Деяния святых Апостолов, глава 10

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) Рус. (еп. Кассиан) Беларускi Українська English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Глава 10
10:1	[Зач. 24.] Мужъ же нѣкiй бѣ въ Кесаріи, именемъ Корнилiй, сотникъ от­ спиры нарицающiяся Италійскiя,
10:2	благоговѣинъ и бояйся Бога со всѣмъ домомъ сво­имъ, творяй милостыни многи людемъ и моляйся Богу всегда:
10:3	видѣ въ видѣнiи явѣ, яко въ часъ девятый дне, Ангела Божiя сшедша къ нему и рекша ему: Корнилiе.
10:4	Онъ же воз­зрѣвъ нань и при­­стра­шенъ бывъ рече: что есть, Господи? Рече же ему: молитвы твоя и милостыни твоя взыдоша на память предъ Бога:
10:5	и нынѣ посли во Иоппію мужей и при­­зови Симона, нарицаемаго Петра:
10:6 См.: 🔗Деян. 9:43	сей стран­ствуетъ у нѣко­его Симона усмаря, емуже есть домъ при­­ мори: той речетъ тебѣ глаголы, въ нихже спасешися ты и весь домъ твой.
10:7	И якоже отъиде Ангелъ глаголяй Корнилiю, при­­гласивъ два от­ рабовъ сво­ихъ и воина благо­честива от­ служащихъ ему
10:8	и сказавъ имъ вся, посла ихъ во Иоппію.
10:9	Во­утрiе же, путьше­ст­ву­ю­щымъ имъ и ко граду при­­ближающымся, взыде Петръ на горницу помолитися, о часѣ шестѣмъ.
10:10	Бысть же прiалченъ и хотяше вкусити: готовящымъ же онѣмъ, нападе нань ужасъ,
10:11	и видѣ небо от­версто и сходящъ нань сосудъ нѣкiй, яко плащаницу велiю, по четыремъ краемъ при­­вязанъ и низу спущаемь на землю,
10:12 См.: 🔗Лев. 11:23 🔗Лев. 20:25	въ немже бяху вся четвероногая земли и звѣрiе и гади и птицы небесныя.
10:13	И бысть гласъ къ нему: воставъ, Петре, заколи и яждь.
10:14	Петръ же рече: никакоже, Господи, яко николиже ядохъ всяко скверно или нечисто.
10:15 См.: 🔗Мф. 15:11 🔗Рим. 14:14 🔗1Тим. 4:4 🔗Тит. 1:15	И [се] гласъ паки къ нему вторицею: яже Богъ очистилъ есть, ты не скверни.
10:16	Сіе же бысть трищи: и паки взяся сосудъ на небо.
10:17	Якоже въ себѣ недо­умѣва­шеся Петръ, что бы было видѣнiе, еже видѣ, и се, мужiе послан­нiи от­ Корнилiа, вопрошше и увѣдѣв­ше домъ Симоновъ, сташа предъ враты
10:18	и воз­глашше вопрошаху, аще Симонъ, нарицаемый Петръ, здѣ стран­ствуетъ.
10:19	Петру же размышляющу о видѣнiи, рече ему Духъ: се, мужiе трiе ищутъ тебе:
10:20 См.: 🔗Деян. 15:7	но воставъ сниди и иди съ ними, ничтоже разсуждая: зане Азъ послахъ ихъ.
10:21	[Зач. 25.] Сошедъ же Петръ къ мужемъ послан­нымъ къ нему от­ Корнилiа, рече: се, азъ есмь, егоже ищете: кая есть вина, еяже ради прiидосте?
10:22	Они же рекоша: Корнилiй сотникъ, мужъ праведенъ и бояйся Бога, свидѣтел­ст­вованъ от­ всего языка Иудейска, увѣщенъ есть от­ Ангела свята при­­звати тя въ домъ свой и слышати глаголы от­ тебе.
10:23 См.: 🔗Деян. 11:12	Призвавъ же ихъ учреди: наутрiе же Петръ воставъ иде съ ними, и нѣцыи от­ братiй, иже от­ Иоппіи, идоша съ нимъ:
10:24	и наутрiе внидоша въ Кесарію. Корнилiй же бѣ чая ихъ, созвавъ сродники своя и любезныя други.
10:25	Якоже бысть внити Петру, срѣте его Корнилiй, и падъ на ногу его поклонися.
10:26 См.: 🔗Деян. 14:15 🔗Отк. 19:10 🔗Отк. 22:9	Петръ же воз­движе его, глаголя: востани: и азъ самъ человѣкъ есмь.
