Второе послание апостола Павла к Коринфянам, глава 11

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) Рус. (еп. Кассиан) Беларускi Українська English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Глава 11
11:1	[Зач. 191.] О, да бысте мало потерпѣли безумiю мо­ему! Но и потерпите мя.
11:2 См.: 🔗Ис. 62:5 🔗Ос. 2:19	Ревную бо по васъ Божiею ревностiю: обручихъ бо васъ единому мужу дѣву чисту представити Христови.
11:3 См.: 🔗Быт. 3:4 🔗Ин. 8:44 🔗2Пет. 3:17 🔗1Тим. 6:3	Боюся же, да не како, якоже змій Еву прельсти лукав­ст­вомъ сво­имъ, тако истлѣютъ [и] разумы ваши от­ простоты, яже о Христѣ.
11:4	Аще бо грядый инаго Иисуса проповѣдаетъ, егоже не проповѣдахомъ, или Духа инаго прiемлете, егоже не прiясте, или благовѣ­ст­вованiе ино, еже не прiясте, добрѣ бысте потерпѣли.
11:5 См.: 🔗1Кор. 15:10	[Зач. 192.] Непщую бо ничимже лишитися преднихъ апостолъ:
11:6 См.: 🔗1Кор. 2:1 🔗2Кор. 10:10	аще бо и невѣжда словомъ, но не разумомъ: но вездѣ явльшеся о всемъ въ васъ {но во всемъ явлен­ни есмы во всѣхъ къ вамъ}.
11:7	Или грѣхъ сотворихъ себе смиряя, да вы воз­несетеся, яко туне Божiе Благовѣ­ст­вованiе благовѣстихъ вамъ?
11:8 См.: 🔗Деян. 20:33 🔗2Фес. 3:8	От иныхъ церквей уяхъ, прiимъ оброкъ къ ва­шему служенiю: и при­­шедъ къ вамъ, и въ скудости бывъ, не стужихъ ни единому:
11:9	скудость бо мою исполниша братiя, при­­шедше от­ Македонiи: и во всемъ безъ стуженiя вамъ себе соблюдохъ и соблюду.
11:10 См.: 🔗Рим. 9:1	Есть истина Христова во мнѣ, яко похваленiе сiе не заградит­ся о мнѣ въ странахъ Ахайскихъ.
11:11	Почто? Зане не люблю ли васъ? Богъ вѣсть. А еже творю, и сотворю,
11:12	да от­сѣку вину хотящымъ вины, да, о немже хвалят­ся, обрящут­ся якоже и мы.
11:13 См.: 🔗Деян. 15:24	Таковіи бо лживи апостоли, дѣлателе льстивiи, преобразующеся во апостолы Христовы.
11:14	И не дивно: самъ бо сатана преобразует­ся во Ангела свѣтла:
11:15 См.: 🔗Мф. 7:15	не велiе убо, аще и служителiе его преобразуют­ся яко служители правды: имже кончина будетъ по дѣломъ ихъ.
11:16	Паки глаголю: да никтоже мнитъ мя безумна быти: аще ли ни, поне яко безумна прiимите мя, да и азъ мало что похвалюся.
11:17	А еже глаголю, не глаголю по Господѣ, но яко въ безумiи въ сей части похвалы:
11:18 См.: 🔗Флп. 3:4	понеже мнози хвалят­ся по плоти, и азъ похвалюся.
11:19	Любезно бо прiемлете безумныя, мудри суще:
11:20	прiемлете бо, аще кто васъ порабощаетъ, аще кто поядаетъ, аще кто [не влѣпоту] проторитъ {от­емлетъ}, аще кто по лицу бiетъ вы, аще кто величает­ся.
11:21	По досажденiю глаголю, зане аки мы изнемогохомъ. [Зач. 193.] О немже аще дерзаетъ кто, несмыслен­но глаголю, дерзаю и азъ.
11:22 См.: 🔗Деян. 22:3 🔗Флп. 3:5	Еврее ли суть? И азъ. Израилите ли суть? И азъ. Сѣмя Авраамле ли суть? И азъ.
11:23	Служителiе ли Христовы суть? Не въ мудрости глаголю, паче азъ. Въ трудѣхъ множае, въ ранахъ преболѣ, въ темницахъ излиха, въ смертехъ многащи.
11:24 См.: 🔗Втор. 25:3	От Иудей пять краты четыредесять развѣ единыя прiяхъ:
11:25 См.: 🔗Деян. 14:19 🔗Деян. 16:22 🔗Деян. 27:41	трищи палицами бiенъ быхъ, единою каменьми наметанъ быхъ, трикраты корабль опровержеся со мною: нощь и день во глубинѣ сотворихъ:
11:26	въ путныхъ ше­ст­вiихъ множицею: бѣды въ рѣкахъ, бѣды от­ разбойникъ, бѣды от­ сродникъ, бѣды от­ языкъ, бѣды во градѣхъ, бѣды въ пустыни, бѣды въ мори, бѣды во лжебратiи:
11:27 См.: 🔗1Кор. 4:11	въ трудѣ и подвизѣ, во бдѣнiихъ множицею, во алчбѣ и жажди, въ пощенiихъ многащи, въ зимѣ и наготѣ.
11:28	Кромѣ внѣшнихъ, нападенiе еже по вся дни, [и] попеченiе всѣхъ церквей.
11:29 См.: 🔗1Кор. 9:22	Кто изнемогаетъ, и не изнемогаю? Кто соблазняет­ся, и азъ не разжизаюся?
11:30	Аще хвалитися [ми] подобаетъ, о немощи мо­ей похвалюся.
11:31 См.: 🔗Рим. 9:1 🔗Гал. 1:20	[Зач. 194.] Богъ и Отецъ Господа на­шего Иисуса Христа вѣсть, сый благословенъ во вѣки, яко не лгу.
11:32 См.: 🔗Деян. 9:24	Въ Дамасцѣ языческiй князь Ареѳы царя стрежа­ше Дамаскъ градъ, яти мя хотя: *и оконцемъ въ кошницѣ свѣшенъ быхъ по стѣнѣ, и избѣгохъ изъ руку его.