Евангелие от Марка, глава 10

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) Рус. (еп. Кассиан) Беларускi Українська English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Глава 10
10:1	И от­туду воставъ прейде въ предѣлы Иудейскiя, {чрезъ страну, яже} объ онъ полъ Иордана. И снидошася паки народи къ Нему: и яко обычай имѣ, паки уча­ше ихъ.
10:2 См.: 🔗Мф. 19:3	[Зач. 43.] И при­­ступльше фарисее вопросиша Его: аще достоитъ мужу жену пустити? Искушающе Его.
10:3	Онъ же от­вѣщавъ рече имъ: что вамъ заповѣда Моисей?
10:4 См.: 🔗Втор. 24:1 🔗Мф. 5:31 🔗Лк. 16:18	Они же рѣша: Моисей повелѣ книгу распустную написати, и пустити.
10:5	И от­вѣщавъ Иисусъ рече имъ: по жестосердiю ва­шему написа вамъ заповѣдь сiю:
10:6 См.: 🔗Быт. 1:27 🔗Мф. 19:4	от­ начала же созданiя, мужа и жену сотворилъ я есть Богъ:
10:7 См.: 🔗1Кор. 6:16	сего ради оставитъ человѣкъ отца сво­его и матерь
10:8 См.: 🔗Быт. 2:24	и при­­лѣпит­ся къ женѣ сво­ей, и будета оба въ плоть едину: тѣмже уже нѣста два, но плоть едина:
10:9 См.: 🔗1Кор. 7:10	еже убо Богъ сочета, человѣкъ да не разлучаетъ.
10:10	И въ дому паки ученицы Его о семъ вопросиша Его.
10:11	И глагола имъ: [Зач. 44.] иже аще пуститъ жену свою и оженит­ся иною, прелюбы творитъ на ню:
10:12	и аще жена пуститъ мужа {мужа сво­его} и посягнетъ за иного, прелюбы творитъ.
10:13 См.: 🔗Мф. 19:13 🔗Лк. 18:15	И при­­ношаху къ Нему дѣти, да коснет­ся ихъ: ученицы же прещаху при­­носящымъ.
10:14 См.: 🔗Мф. 18:4 🔗1Пет. 2:2 🔗1Кор. 14:20	Видѣвъ же Иисусъ негодова и рече имъ: оставите дѣтей при­­ходити ко Мнѣ и не браните имъ, тацѣхъ бо есть Цар­ст­вiе Божiе:
10:15 См.: 🔗Мф. 11:25	аминь глаголю вамъ: иже аще не прiиметъ Цар­ст­вiя Божiя яко отроча, не имать внити въ не.
10:16 См.: 🔗Мф. 19:15	И объемь ихъ, воз­ложь руцѣ на нихъ, благословляше ихъ.
10:17 См.: 🔗Мф. 19:16 🔗Лк. 18:18	[Зач. 45.] И исходящу Ему на путь, при­­текъ нѣкiй и поклонься на колѣну Ему, вопроша­ше Его: Учителю благій, что сотворю, да животъ вѣчный наслѣд­ст­вую?
10:18	Иисусъ же рече ему: что Мя глаголеши блага? Никтоже благъ, токмо единъ Богъ.
10:19 См.: 🔗Исх. 20:12 🔗Втор. 5:17 🔗Мф. 5:21 🔗Лк. 18:20	Заповѣди вѣси: не прелюбы сотвориши: не убій: не укради: не лжесвидѣтел­ст­вуй: не обиди: чти отца тво­его и матерь.
10:20	Онъ же от­вѣщавъ рече Ему: Учителю, сiя вся сохранихъ от­ юности мо­ея.
10:21 См.: 🔗Мф. 6:19	Иисусъ же воз­зрѣвъ нань, воз­люби его и рече ему: единаго еси не докончалъ: иди, елика имаши, продаждь и даждь нищымъ, и имѣти имаши сокровище на небеси: и прiиди [и] ходи вслѣдъ Мене, вземъ крестъ.
10:22	Онъ же дряхлъ бывъ о словеси {о словеси семъ}, отъиде скорбя: бѣ бо имѣя стяжанiя многа.
10:23 См.: 🔗Иов. 31:24 🔗Иак. 2:5 🔗1Тим. 6:17	И воз­зрѣвъ Иисусъ глагола ученикомъ Сво­имъ: [Зач. 46.] како неудобь имущiи богат­ст­во въ Цар­ст­вiе Божiе внидутъ.
10:24	Ученицы же ужасахуся о словесѣхъ Его. Иисусъ же паки от­вѣщавъ глагола имъ: чада, како неудобь уповающымъ на богат­ст­во въ Цар­ст­вiе Божiе внити:
10:25	удобѣе бо есть велбуду сквоз­ѣ иглинѣ ушы про­ити, неже богату въ Цар­ст­вiе Божiе внити.
