Псалтирь, псалом 27

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) Українська English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Псалом 27
27:1	Псаломъ Давиду.
27:2 См.: 🔗Пс. 142:7	Къ Тебѣ, Господи, воз­зову, Боже мой: да не премолчиши от­ мене {о мнѣ}: да не когда премолчиши от­ мене {о мнѣ}, и уподоблюся низходящымъ въ ровъ.
27:3 См.: 🔗Пс. 4:2	Услыши, Господи, гласъ моленiя мо­его, внегда молитимися къ Тебѣ, внегда воз­дѣти ми руцѣ мо­и ко храму святому Тво­ему.
27:4 См.: 🔗Пс. 11:3 🔗Иер. 9:8	Не при­­влецы мене со грѣшники, и съ дѣла­ю­щими неправду не погуби мене, глаголющими миръ съ ближними сво­ими, злая же въ сердцахъ сво­ихъ.
27:5 См.: 🔗Мф. 16:27	Даждь имъ, Господи, по дѣломъ ихъ и по лукав­ст­ву начинанiй ихъ, по дѣломъ руку ихъ даждь имъ, воз­даждь воз­даянiе ихъ имъ.
27:6 См.: 🔗Иов. 34:27 🔗Ис. 5:12	Яко не разумѣша въ дѣла Господня и въ дѣла руку Его: разориши я и не созиждеши я.
27:7	Благословенъ Господь, яко услыша гласъ моленiя мо­его.
27:8 См.: 🔗Пс. 3:4	Господь помощникъ мой и защититель мой: на Него упова сердце мое, и поможе ми, и процвѣте плоть моя: и волею мо­ею исповѣмся Ему.
27:9 См.: 🔗Пс. 26:1	Господь утвержденiе людій Сво­ихъ и защититель спасенiй Христа Сво­его есть.
27:10	Спаси люди Твоя, и благослови достоянiе Твое, и упаси я, и воз­ми {и воз­неси} я до вѣка.