Язык:
Церковнослав. (дореф.)
Библия на церковнослявянском языке в дореволюционной (дореформенной) орфографии.
| |
Глава 2 | |
2:1 | Сiя глаголетъ Господь: за три нечестiя Моавля и за четыри не отвращуся его, понеже сожгоша кости царя Идумейска въ пепелъ: |
2:2 | и послю огнь на Моава, и поястъ основанiя градовъ его, и умретъ со безсилiемъ Моавъ, съ воплемъ и гласомъ трубнымъ: |
2:3 | и потреблю судiю изъ него и вся князи его избiю съ нимъ, глаголетъ Господь. |
2:4 | Сiя глаголетъ Господь: за три нечестiя сыновъ Иудиныхъ и за четыри не отвращуся ихъ, понеже отринуша законъ Господень и повелѣнiй его не сохраниша, и прельстиша ихъ суетная ихъ, яже сотвориша, имже послѣдоваша отцы ихъ вслѣдъ ихъ: |
2:5 | и послю огнь на Иуду, и поястъ основанiя Иерусалимля. |
2:6 См.: 🔗Втор. 27:19 🔗Ам. 8:6 | Сiя глаголетъ Господь: за три нечестiя Израиля и за четыри не отвращуся его, понеже продаша праведнаго на сребрѣ и убогаго на сапозѣхъ, |
2:7 См.: 🔗Ис. 3:16 🔗Рим. 2:24 | ходящихъ на прасѣ земнѣмъ, и бiяху пястiю во главы убогихъ, и путь смиренныхъ совращаху: и сынъ и отецъ его влазяста ко единѣй рабыни, яко да осквернавятъ имя Бога своего: |
2:8 | и ризы своя связующе ужами, и завѣсы творяху держащыяся требища, и вино от оболганiй пiяху въ дому бога своего. |
2:9 | Азъ же отвергохъ Аморреа от лица ихъ, егоже бѣ высота якоже высота кедрова, и крѣпокъ бяше якоже дубъ, и изсушихъ плодъ его съ верха и коренiе его изъ низу. |
2:10 | Азъ же изведохъ вы изъ земли Египетскiя и обводихъ вы въ пустыни четыредесять лѣтъ, еже прiяти въ наслѣдiе землю Аморрейску. |
2:11 См.: 🔗Исх. 12:51 🔗Ам. 3:1 | И пояхъ от сыновъ вашихъ во пророки и от юнотъ вашихъ во освященiе: еда нѣсть сихъ, сынове Израилевы? глаголетъ Господь. |
2:12 См.: 🔗Ис. 30:10 🔗Ам. 7:12 | И напаясте освященныя виномъ и пророкомъ заповѣдасте глаголюще: не прорицайте. |
2:13 | Сего ради, се, азъ повращу подъ вами, якоже вратится колесница полна тростiя: |
2:14 См.: 🔗Еккл. 9:11 🔗Ам. 9:1 | и погибнетъ бѣгство от скоротекущаго, и крѣпкiй не удержитъ крѣпости своея, и храбрый не спасетъ души своея, |
2:15 | и стрѣляяй изъ лука не постоитъ, и быстрый ногама своима не уцѣлѣетъ, и конникъ не спасетъ души своея, |
2:16 | и крѣпкiй не обрящетъ сердца своего въ силахъ, нагъ побѣгнетъ въ той день, глаголетъ Господь. |