10:27	И съ нимъ бесѣдуя, вниде и обрѣте собрав­шыяся многи:
10:28 См.: 🔗Мф. 9:11 🔗Ин. 4:9	рече же къ нимъ: вы вѣсте, яко не лѣпо есть мужу Иудеанину при­­лѣплятися или при­­ходити ко иноплемен­нику: и мнѣ Богъ показа ни единаго скверна или нечиста глаголати человѣка:
10:29	тѣмже и безъ сумнѣнiя прiидохъ при­­званъ: вопрошаю вы убо, ко­ея ради вины посласте по мене?
10:30	И Корнилiй рече: от­ четвертаго дне даже до сего часа бѣхъ постяся и въ девятый часъ моляся въ дому мо­емъ: и се, мужъ ста предо мною во одежди свѣтлѣ
10:31	и рече: Корнилiе, услышана бысть молитва твоя, и милостыни твоя помянушася предъ Богомъ:
10:32	посли убо во Иоппію и при­­зови Симона, иже нарицает­ся Петръ: сей стран­ствуетъ въ дому Симона усмаря близъ моря: иже при­­шедъ воз­глаголетъ тебѣ.
10:33	Абiе убо послахъ къ тебѣ, ты же добрѣ сотворилъ еси при­­шедъ: нынѣ убо вси мы предъ Богомъ предсто­имъ слышати вся повелѣн­ная тебѣ от­ Бога.
10:34 См.: 🔗Втор. 10:17 🔗2Пар. 19:7 🔗Иов. 34:19 🔗1Пет. 1:17 🔗Рим. 2:11 🔗Еф. 6:9	[Зач. 26.] Отверзъ же Петръ уста, рече: по­истин­нѣ разумѣваю, яко не на лица зритъ Богъ,
10:35	но во всяцѣмъ языцѣ бояйся Его и дѣлаяй правду прiятенъ Ему есть:
10:36 См.: 🔗Еф. 2:17 🔗Флп. 2:11	слово, еже посла сыномъ Израилевымъ, благовѣ­ст­вуя миръ Иисусъ Христомъ: Сей есть всѣмъ Господь:
10:37 См.: 🔗Лк. 4:14	вы вѣсте глаголъ быв­шiй по всей Иудеи, наченшiйся от­ Галилеи, по крещенiи, еже проповѣда Иоан­нъ:
10:38 См.: 🔗Пс. 44:8 🔗Лк. 4:18	Иисуса, Иже от­ Назарета, яко помаза Его Богъ Духомъ Святымъ и силою, Иже пройде благодател­ст­вуя и исцѣляя вся насилован­ныя от­ дiавола, яко Богъ бяше съ Нимъ:
10:39 См.: 🔗Деян. 5:32 🔗Деян. 13:31	и мы есмы свидѣтеле всѣхъ, яже сотвори во странѣ Иудейстѣй и во Иерусалимѣ: Егоже и убиша, повѣшше на древѣ.
10:40 См.: 🔗Деян. 2:24	Сего Богъ воскреси въ третiй день и даде Ему явлену быти,
10:41 См.: 🔗Мф. 28:7 🔗Лк. 24:30 🔗Деян. 13:31	не всѣмъ людемъ, но намъ свидѣтелемъ преднаречен­нымъ от­ Бога, иже съ Нимъ ядохомъ и пихомъ, по воскресенiи Его от­ мертвыхъ:
10:42	и повелѣ намъ проповѣдати людемъ и засвидѣтел­ст­вовати, яко Той есть нарѣчен­ный от­ Бога Судiя живымъ и мертвымъ:
10:43 См.: 🔗Ис. 53:5 🔗Иер. 31:34 🔗Дан. 9:24 🔗Мих. 7:18 🔗Зах. 13:1 🔗Деян. 15:9	о Семъ вси пророцы свидѣтел­ст­вуютъ, оставленiе грѣховъ прiяти именемъ Его всякому вѣру­ю­щему въ Онь.
10:44	[Зач. 27.] Еще же глаголющу Петру глаголы сiя, нападе Духъ Святый на вся слышащыя слово.
10:45	И ужасошася иже от­ обрѣзанiя вѣрнiи, елицы прiидоша съ Петромъ, яко и на языки даръ Святаго Духа излiяся:
10:46 См.: 🔗Мк. 16:17	слышаху бо ихъ глаголющихъ языки и величающихъ Бога. Тогда от­вѣща Петръ:
10:47 См.: 🔗Деян. 15:8	еда воду воз­бранити можетъ кто, еже не креститися симъ, иже Духъ Святый прiяша, якоже и мы?
10:48	Повелѣ же имъ креститися во имя Иисусъ Христово. Тогда молиша его пребыти у нихъ дни нѣкiя.