Псалтирь, псалом 91

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) Українська English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Псалом 91
91:1	Псаломъ пѣсни, въ день субботный.
91:2 См.: 🔗Пс. 146:1	Благо есть исповѣдатися Господеви и пѣти имени Тво­ему, Вышнiй:
91:3 См.: 🔗Пс. 88:2	воз­вѣщати заутра милость Твою и истину Твою на всяку нощь,
91:4	въ десятострун­нѣмъ псалтири съ пѣснiю въ гуслехъ.
91:5	Яко воз­веселилъ мя еси, Господи, въ творенiи Тво­емъ, и въ дѣлѣхъ руку Твоею воз­радуюся.
91:6 См.: 🔗Пс. 103:24 🔗Иез. 47:5 🔗Рим. 11:33	Яко воз­величишася дѣла Твоя, Господи: зѣло углубишася помышленiя Твоя.
91:7 См.: 🔗Ис. 26:10	Мужъ безуменъ не познаетъ, и неразумивъ не разумѣетъ сихъ.
91:8 См.: 🔗Пс. 36:2 🔗Пс. 128:6	Внегда прозябоша грѣшницы яко трава, и проникоша вси дѣла­ю­щiи беззаконiе, яко да потребят­ся въ вѣкъ вѣка:
91:9 См.: 🔗Иов. 36:26 🔗Пс. 101:28	Ты же вышнiй во вѣкъ, Господи.
91:10	Яко се, врази Тво­и, Господи, яко се, врази Тво­и погибнутъ, и разыдут­ся вси дѣла­ю­щiи беззаконiе.
91:11 См.: 🔗Чис. 23:22	И воз­несет­ся яко единорога рогъ мой, и старость моя въ елеи маститѣ:
91:12	и воз­зрѣ око мое на враги моя, и востающыя на мя лукавну­ю­щыя услышитъ ухо мое.
91:13 См.: 🔗Пс. 51:10	Праведникъ яко финиксъ процвѣтетъ: яко кедръ, иже въ Ливанѣ, умножит­ся.
91:14	Насаждени въ дому Господни во дворѣхъ Бога на­шего процвѣтутъ:
91:15 См.: 🔗Лк. 2:36	еще умножат­ся въ старости маститѣ, и благопрiемлюще будутъ.
91:16	Да воз­вѣстятъ, яко правъ Господь Богъ нашъ, и нѣсть неправды въ Немъ.