Книга пророка Иеремии, глава 46

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) Українська English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Глава 46
46:1	Слово, еже бысть ко иереміи пророку от­ Господа на языки,
46:2 См.: 🔗2Пар. 35:20 🔗Иер. 25:19	ко Египту противу силы фараона нехао царя Египетскаго, иже бысть надъ рѣкою Евфратомъ во кархамисѣ, егоже порази навуходоносоръ царь Вавилонскiй, въ лѣтѣ четвертѣмъ Иоакима сына Иосіина, царя Иудина.
46:3 См.: 🔗Иез. 23:24	Возмите оружiе и щиты и идите на брань,
46:4 См.: 🔗Иер. 51:11	осѣдлайте кони и всѣдайте, всадницы, и станите во шлемѣхъ вашихъ, уставите копiя и облецытеся въ броня вашя.
46:5 См.: 🔗Иер. 47:3	Что убо видѣхъ ихъ страшливыхъ и хребты обращающихъ? крѣпцыи ихъ избити, побѣгоша скоро и не озрѣшася вспять, от­всюду страхъ, глаголетъ Господь.
46:6	Не утечетъ легкiй, ниже воз­можетъ избавитися крѣпкiй на полунощь: близъ рѣки Евфрата побѣждени суть и падоша.
46:7	Кто есть той, иже яко рѣка восходитъ, и яко рѣки воз­движут­ся волны его?
46:8	Воды Египта аки рѣка взыдутъ, и аки рѣка восколеблют­ся воды его. И рече: взыду и покрыю землю, и погублю градъ и живущыя въ немъ.
46:9 См.: 🔗Иез. 27:10	Возсядите на кони и устройте колесницы, изыдите, сильнiи муринстiи, и Ливиане вооружен­нiи щитами, и лидяне, взыдите наляцающе лукъ.
46:10 См.: 🔗Ис. 2:12 🔗Иер. 25:33	День сей Господа Бога Вседержителя, день от­мщенiя, да от­мститъ врагомъ сво­имъ, и пожретъ я мечь Господень и насытит­ся и упiет­ся кровiю ихъ, яко жертва Господу Вседержителю въ земли полунощнѣй, близъ рѣки Евфрата.
46:11 См.: 🔗Иер. 8:22	Взыди въ Галаадъ и воз­ми ритину, дѣво, дщи Египетска! всуе умножила еси врачеванiя твоя, и цѣльбы нѣсть тебѣ.
46:12	Услышаша языцы гласъ {Евр.: срамоту.}, и плачь твой наполни землю: яко сильный срѣтеся съ сильнымъ, и оба вкупѣ изнемогоста и падоста.
46:13	Слово, еже глагола Господь ко иереміи пророку о семъ: яко имѣ прiити навуходоносоръ царь Вавилонскiй и поразити землю Египетску.
46:14 См.: 🔗Иер. 44:1	Возвѣстите Египту и разгласите во Магдалу, и возопійте во мемфисѣ и во тафнасѣ повѣдите: стой и уготовися, яко пожретъ мечь сiя, яже окрестъ тебе суть.
46:15	Почто убѣжа от­ тебе аписъ? телецъ избран­ный твой не пребысть, яко Господь разруши его.
46:16	И множе­с­т­во твое изнеможе и паде, и кійждо ко ближнему сво­ему глаголаху: востанимъ и воз­вратимся къ людемъ нашымъ и въ землю рожденiя на­шего от­ лица меча еллинскаго.
46:17	Назовите имя фараона нехао царя Египетска, смятенiе преведе время.
46:18 См.: 🔗3Цар. 18:19 🔗Ам. 9:3	Живу азъ, глаголетъ Царь, Господь Вседержитель имя его: ибо, якоже Ѳаворъ на горахъ и якоже кармель въ мори, прiидетъ.
46:19	Сосуды плѣненiя сотвори себѣ, живущая дщи Египетска, яко мемфисъ въ запустѣнiе будетъ, и наречет­ся, увы! и не будутъ въ немъ жити.
46:20	Юница [избран­на и] укра­шена Египетъ, разоренiе от­ полунощи прiиде на ню,
46:21 См.: 🔗Иер. 50:31	и наемницы его, живущiи посредѣ его, якоже телцы тучнiи питаеми въ немъ: зане и тіи обратишася и побѣгоша вкупѣ, и не могоша стати, яко день погибели ихъ прiиде на ня и время от­мщенiя ихъ.
46:22	Гласъ ихъ, якоже зміа звиздающаго, понеже съ силою пойдутъ, со сѣкирами прiидутъ на него.
46:23	Яко древiе сѣкуще посѣкутъ лѣсъ его, глаголетъ Господь Богъ: ибо не можетъ сочтенъ быти, яко умножишася паче пруговъ, и нѣсть имъ числа.
46:24	Посрамлен­на есть дщи Египетска и дана въ руцѣ людемъ полунощнымъ.
46:25 См.: 🔗Иез. 30:15	Рече Господь Вседержитель, Богъ Израилевъ: се, азъ посѣщу на Аммона сына ея, и на фараона и на Египетъ, и на боги его и на цари его, и на фараона и на уповающыя нань,
46:26	и дамъ ихъ въ руцѣ ищущихъ души ихъ, и въ руку навуходоносора царя Вавилонска, и въ руцѣ слугъ его: и посемъ поживутъ якоже и первѣе, глаголетъ Господь.
46:27 См.: 🔗Ис. 44:2 🔗Иер. 30:10	Ты же не убойся, рабе мой Иакове, ни устрашайся, Израилю: се бо, азъ тебе спасена сотворю издалеча и сѣмя твое от­ земли плѣненiя ихъ: и воз­вратит­ся Иаковъ и почіетъ и благо­успѣетъ, и не будетъ устрашаяй его.
46:28 См.: 🔗Быт. 26:24 🔗Ис. 27:8 🔗Ис. 41:10	Не бойся, рабе мой Иакове, глаголетъ Господь, яко съ тобою есмь азъ: яко сотворю скончанiе во всѣхъ языцѣхъ, въ няже извергохъ тя, тебе же не сотворю оскудѣти, но накажу тя судомъ и обезвиняя не обезвиню тя.