Книга Исход, глава 21

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) Українська English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Глава 21
21:1	И сiя оправданiя, яже да положиши предъ ними:
21:2 См.: 🔗Втор. 15:12 🔗Иер. 34:14	аще стяжеши раба Евреина, шесть лѣтъ да поработаетъ тебѣ, въ седмое же лѣто от­пустиши его свободна туне:
21:3	аще самъ единъ внидетъ, то единъ и изыдетъ: аще же жена внидетъ съ нимъ, то и жена отъидетъ съ нимъ:
21:4 См.: 🔗Лев. 25:44 🔗Быт. 21:10 🔗Гал. 4:24	аще же господинъ дастъ ему жену, и родитъ ему сыны или дщери, жена и дѣти да будутъ господину его, самъ же единъ да отъидетъ.
21:5 См.: 🔗Втор. 15:16	Аще же от­вѣщавъ рабъ речетъ: воз­любихъ господина мо­его и жену мою и дѣти моя, не от­хожду свободенъ:
21:6 См.: 🔗Лев. 25:39	да при­­ведетъ его господинъ его предъ судище Божiе, и тогда при­­ведетъ его предъ двери на прагъ, и да провертитъ ему ухо господинъ его шиломъ, и да поработаетъ ему во вѣки.
21:7	Аще же кто продастъ свою дщерь въ рабыню, да не отъидетъ, якоже от­ходятъ рабыни:
21:8	аще не угодитъ предъ очима господина сво­его, юже онъ взяти въ жену обѣща, да от­пуститъ ю: языку же чуждему господинъ да не продастъ ея, понеже от­верже ю:
21:9 См.: 🔗Исх. 22:16	аще же сыну сво­ему обѣщалъ ю, по обыкновенiю дщерей да сотворитъ ей:
21:10	аще же другую пойметъ себѣ, потребныхъ и одеждъ и сообщенiя ея да не лишитъ:
21:11	аще же сихъ трехъ не сотворитъ ей, да отъидетъ безъ сребра туне.
21:12 См.: 🔗Лев. 24:17	И аще кого кто ударитъ, и умретъ, смертiю да умретъ [и той]:
21:13 См.: 🔗Втор. 19:2	аще же не хотя, но Богъ предаде въ руцѣ его, дамъ тебѣ мѣсто, въ неже убѣжитъ тамо убивый:
21:14 См.: 🔗Втор. 19:11 🔗3Цар. 2:29	аще же кто при­­ложитъ убити ближняго сво­его лестiю и при­­бѣгнетъ ко олтарю, от­ олтаря Мо­его да возмеши того умертвити.
21:15	Иже бiетъ отца сво­его или матерь свою, смертiю да умретъ.
21:16	Иже злословитъ отца сво­его или матерь свою, смертiю да умретъ.
21:17 См.: 🔗Лев. 20:9 🔗Прит. 20:20 🔗Мф. 15:4 🔗Мк. 7:10	Аще кто кого украдетъ от­ сыновъ Израилевыхъ, и соодолѣвъ сему продастъ его, и обрящет­ся у него, смертiю да скончает­ся.
21:18	Аще же сварят­ся два мужа, и ударитъ единъ другаго каменемъ или пястiю, и не умретъ, но сляжетъ на одрѣ:
21:19 См.: 🔗2Цар. 3:29	аще воставъ человѣкъ походитъ внѣ о жезлѣ, неповиненъ будетъ ударивый его: точiю за недѣланiе его да дастъ цѣну и на цѣльбу.
21:20 См.: 🔗Лев. 25:39	Аще же кто ударитъ раба сво­его или рабу свою жезломъ, и умретъ от­ руки его, судомъ да от­мстит­ся:
21:21	аще же преживетъ день единъ или два, да не мстит­ся: сребро бо его есть.
21:22	Аще же бiют­ся два мужа, и поразятъ жену непраздну, и изыдетъ младенецъ ея неизображенъ, тщетою да отщетит­ся: якоже наложитъ мужъ жены тоя, подобающее да от­дастъ:
21:23	аще же изображенъ будетъ, да дастъ душу за душу,
21:24 См.: 🔗Лев. 24:20 🔗Втор. 19:21 🔗Мф. 5:38	око за око, зубъ за зубъ, руку за руку, ногу за ногу,
21:25	жженiе за жженiе, язву за язву, вредъ за вредъ.
21:26	Аще же кто исткнетъ око рабу сво­ему или око рабыни сво­ей и ослѣпитъ, свободны да от­пуститъ я за око ихъ:
21:27	аще же зубъ рабу сво­ему или зубъ рабѣ сво­ей избiетъ, свободны да от­пуститъ я за зубъ ихъ.
21:28 См.: 🔗Быт. 9:5	Аще же волъ убодетъ мужа или жену, и умретъ, каменiемъ да побiет­ся волъ той, и да не снѣдятъ мяса его, господинъ же вола неповиненъ будетъ:
21:29	аще же волъ бодливъ будетъ прежде вчерашняго и третiяго дне, и воз­вѣстятъ господину его, и не заключитъ его, и убiетъ мужа или жену: волъ каменiемъ да побiет­ся, и господинъ его купно да умретъ:
21:30	аще же окупъ наложит­ся ему, да дастъ окупъ за душу свою, елико наложатъ ему:
21:31	аще же сына или дщерь убодетъ, по сему же суду да сотворятъ ему:
21:32	аще же раба или рабу убодетъ волъ, сребра тридесять дидрахмъ да дастъ господину ихъ, и волъ каменiемъ да побiет­ся.
21:33	Аще же кто от­верзетъ яму или ископаетъ яму и не покрыетъ ея, и впадет­ся въ ню телецъ или осля,
21:34	господинъ ямы от­дастъ [цѣну], сребро дастъ господину ихъ: умершее же ему да будетъ.
21:35	Аще же чій волъ убодетъ вола ближняго, и умретъ, да продадутъ вола живаго, и да раздѣлятъ цѣну его, и вола умершаго да раздѣлятъ:
21:36	аще же знаемь есть волъ, яко бодливъ есть прежде вчерашняго и третiяго дне, и глаголаша господину его, и той не заключитъ его: да от­дастъ вола за вола, мертвый же ему да будетъ.