Псалтирь, псалом 97

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) Українська English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Псалом 97
97:1	Псаломъ Давиду.
97:2 См.: 🔗Ис. 63:5	Воспойте Господеви пѣснь нову, яко дивна сотвори Господь: спасе Его десница Его и мышца святая Его.
97:3 См.: 🔗Ис. 52:10	Сказа Господь спасенiе Свое, предъ языки от­кры правду Свою.
97:4 См.: 🔗Лк. 2:30 🔗Лк. 3:6	Помяну милость Свою Иакову и истину Свою дому Израилеву: видѣша вси концы земли спасенiе Бога на­шего.
97:5 См.: 🔗Пс. 65:2	Воскликните Богови, вся земля, воспойте и радуйтеся и пойте.
97:6 См.: 🔗Пс. 149:3	Пойте Господеви въ гуслехъ, въ гуслехъ и гласѣ псаломстѣ,
97:7	въ трубахъ кованыхъ и гласомъ трубы рожаны: вострубите предъ Царемъ Господемъ.
97:8	Да подвижит­ся море и исполненiе его, вселен­ная и вси живущiи на ней.
97:9 См.: 🔗1Пар. 16:32	Рѣки восплещутъ рукою вкупѣ, горы воз­радуют­ся
97:10 См.: 🔗Пс. 95:13	от­ лица Господня, яко грядетъ, яко идетъ судити земли: судити вселен­нѣй въ правду, и людемъ правостiю.