:3	вѣмъ, яко предаде Господь землю [сiю] вамъ: нападе бо страхъ вашъ на ны, и ужасошася вси обитающiи на земли от­ лица ва­шего:
2:10 См.: 🔗Исх. 14:21 🔗Чис. 21:23	слышахомъ бо, яко изсуши Господь Богъ море Чермное предъ лицемъ вашимъ, егда исхождасте изъ Египта, и елика сотвористе дво­имъ царемъ Аморрейскимъ, иже быша объ ону страну Иордана, Сиону и Огу, ихже потребисте:
2:11 См.: 🔗Исх. 15:14 🔗Втор. 4:39	и слышав­ше мы ужасохомся въ сердцы на­шемъ, и не ста ктому духъ ни во единѣмъ от­ насъ от­ лица ва­шего: яко Господь Богъ вашъ, Богъ на небеси горѣ и на земли долѣ:
2:12 См.: 🔗Нав. 6:16	и нынѣ кленитеся мнѣ Господемъ Богомъ [вашимъ], яко азъ творю милость вамъ, да сотворите и вы милость въ дому отца мо­его, и дадите ми знаменiе истин­но:
2:13	и оживите домъ отца мо­его, и матерь мою, и братiю мою, и сестры моя, и вся, елика суть имъ, и измите душы нашя от­ смерти.
2:14 См.: 🔗Нав. 6:21	И рекоша ей мужiе: душа наша вмѣсто васъ на смерть, аще нынѣ не объявиши насъ. Она же рече: и будетъ егда предастъ Господь вамъ градъ [сей], сотворите мнѣ милость и истину.
2:15 См.: 🔗2Кор. 11:32	И свѣси ихъ на вервѣ окномъ: яко домъ ея при­­ стѣнѣ, и при­­ стѣнѣ сiя живяше:
2:16	и рече имъ: от­идите въ гору, да не срящутъ васъ гонящiи, и скрыйтеся тамо три дни, дондеже воз­вратят­ся гонящiи вслѣдъ васъ: и по сихъ отъидете въ путь вашъ.
2:17	И рѣша къ ней мужiе: неповин­ни есмы клятвѣ сей тво­ей, еюже закляла еси насъ:
2:18	се, мы входимъ въ часть града, и поставиши знаменiе, вервь червлену, сiю да обяжеши у окна, имже спустила еси насъ: отца же тво­его и матерь твою, и братiю твою и весь домъ отца тво­его да собереши къ себѣ въ домъ твой:
2:19	и будетъ всякъ, иже аще изыдетъ изъ дверiй дому тво­его вонъ, самъ себѣ повиненъ будетъ, мы же неповин­ни [будемъ] клятвѣ тво­ей сей: и елицы аще съ тобою будутъ въ дому тво­емъ, мы будемъ повин­ни, аще рука при­­коснет­ся ихъ:
2:20	аще же кто насъ обидитъ, или от­крыетъ словеса наша сiя, будемъ неповин­ни клятвѣ тво­ей сей, еюже закляла еси насъ.
2:21	И рече имъ: по словеси ва­шему тако да будетъ. И от­пусти ихъ, и от­идоша: и при­­вяза вервь червлену у окна.
2:22	И от­идоша, и про­идоша въ гору, и пребыша тамо три дни, дондеже воз­вратишася гнав­шiи. И искаша гонящiи по всѣмъ путемъ, и не обрѣтоша.
2:23	И воз­вратистася два юношы и снидоста съ горы: и преидоста [Иорданъ] ко Иисусу сыну Навину, и повѣдаста ему вся случив­шаяся има:
2:24	и рѣста ко Иисусу: яко предаде Господь Богъ нашъ въ руцѣ наши всю землю, и убояшася вси живущiи на земли той от­ насъ.