Псалтирь, псалом 15

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) Українська English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Псалом 15
15:1	Столпописанiе, Давиду, 15.
15:2	Сохрани мя, Господи, яко на Тя уповахъ.
15:3	Рѣхъ Господеви: Господь мой еси Ты, яко благихъ мо­ихъ не требуеши.
15:4 См.: 🔗Ин. 11:5	Святымъ, иже суть на земли его, удиви Господь вся хотѣнiя Своя въ нихъ.
15:5 См.: 🔗Ис. 1:11	Умножишася немощи ихъ, по сихъ ускориша: не соберу соборы ихъ от­ кровей, ни помяну же именъ ихъ устнама мо­има.
15:6 См.: 🔗Плч. 3:24	Господь часть достоянiя мо­его и чаши мо­ея: Ты еси устрояяй достоянiе мое мнѣ.
15:7	Ужя нападоша ми въ державныхъ мо­ихъ: ибо достоянiе мое державно есть мнѣ.
15:8	Благословлю Господа вразумив­шаго мя: еще же и до нощи наказаша мя утробы моя.
15:9 См.: 🔗Деян. 2:25	Предзрѣхъ Господа предо мною выну, яко одесную мене есть, да не подвижуся.
15:10	Сего ради воз­веселися сердце мое, и воз­радовася языкъ мой: еще же и плоть моя вселит­ся на упованiи.
15:11 См.: 🔗Деян. 13:35	Яко не оставиши душу мою во адѣ, ниже даси преподобному Тво­ему видѣти истлѣнiя.
15:12 См.: 🔗Деян. 2:28	Сказалъ ми еси пути живота: исполниши мя веселiя съ лицемъ Тво­имъ: красота {сладость} въ десницѣ Тво­ей въ конецъ.