Язык:
Церковнослав. (дореф.)
Библия на церковнослявянском языке в дореволюционной (дореформенной) орфографии.
| |
Глава 11 | |
11:1 См.: 🔗Быт. 41:40 🔗Дан. 6:3 | Премудрость смиреннаго вознесетъ главу его и посредѣ вельможъ посадитъ его. |
11:2 См.: 🔗1Цар. 16:7 | Не похвали человѣка во красотѣ его, и не буди ти мерзокъ человѣкъ видѣнiемъ своимъ. |
11:3 | Мала есть въ пернатыхъ пчела, и начатокъ сладостей плодъ ея. |
11:4 См.: 🔗Деян. 12:21 🔗Лк. 16:19 | Во одѣянiи ризъ не похвалися и въ день славы не превозносися: яко дивна дѣла Господня и тайна дѣла его предъ человѣки. |
11:5 См.: 🔗1Цар. 16:13 | Мнози мучителiе сѣдоша на земли, нечаемый же увязеся вѣнцемъ. |
11:6 См.: 🔗Есф. 7:9 | Мнози сильнiи укорени быша зѣло, и славнiи предани быша въ руки инѣхъ. |
11:7 См.: 🔗Втор. 13:14 | Первѣе неже испытаеши, не порицай, уразумѣй прежде и тогда запрещай. |
11:8 См.: 🔗Прит. 18:14 | Прежде неже услышиши, не отвѣщавай, и не влагайся въ среду бесѣды. |
11:9 | О вещи, яже ти нѣсть на потребу, не тяжися, и на судѣ грѣшниковъ не сѣдай. |
11:10 См.: 🔗Лк. 10:41 | Чадо, дѣянiя твоя да не будутъ о мнозѣ: аще умножиши, не будеши неповиненъ, и аще се гониши, не постигнеши, и не утечеши бѣжащь. |
11:11 См.: 🔗Прит. 21:5 🔗1Тим. 6:9 | Есть труждаяйся и потяся и тщася, и толико паче лишается. |
11:12 | Есть слабъ и требуяй заступленiя, лишаяйся силы, и нищетою изобилуетъ: |
11:13 | и очи Господни призрѣста ему во благая, и воздвиже и от смиренiя его, *и вознесе главу его, и дивишася о немъ мнози. |
11:14 См.: 🔗Иов. 1:21 🔗Иез. 28:4 | Благая и злая, животъ и смерть, нищета и богатство от Господа суть. |
11:15 | Даянiе Господне пребываетъ благочестивымъ, и благоволенiе его благопоспѣшится во вѣкъ. |
11:16 | Есть богатяйся удержанiемъ и скупостiю своею, и сiя часть мзды его, |
11:17 См.: 🔗Лк. 12:19 | внегда рещи ему: обрѣтохъ покой и нынѣ ямъ от благъ моихъ. |
11:18 См.: 🔗Еккл. 9:12 🔗Иер. 17:11 | И не вѣсть, кое время прiидетъ, и оставитъ я инѣмъ, и умретъ. |
11:19 См.: 🔗Мф. 10:22 | Стой въ завѣтѣ твоемъ и пребывай въ немъ, и въ дѣлѣ твоемъ обетшай. |
11:20 | Не дивися дѣломъ грѣшника, вѣруй же Господеви и пребывай въ трудѣ твоемъ: |
11:21 См.: 🔗1Цар. 2:7 | яко удобно есть предъ очима Господнима внезапу обогатити нищаго. |
11:22 | Благословенiе Господне на мздѣ благочестиваго, и въ часъ скоръ процвѣтетъ благословенiе его. |
11:23 | Не рцы: кая ми потреба есть, и кая отнынѣ будутъ ми благая? |
11:24 См.: 🔗Сир. 5:1 🔗Отк. 3:17 | Не рцы: доволна ми суть, и чимъ отселѣ озлобленъ буду? |
11:25 См.: 🔗Сир. 18:25 | Въ день благихъ забвенiе злыхъ, въ день же злыхъ не воспомянутся благая: |
11:26 См.: 🔗Сир. 17:19 | яко удобно есть предъ Богомъ, въ день смерти воздати человѣку по дѣломъ его. |
11:27 | Озлобленiе времене забытiе творитъ сладости, и въ скончанiи человѣка открытiе дѣлъ его. |
11:28 | Прежде смерти не блажи ни когоже, и въ чадѣхъ своихъ познанъ будетъ мужъ. |
11:29 | Не всякаго человѣка вводи въ домъ твой: многи бо суть козни льстиваго. |
11:30 См.: 🔗Иер. 5:27 | Якоже рябка уловленая въ клѣтцѣ [обглядаетъ], тако сердце гордаго, и якоже соглядникъ назираетъ паденiя: |
11:31 | доброе бо на зло обращая, подсаду творитъ и на добрыя дѣтели возложитъ порокъ. |
11:32 См.: 🔗Сир. 28:13 | От искры огненныя умножается углiе, и человѣкъ грѣшникъ на кровь присѣдитъ. |
11:33 | Блюдися от злодѣя, зло бо содѣваетъ, да не когда порокъ дастъ ти во вѣкъ. |
11:34 | Всели чуждаго въ домъ твой, и развратитъ тя мятежемъ и чужда тя сотворитъ от твоихъ ти. |