Язык:
Церковнослав. (дореф.)
Библия на церковнослявянском языке в дореволюционной (дореформенной) орфографии.
| |
Глава 20 | |
20:1 | И пойде оттуду Авраамъ на землю полуденную и вселися между Кадисомъ и между Суромъ: и обита въ Герарѣхъ. |
20:2 См.: 🔗Быт. 12:13 🔗Быт. 26:1 | Рече же Авраамъ о Саррѣ женѣ своей, яко сестра ми есть: убояся бо рещи, яко жена ми есть, да не когда убiютъ его мужiе градстiи ея ради. Посла же Авимелехъ царь Герарскiй и взя Сарру. |
20:3 См.: 🔗Пс. 104:14 | И прiиде Богъ ко Авимелеху нощiю во снѣ и рече ему: се, ты умираеши жены ради сея, юже поялъ еси: сiя же есть сожителствующая мужу. |
20:4 См.: 🔗Быт. 18:25 | Авимелехъ же не прикоснуся ей и рече: Господи, языкъ невѣдущiй и праведенъ погубиши ли? |
20:5 См.: 🔗Пс. 25:6 | Не самъ ли ми рече: сестра ми есть? И сiя ми рече: братъ ми есть? Чистымъ сердцемъ и въ правдѣ рукъ сотворихъ сiе. |
20:6 | Рече же ему Богъ во снѣ: и Азъ познахъ, яко чистымъ сердцемъ сотворилъ еси сiе, и пощадѣхъ тя, да не согрѣшиши ко Мнѣ: сего ради не попустихъ ти коснутися ея: |
20:7 | нынѣ же отдаждь жену мужу, яко пророкъ есть, и помолится о тебѣ, и живъ будеши: аще же не отдаси, вѣждь, яко умреши ты и вся твоя. |
20:8 | И воста рано Авимелехъ, и призва вся отроки своя, и глагола словеса сiя вся во ушы ихъ: убояшася же вси человѣцы зѣло. |
20:9 См.: 🔗Быт. 26:10 | И призва Авимелехъ Авраама и рече ему: что сiе сотворилъ еси намъ? Еда что согрѣшихомъ тебѣ, яко навелъ еси на мя и на царство мое грѣхъ великъ? Дѣло, еже никтоже сотвори, сотворилъ еси мнѣ. |
20:10 | И рече Авимелехъ Аврааму: что умысливъ, сотворилъ еси сiе? |
20:11 | Рече же Авраамъ: рекохъ бо: негли нѣсть благочестiя на мѣстѣ семъ: и убiютъ мя жены ради моея: |
20:12 См.: 🔗Быт. 12:13 | ибо истинно сестра ми есть по отцу, а не по матери: бысть же ми въ жену: |
20:13 | и бысть егда изведе мя Богъ от дому отца моего, и рѣхъ ей: правду сiю сотвориши ми: во всяко мѣсто, идѣже аще прiидемъ, тамо рцы о мнѣ, яко братъ ми есть. |
20:14 | Взя же Авимелехъ тысящу дидрахмъ [сребра], и овцы, и телцы, и рабы, и рабыни, и даде Аврааму: и отдаде ему Сарру жену его. |
20:15 | И рече Авимелехъ Аврааму: се, земля моя предъ тобою: идѣже аще тебѣ угодно есть, вселися. |
20:16 | Саррѣ же рече: се, дахъ тысящу дидрахмъ брату твоему: сiя будутъ тебѣ въ честь лица твоего, и всѣмъ, яже суть съ тобою, и во всемъ истинствуй. |
20:17 | Помолися же Авраамъ Богу, и исцѣли Богъ Авимелеха и жену его и рабыни его, и начаша раждати: |
20:18 | яко заключая заключи Господь от внѣуду всяка ложесна въ дому Авимелеха, Сарры ради жены Авраамли. |