Книга пророка Софонии, глава 1

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) Українська English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Глава 1
1:1 См.: 🔗4Цар. 22:1	Слово Господне, иже бысть къ софонiи сыну хусіину, сыну годоліину, Аморіину, езекіину, во дни Иосіи сына Амоня, царя Иудина.
1:2	Оскудѣнiемъ да оскудѣютъ вся от­ лица земли, глаголетъ Господь:
1:3 См.: 🔗Ис. 24:3 🔗Ос. 4:3	да оскудѣетъ человѣкъ и скоти, да оскудѣютъ птицы небесныя и рыбы морскія, и да изнемогутъ нечестивiи, и изъиму беззакон­ныя от­ лица земли, глаголетъ Господь.
1:4 См.: 🔗Иер. 49:3 🔗Ос. 10:5	И простру руку мою на Иуду и на вся живущыя во Иерусалимѣ: и изъиму от­ мѣста сего имена Ваалова и имена жреческа со жерцами,
1:5 См.: 🔗Иер. 44:17 🔗Ос. 4:15	и покланяющихся на покровѣхъ воин­ству небесному и кленущихся Господемъ и кленущихся царемъ сво­имъ,
1:6	и укланяющихся от­ Господа и не ищущихъ Господа и не при­­держащихся Господа.
1:7 См.: 🔗Пс. 36:7 🔗Иер. 46:10 🔗Ис. 34:6	Убойтеся от­ лица Господа Бога, зане близъ день Господень, яко уготова Господь жертву свою и освяти зван­ныя своя.
1:8 См.: 🔗4Цар. 25:7 🔗1Пет. 3:3	И будетъ въ день жертвы Господни: и от­мщу на князи и на домъ царскiй и на вся оболчен­ныя во одѣянiя чуждая,
1:9	и от­мщу явѣ на вся предвратныя въ день той, исполняющыя храмъ Господа Бога сво­его нечестiемъ и лестiю.
1:10	И будетъ въ день онъ, глаголетъ Господь, гласъ вопля от­ вратъ избодающихъ и плачь от­ вторыхъ и сотренiе велiе от­ холмовъ.
1:11	Плачите, живущiи въ посѣчен­нѣй, яко уподобишася вси людiе Ханаану, и потребишася вси величающiися сребромъ.
1:12 См.: 🔗Иер. 48:11 🔗Иез. 11:3	И будетъ въ той день, изыщу Иерусалима со свѣтилникомъ и от­мщу на мужы нерадящыя о стражбахъ сво­ихъ, глаголющыя въ сердцахъ сво­ихъ: не имать блага сотворити Господь, ниже имать озлобити.
1:13 См.: 🔗Втор. 28:30 🔗Ам. 5:11 🔗Мих. 6:15	И будетъ сила ихъ въ расхищенiе и домы ихъ въ разоренiе: и созиждутъ жилища и не имутъ пожити въ нихъ, и насадятъ винограды и не имутъ пити вина ихъ:
1:14 См.: 🔗Иез. 30:3	яко близъ день Господень великiй, близъ и скоръ зѣло, гласъ дне Господня горекъ и жестокъ учинися.
1:15 См.: 🔗Иер. 30:7 🔗Иоил. 2:11 🔗Ам. 5:18	Силенъ день гнѣва день той, день скорби и нужды, день безгодiя и изчезновенiя, день тмы и мрака, день облака и мглы,
1:16	день трубы и вопля на грады твердыя и на углы высокiя.
1:17	И оскорблю человѣки, и пойдутъ яко слѣпи, зане Господеви прегрѣшиша, и излiет­ся кровь ихъ яко персть, и плоти ихъ яко лайна:
1:18 См.: 🔗Прит. 11:4 🔗Иез. 7:19	и сребро ихъ и злато ихъ не воз­можетъ изъяти ихъ въ день гнѣва Господня, и огнемъ рвенiя его поядена будетъ вся земля: зане скончанiе и тщанiе сотворитъ на вся живущыя на земли.