Вторая книга Царств (Вторая книга Самуила), глава 3

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) Українська English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Глава 3
3:1 См.: 🔗2Цар. 5:10	И бысть брань на много между домомъ Саулимъ и между домомъ давидовымъ, и домъ давидовъ воз­выша­шеся и укрѣпляшеся, домъ же Сауль идяше и изнемога­ше.
3:2 См.: 🔗1Пар. 3:1	И родишася давиду въ Хевронѣ сыновъ шесть: и бѣ первородный ему Амнонъ от­ Ахинаамы Иезраилитыни,
3:3 См.: 🔗1Пар. 3:1	и вторый ему сынъ далуіа от­ Авигеи кармилскiя, и третiй Авессаломъ сынъ маахи дщере Ѳолми царя гессирска,
3:4 См.: 🔗3Цар. 1:5	четвертый Адонiа сынъ Аггиѳы, и пятый Сафатіа от­ Авиталы,
3:5 См.: 🔗1Пар. 3:3	и шестый Иеѳераамъ от­ еглы жены давидовы: сіи родишася давиду въ Хевронѣ.
3:6	И бысть внегда быти брани между домомъ Саулимъ и между домомъ давидовымъ, и бяше Авениръ держа домъ Сауловъ.
3:7 См.: 🔗2Цар. 21:8	И Саулова подложница бѣ, ейже бѣ имя ресфа, дщерь Иоля. И вниде къ ней Авениръ, и рече Иевосѳей сынъ Сауль ко Авениру: что яко в­шелъ еси къ подложницѣ отца мо­его?
3:8 См.: 🔗1Цар. 24:15 🔗2Цар. 9:8 🔗2Цар. 16:9	И разгнѣвася зѣло Авениръ о словеси семъ на Иевосѳеа и рече ему Авениръ: еда песiя глава есмь азъ? сотворихъ днесь милость дому Саула отца тво­его и братiи и знаемымъ, и не от­ступихъ въ домъ давидовъ, и ищеши на мнѣ ты о неправдѣ жены днесь?
3:9	сiя да сотворитъ Богъ Авениру и сiя да при­­ложитъ ему, зане якоже клят­ся Господь давиду, тако сотворю ему въ сей день,
3:10 См.: 🔗Суд. 20:1 🔗1Цар. 3:20 🔗2Цар. 17:11	еже отъ­яти цар­ст­во от­ дому Сауля и воз­двигнути престолъ давидовъ во Израили и во Иудѣ от­ Дана даже до вирсавіи.
3:11	И не воз­може ктому Иевосѳей от­вѣщати Авениру словесе от­ боязни, яже къ нему.
3:12	И посла Авениръ къ давиду послы въ Ѳеламъ, идѣже бѣ, абiе, глаголя: положи завѣтъ твой со мною, и се, рука моя съ тобою, еже воз­вратити ми къ тебѣ весь домъ Израилевъ.
3:13	И рече давидъ: добрѣ, азъ положу съ тобою завѣтъ, токмо словесе единаго прошу у тебе, глаголя: не имаши видѣти лица мо­его, аще не при­­ведеши Мелхолы дщере Саули, при­­ходящу ти видѣти лице мое.
3:14 См.: 🔗1Цар. 18:27	И посла давидъ ко Иевосѳею сыну Саулю вѣст­ники, глаголя: от­даждь мнѣ жену мою Мелхолу, юже взяхъ за сто необрѣзанiй иноплемен­ничихъ.
3:15 См.: 🔗1Цар. 25:44	И посла Иевосѳей, и взятъ ю от­ мужа ея от­ Фалтiила сына Селлимова.
3:16	И идяше мужъ ея съ нею плачася даже до Варакима. И рече къ нему Авениръ: иди, воз­вратися. И воз­вратися.
3:17	И рече Авениръ къ старѣйшинамъ Израилевымъ, глаголя: вчера и третiяго дне искасте давида, да цар­ст­вуетъ надъ вами:
3:18 См.: 🔗2Цар. 5:2	и нынѣ сотворите, якоже Господь глагола о давидѣ, глаголя: рукою раба мо­его давида спасу люди моя Израиля от­ руки иноплемен­ничи и от­ руки всѣхъ враговъ ихъ.
3:19 См.: 🔗1Пар. 12:29	И глагола Авениръ во ушы Венiамину: и иде Авениръ глаголати во ушы давидовы въ Хевронъ вся, елика угодна бѣша предъ очима Израилевыма и предъ очима всего дому Венiаминя.
