Псалтирь, псалом 22

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) Українська English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Псалом 22
22:1	Псаломъ Давиду.
22:2 См.: 🔗Ис. 40:11 🔗Иер. 23:4 🔗Иез. 34:23 🔗Ин. 10:11 🔗1Пет. 2:25	Господь пасетъ мя, и ничтоже мя лишитъ.
22:3	На мѣсте злачнѣ, тамо всели мя, на водѣ покойнѣ воспита мя.
22:4	Душу мою обрати, настави мя на стези правды, имене ради Сво­его.
22:5 См.: 🔗Пс. 117:6 🔗Рим. 8:31	Аще бо и пойду посредѣ сѣни смертныя, не убоюся зла, яко Ты со мною еси: жезлъ Твой и палица Твоя, та мя утѣшиста.
22:6 См.: 🔗Прит. 9:2 🔗Пс. 111:10 🔗Ис. 25:6	Уготовалъ еси предо мною трапезу сопротивъ стужающымъ мнѣ: умастилъ еси елеомъ главу мою, и чаша твоя упоявающи мя, яко державна.
22:7 См.: 🔗Пс. 26:4	И милость Твоя поженетъ мя вся дни живота мо­его, и еже вселитимися въ домъ Господень въ долготу дній.