10:26	Они же излиха дивляхуся, глаголюще къ себѣ: то кто можетъ спасенъ быти?
10:27 См.: 🔗Иов. 42:2	Воззрѣвъ же на нихъ Иисусъ глагола: у человѣкъ невоз­можно, но не у Бога: вся бо воз­можна суть у Бога.
10:28 См.: 🔗Мф. 19:27 🔗Лк. 18:28	Начатъ же Петръ глаголати Ему: се, мы оставихомъ вся и вслѣдъ Тебе идохомъ.
10:29	Отвѣщавъ же Иисусъ рече: аминь глаголю вамъ: никтоже есть, иже оставилъ есть домъ, или братiю, или сестры, или отца, или матерь, или жену, или чада, или села, Мене ради и Евангелiа ради:
10:30	аще не прiиметъ сторицею нынѣ во время сiе, домовъ, и братiй, и сестръ, и отца, и матере, и чадъ, и селъ, во изгнанiи, и въ вѣкъ грядущiй животъ вѣчный:
10:31 См.: 🔗Мф. 19:30 🔗Лк. 13:30	мнози же будутъ первiи послѣдни, и послѣднiи перви.
10:32	Бяху же на пути, восходяще во Иерусалимъ: и бѣ варяя ихъ Иисусъ, и ужасахуся, и вслѣдъ идуще, бояхуся. [Зач. 47.] И по­емь паки оба­на­де­сять, начатъ имъ глаголати, яже хотяху Ему быти:
10:33 См.: 🔗Мф. 20:18 🔗Лк. 18:31	яко, се, восходимъ во Иерусалимъ, и Сынъ Человѣческiй преданъ будетъ архiереомъ и книжникомъ, и осудятъ Его на смерть, и предадятъ Его языкомъ:
10:34	и поругают­ся Ему, и уязвятъ Его, и оплюютъ Его, и убiютъ Его: и въ третiй день воскреснетъ.
10:35 См.: 🔗Мф. 20:20	И предъ Него прiидоста Иаковъ и Иоан­нъ, сына Зеведеева, глаголюща: Учителю, хощева, да, еже аще просива, сотвориши нама.
10:36	Онъ же рече има: что хощета, да сотворю вама?
10:37	Она же рѣста Ему: даждь намъ, да единъ о десную Тебе и единъ о шуюю Тебе сядева во славѣ Тво­ей.
10:38	Иисусъ же рече има: не вѣста, чесо просита: можета ли пити чашу, юже Азъ пiю, и крещенiемъ, имже Азъ крещаюся, креститися?
10:39	Она же рѣста Ему: можева. Иисусъ же рече има: чашу убо, юже Азъ пiю, испiета, и крещенiемъ, имже Азъ крещаюся, креститася:
10:40	а еже сѣсти о десную Мене и о шуюю, нѣсть Мнѣ дати, но имже уготовано есть.
10:41 См.: 🔗Мф. 20:24 🔗Лк. 22:24	И слышав­ше десять, начаша негодовати о Иаковѣ и Иоан­нѣ.
10:42	Иисусъ же при­­звавъ ихъ, глагола имъ: вѣсте, яко мнящiися владѣти языки, соодолѣваютъ имъ, и велицыи ихъ обладаютъ ими:
10:43	не тако же будетъ въ васъ: но иже аще хощетъ въ васъ вящшiй быти, да будетъ вамъ слуга:
10:44 См.: 🔗Мк. 9:35	и иже аще хощетъ въ васъ быти старѣй, да будетъ всѣмъ рабъ:
10:45 См.: 🔗Ин. 13:15 🔗1Пет. 5:3 🔗Флп. 2:7	ибо Сынъ Человѣчь не прiиде, да послужатъ Ему, но да послужитъ и дастъ душу Свою избавленiе за многи.
10:46 См.: 🔗Мф. 20:29	[Зач. 48.] И прiидоша во Иерихонъ. И исходящу Ему от­ Иерихона, и ученикомъ Его, и народу многу, сынъ Тимеовъ Вартимей слѣпый сѣдяше при­­ пути, прося.
10:47	И слышавъ, яко Иисусъ Назорянинъ есть, начатъ звати и глаголати: Сыне Давидовъ Иисусе, помилуй мя.
10:48	И прещаху ему мнози, да умолчитъ: онъ же множае паче зва­ше: Сыне Давидовъ, помилуй мя.
10:49	И ставъ Иисусъ, рече его воз­гласити. И воз­гласиша слѣпца, глаголюще ему: дерзай, востани, зоветъ тя.
10:50	Онъ же от­вергъ ризы своя, воставъ прiиде ко Иисусови.
10:51	И от­вѣщавъ глагола ему Иисусъ: что хощеши, да сотворю тебѣ? Слѣпый же глагола ему: учителю, да прозрю.
10:52	Иисусъ же рече ему: иди: вѣра твоя спасе тя. И абiе прозрѣ и по Иисусѣ иде въ путь.