3:20	И прiиде Авениръ къ давиду въ Хевронъ, и съ нимъ двадесять мужей. И сотвори давидъ пиръ Авениру и мужемъ его иже съ нимъ.
3:21	И рече Авениръ къ давиду: востану нынѣ и пойду и соберу къ господину мо­ему царю всего Израиля, и положу съ нимъ завѣтъ, и цар­ст­вовати имаши всѣми, ихже желаетъ душа твоя. И посла давидъ Авенира, и иде съ миромъ.
3:22 См.: 🔗2Цар. 4:1	И се, отроцы давидовы и Иоавъ идяху от­ исхода и корысть многу несяху съ собою, и Авениръ уже не бѣ съ давидомъ въ Хевронѣ, яко от­сланъ бяше, и отъиде съ миромъ.
3:23	Иоавъ же и все воин­ство его прiиде: и воз­вѣстиша Иоаву, глаголюще: при­­хожда­ше Авениръ сынъ нировъ къ давиду, и от­сла его, и отъиде съ миромъ.
3:24	И вниде Иоавъ къ царю и рече: что сiе сотворилъ еси? се, при­­хожда­ше Авениръ къ тебѣ, и почто от­пустилъ еси его, и отъиде съ миромъ?
3:25 См.: 🔗2Цар. 10:3	или не вѣси злобы Авенира сына нирова, яко слукав­ст­вовати къ тебѣ прiиде, и уразумѣти исходъ твой и входъ твой, и увѣдати вся елика твориши ты?
3:26	И воз­вратися Иоавъ от­ давида, и посла послы вслѣдъ Авенира, и воз­вратиша его от­ кладязя сеирамска: давидъ же не вѣдяше.
3:27 См.: 🔗2Цар. 2:23 🔗2Цар. 20:10 🔗3Цар. 2:5	И воз­врати Авенира въ Хевронъ, и соврати его Иоавъ на страну от­ вратъ глаголати къ нему лукавно: и удари его въ лядвiя, и умре въ крови Асаила брата Иоавля.
3:28	И услыша давидъ по сихъ и рече: чистъ есмь азъ и цар­ст­во мое от­ Господа и от­нынѣ и до вѣка от­ крове Авенира сына нирова:
3:29 См.: 🔗3Цар. 2:33 🔗Лев. 15:2 🔗4Цар. 5:27	да снидетъ на главу Иоавлю и на весь домъ отца его, и да не оскудѣетъ от­ дому Иоавля изливаяй сѣмя, и прокажен­ный, и держайся жезла, и падаяй оружiемъ, и умален­ный хлѣбами.
3:30 См.: 🔗2Цар. 2:23 🔗3Цар. 2:5	Иоавъ же и Авесса братъ его наблюдаху Авенира, понеже уби Асаила брата ихъ въ гаваонѣ на брани.
3:31 См.: 🔗Иоил. 2:13	И рече давидъ ко Иоаву и ко всѣмъ людемъ его: раздерите ризы вашя и препояшитеся вретищы, и рыдайте о Авенирѣ. Самъ же царь давидъ идяше вслѣдъ одра.
3:32	И погребоша Авенира въ Хевронѣ. И воз­движе царь гласъ свой и плакася надъ гробомъ его, и вси людiе плакаша о Авенирѣ.
3:33	И плакася царь надъ Авениромъ и рече: еда смертiю Навала умре Авениръ?
3:34	руцѣ тво­и не связаны, нозѣ тво­и не во оковахъ: не при­­ступилъ еси якоже Навалъ, предъ сынми неправды палъ еси. И собрашася вси людiе плакатися его,
3:35 См.: 🔗2Цар. 19:13	и прiидоша вси людiе предложити давиду ясти хлѣбы еще сущу дни. И клят­ся давидъ, глаголя: сiя да сотворитъ ми Богъ и сiя да при­­ложитъ, яко аще не зайдетъ солнце, не имамъ вкусити хлѣба ни иного чего.
3:36	И познаша вси людiе, и угодна быша предъ ними вся, елика сотвори царь предъ людьми.
3:37	И разумѣша вси людiе и весь Израиль въ той день, яко не бысть от­ царя убій­ст­ва Авениру сыну нирову.
3:38 См.: 🔗1Цар. 26:15	И рече царь отрокомъ сво­имъ: не вѣсте ли, яко властелинъ великъ паде въ сей день во Израили?
3:39 См.: 🔗Пс. 61:13 🔗3Цар. 2:32	и яко азъ есмь ближнiй днесь и воз­ставленъ въ царя? мужiе же сіи сынове саруины жесточайшiи мене суть: да воз­дастъ Господь творящему лукавная по злобѣ его.