Книга Левит, глава 26

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) Українська English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Глава 26
26:1 См.: 🔗Исх. 20:4 🔗Втор. 5:8 🔗Пс. 96:7	Не сотворите себѣ [образовъ] рукотвореныхъ, ниже изваяныхъ, ниже столпа поставите себѣ, ниже камене поставите въ земли ва­шей во знаменiе, ко еже покланятися ему: Азъ есмь Господь Богъ вашъ.
26:2	Субботы Моя сохраните, и от­ святыхъ Мо­ихъ убойтеся: Азъ есмь Господь.
26:3 См.: 🔗Втор. 28:1	Аще въ повелѣнiихъ Мо­ихъ ходите, и заповѣди Моя сохраните и сотворите я:
26:4	и дамъ дождь вамъ во время свое, и земля дастъ плоды своя, и древеса селная от­дадятъ плодъ свой:
26:5 См.: 🔗Иов. 11:19	и постигнетъ вамъ млаченiе [житъ] обранiе вина, и обранiе вина постигнетъ сѣятву, и снѣсте хлѣбъ вашъ въ сытость, и вселитеся съ твердостiю на земли ва­шей, и рать не пройдетъ сквоз­ѣ землю вашу:
26:6	и дамъ миръ въ земли ва­шей, и уснете, и не будетъ устрашаяй васъ: и погублю звѣри лютыя от­ земли ва­шея:
26:7 См.: 🔗Втор. 6:19	и рать сквоз­ѣ землю вашу не пройдетъ, и поженете враги вашя, и падутъ предъ вами убiенiемъ:
26:8 См.: 🔗Втор. 32:30 🔗Нав. 23:10 🔗2Пар. 14:9	и поженутъ от­ васъ пять сто, и сто васъ поженетъ тмы, и падутъ врази ваши предъ вами мечемъ:
26:9	и призрю на васъ и благословлю васъ, и воз­ращу васъ и умножу васъ, и поставлю завѣтъ Мой съ вами:
26:10 См.: 🔗Песн. 7:14	и снѣсте ветхая и ветхая ветхихъ, и ветхая от­ лица новыхъ изнесете:
26:11 См.: 🔗Втор. 4:7	и поставлю завѣтъ Мой въ васъ, и не воз­гнушает­ся душа Моя вами:
26:12 См.: 🔗2Кор. 6:16	и похожду въ васъ, и буду вамъ Богъ, и вы будете Ми людiе:
26:13 См.: 🔗Иер. 27:2 🔗Иер. 28:2	Азъ есмь Господь Богъ вашъ, изведый васъ изъ земли Египетскiя, сущымъ вамъ рабомъ: и сокрушихъ узы ярма ва­шего, и изведохъ васъ со дерзновенiемъ.
26:14 См.: 🔗Втор. 28:15 🔗Плч. 2:17 🔗Мал. 2:2 🔗Вар. 2:10	Аще же не послушаете Мене, ниже сотворите повелѣнiй Мо­ихъ сихъ,
26:15 См.: 🔗Ис. 24:5	но ни покоритеся имъ, и о судьбахъ Мо­ихъ воз­негодуетъ душа ваша, яко не творити вамъ всѣхъ заповѣдiй Мо­ихъ, яко разорити завѣтъ Мой,
26:16 См.: 🔗Втор. 28:21 🔗1Цар. 2:33	и Азъ сотворю сице вамъ, и наведу на васъ скудость и красту, и желтяницу вреждающую очи ваша и душы вашя истаевающую: и посѣете вотще сѣмена ваша, и поядятъ я супостаты вашя:
26:17 См.: 🔗Лев. 17:10 🔗Пс. 33:17	и утвержу лице Мое на васъ, и падете предъ враги вашими, и поженутъ вы ненавидящiи васъ, и побѣгнете ни комуже гонящу васъ.
26:18	И аще до сего не послушаете Мене, и при­­ложу наказати вы язвами седмижды за грѣхи вашя:
26:19 См.: 🔗Втор. 28:23	и сокрушу досажденiе гордыни ва­шея, и положу небо вамъ аки желѣзно, и землю вашу аки мѣдяну:
26:20 См.: 🔗Иер. 8:13 🔗Иоил. 1:12	и будетъ вотще крѣпость ваша, и не дастъ земля ваша сѣмене сво­его, и древа села ва­шего не дадутъ плода сво­его.
26:21	И аще по сихъ пойдете страною и не восхощете послушати Мене, при­­ложу вамъ язвъ седмь по грѣхомъ вашымъ,
26:22 См.: 🔗Прем. 11:16	и послю на вы звѣри лютыя земныя, и изъядятъ вы и потребятъ скоты вашя, и умалены сотворю вы, и пусты будутъ путiе ваши.
26:23	И аще сими не накажетеся, но пойдете ко Мнѣ страною,
26:24 См.: 🔗2Цар. 22:27 🔗Пс. 17:27	пойду и Азъ съ вами въ ярости страною, и поражу вы и азъ седмижды грѣхъ ради вашихъ,
26:25 См.: 🔗Иез. 21:14	и наведу на вы мечь мстяй месть завѣта, и вбѣгнете въ грады вашя: и послю на вы смерть, и предани будете въ руцѣ врагъ вашихъ:
26:26 См.: 🔗Пс. 104:16 🔗Иез. 4:16 🔗Мф. 15:38	внегда скорбѣти вамъ скудостiю хлѣбовъ, и испекутъ десять женъ хлѣбы вашя въ пещи единѣй, и от­дадятъ хлѣбы вашя вѣсомъ, и ясти будете, и не насытитеся.
26:27	Аще же въ сихъ не послушаете Мене и пойдете ко Мнѣ страною,
26:28 См.: 🔗Втор. 32:23	и Азъ пойду съ вами въ ярости страною, и накажу вы азъ седмижды по грѣхомъ вашымъ:
26:29 См.: 🔗4Цар. 6:28 🔗Иер. 19:9 🔗Плч. 2:20	и ясти будете плоти сыновъ вашихъ, и плоти дщерей вашихъ ясти имате,
26:30	и сотворю пустая капища ваша и потреблю древяная рукотворенiя ваша, и положу трупы вашя на трупѣхъ кумиръ вашихъ, и воз­ненавидитъ васъ душа Моя:
26:31 См.: 🔗Иер. 7:14 🔗Ис. 1:13 🔗Ам. 5:21	и сотворю грады вашя пусты, и опустошу святая ваша, и не обоняю вони жертвъ вашихъ:
26:32 См.: 🔗Иер. 19:8 🔗Иер. 25:9 🔗Иез. 23:25	и сотворю пусту азъ землю вашу, и удивят­ся о ней врази ваши, живущiи на ней:
26:33	и разсыплю вы въ языки, и потребитъ вы находяй мечь, и будетъ земля ваша пуста, и грады ваши будутъ пусты.
26:34 См.: 🔗Лев. 25:2	Тогда воз­благоволитъ земля субботы своя, во вся дни запустѣнiя сво­его, и вы будете въ земли врагъ вашихъ: тогда воспразднуетъ земля и воз­благоволитъ субботы своя:
26:35	во вся дни опустѣнiя сво­его воспразднуетъ, яже не празднова въ субботахъ вашихъ, егда живясте на ней.
26:36 См.: 🔗Втор. 20:3 🔗Ис. 7:4 🔗Иов. 15:21	И оставльшымся от­ васъ вложу страхъ въ сердца ихъ въ земли врагъ ихъ, и поженетъ ихъ гласъ листа летяща, и побѣгнутъ яко бѣжащiи от­ рати, и падутъ ни кимже гоними.
26:37	И презритъ братъ брата аки на рати, ни кому напада­ю­щу, и не воз­можете противустати врагомъ вашымъ:
26:38	и погибнете въ языцѣхъ, и потребитъ васъ земля врагъ вашихъ.
26:39	И оставльшiися от­ васъ истлѣютъ за грѣхи своя и за грѣхи отецъ сво­ихъ, въ земли врагъ сво­ихъ истаютъ,
26:40 См.: 🔗Втор. 4:30 🔗Иез. 36:31 🔗Дан. 9:16	и исповѣдятъ грѣхи своя и грѣхи отецъ сво­ихъ, яко преступиша и презрѣша Мя, и яко ходиша предо Мною страною:
26:41 См.: 🔗Иер. 9:26 🔗Иез. 44:7	и Азъ пойду съ ними въ ярости страною и погублю ихъ въ земли враговъ ихъ: тогда усрамит­ся сердце ихъ необрѣзаное и тогда познаютъ грѣхи своя:
26:42 См.: 🔗Исх. 2:24 🔗Втор. 4:29 🔗Ис. 54:10	и помяну завѣтъ Иаковль и завѣтъ Исааковъ, и завѣтъ Авраамль помяну,
26:43	и землю помяну, и земля останет­ся от­ нихъ. Тогда прiиметъ земля субботы своя, внегда опустѣти ей ихъ ради: и они прiимутъ своя беззаконiя, ихже ради презрѣша судьбы Моя, и о повелѣнiихъ Мо­ихъ воз­негодова душа ихъ:
26:44 См.: 🔗Втор. 4:29 🔗Иер. 14:9	обаче сущымъ имъ въ земли враговъ сво­ихъ, не презрѣхъ ихъ, ниже воз­негодовахъ о нихъ, яко потребити я и разорити завѣтъ Мой иже къ нимъ: Азъ бо есмь Господь Богъ ихъ.
26:45 См.: 🔗Исх. 6:5 🔗Исх. 16:6 🔗Исх. 19:5 🔗Пс. 78:8	И помяну завѣтъ ихъ первый, егда изведохъ ихъ изъ земли Египетскiя, изъ дому работы предъ языки, еже быти Мнѣ Богу ихъ: Азъ есмь Господь.
26:46	Сiя судьбы Моя и повелѣнiя Моя, и законъ, егоже даде Господь между Собою и между сыны Израилевы, на горѣ Синайстѣй, рукою Моисеовою.