Евангелие от Луки, глава 19

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) Рус. (еп. Кассиан) Беларускi Українська English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Глава 19
19:1	[Зач. 94.] И в­шедъ прохожда­ше Иерихонъ.
19:2	И се мужъ нарицаемый Закхей, и сей бѣ старѣй мытаремъ, и той бѣ богатъ:
19:3	и иска­ше видѣти Иисуса, кто есть, и не можа­ше от­ народа, яко возрастомъ малъ бѣ:
19:4	и предитекъ, воз­лѣзе на ягодичину, да видитъ, яко хотяше мимо ея про­ити.
19:5	И яко прiиде на мѣсто, воз­зрѣвъ Иисусъ видѣ его, и рече къ нему: Закхее, потщався слѣзи: днесь бо въ дому тво­емъ подобаетъ Ми быти.
19:6	И потщався слѣзе, и прiятъ Его радуяся.
19:7	И видѣв­ше вси роптаху, глаголюще, яко ко грѣшну мужу вниде витати.
19:8 См.: 🔗Исх. 22:1	Ставъ же Закхей рече ко Господу: се полъ имѣнiя мо­его, Господи, дамъ нищымъ: и аще кого чимъ обидѣхъ, воз­вращу четверицею.
19:9	Рече же къ нему Иисусъ: яко днесь спасенiе дому сему бысть, зане и сей сынъ Авраамль есть:
19:10 См.: 🔗Мф. 18:11	прiиде бо Сынъ Человѣчь взыскати и спасти погибшаго.
19:11	Слышащымъ же имъ сiя, при­­ложь рече притчу, зане близъ Ему быти Иерусалима, и мняху, яко абiе Цар­ст­во Божiе хощетъ явитися.
19:12 См.: 🔗Мф. 25:14	Рече убо: [Зач. 95.] человѣкъ нѣкiй добра рода иде на страну далече, прiяти себѣ цар­ст­во и воз­вратитися.
19:13	Призвавъ же десять рабъ сво­ихъ, даде имъ десять мнасъ, и рече къ нимъ: куплю дѣйте, дондеже прiиду.
19:14	И граждане его ненавидяху его, и послаша послы вслѣдъ его, глаголюще: не хощемъ сему, да цар­ст­вуетъ надъ нами.
19:15	И бысть егда воз­вратися прiимъ цар­ст­во, рече при­­гласити рабы тыя, имже даде сребро, да увѣсть, какову куплю суть сотворили.
19:16	Прiиде же первый, глаголя: господи, мнасъ твоя при­­дѣла десять мнасъ.
19:17 См.: 🔗Лк. 16:10	И рече ему: благо, рабе добрый: яко о малѣ вѣренъ былъ еси, буди область имѣя надъ десятiю градовъ.
19:18	И прiиде вторый, глаголя: господи, мнасъ твоя сотвори пять мнасъ.
19:19	Рече же и тому: и ты буди надъ пятiю градовъ.
19:20	И другій прiиде, глаголя: господи, се мнасъ твоя, юже имѣхъ положену во убрусѣ:
19:21	бояхся бо тебе, яко человѣкъ яръ еси, вземлеши, егоже не положилъ еси, и жнеши, егоже не сѣялъ еси.
19:22 См.: 🔗Иов. 15:6 🔗Мф. 12:37	Глагола же ему: от­ устъ тво­ихъ сужду ти, лукавый рабе: вѣдѣлъ еси, яко азъ человѣкъ яръ есмь, вземлю, егоже не положихъ, и жну, егоже не сѣяхъ:
19:23	и почто не вдалъ еси мо­его сребра купцемъ, и азъ при­­шедъ съ лихвою истязалъ быхъ е?
19:24	И предстоящымъ рече: воз­мите от­ него мнасъ, и дадите имущему десять мнасъ.
19:25	И рѣша ему: господи, имать десять мнасъ.
19:26 См.: 🔗Мф. 13:12 🔗Мф. 25:29 🔗Мк. 4:25 🔗Лк. 8:18	Глаголю бо вамъ, яко всякому имущему даст­ся: а от­ неимущаго, и еже имать, отъ­имет­ся от­ него:
19:27 См.: 🔗Мф. 22:7	обаче враги моя оны, иже не восхотѣша мене, да царь быхъ былъ надъ ними, при­­ведите сѣмо и изсѣцыте предо мною.
19:28	И сiя рекъ, идяше преди, восходя во Иерусалимъ.
19:29 См.: 🔗Мф. 21:1 🔗Мк. 11:1	[Зач. 96.] И бысть яко при­­ближися въ Виѳсфагію и Виѳанiю, къ горѣ нарицаемѣй Елеонъ, посла два ученикъ Сво­ихъ,
19:30	глаголя: идита въ прямную весь: [и] въ нюже входяща обрящета жребя при­­вязано, на неже никтоже николиже от­ человѣкъ всѣде: от­рѣшша е при­­ведита.
19:31	И аще кто вы вопрошаетъ: почто от­рѣшаета, сице рцыта ему, яко Господь его требуетъ.
19:32	Шедша же послан­ная обрѣтоста, якоже рече има.
19:33	Отрѣшающема же има жребя, рекоша господiе его къ нима: что от­рѣшаета жребя?
19:34	Она же рекоста, яко Господь его требуетъ.
19:35 См.: 🔗Мф. 21:7 🔗Мк. 11:7 🔗Ин. 12:14	И при­­ведоста е ко Иисусови: и воз­вергше ризы своя на жребя, всадиша Иисуса.
19:36	Идущу же Ему, постилаху ризы своя по пути.
19:37	[Зач. 97.] Приближающужеся Ему уже [абiе] къ низхожденiю горѣ Елеонстѣй, начаша все множе­с­т­во ученикъ раду­ю­щеся хвалити Бога гласомъ велiимъ о всѣхъ силахъ, яже видѣша,
19:38 См.: 🔗Пс. 117:26 🔗Лк. 2:14 🔗Еф. 2:14	глаголюще: благословенъ грядый Царь во имя Господне: миръ на небеси, и слава въ вышнихъ.
19:39	И нѣцыи фарисее от­ народа рѣша къ Нему: Учителю, запрети ученикомъ Тво­имъ.
19:40 См.: 🔗Авв. 2:11	И от­вѣщавъ рече имъ: глаголю вамъ, яко, аще сіи умолчатъ, каменiе возопiетъ.
19:41	И яко при­­ближися, видѣвъ градъ, плакася о немъ,
19:42	глаголя: яко аще бы разумѣлъ и ты, въ день сей твой, еже къ смиренiю {къ миру} тво­ему: нынѣ же скрыся от­ очiю твоею:
19:43 См.: 🔗Ис. 29:3 🔗Иер. 6:6 🔗Иез. 21:22 🔗Мф. 22:7 🔗Лк. 21:6	яко прiидутъ дніе на тя, и обложатъ врази тво­и острогъ о тебѣ, и обыдутъ тя, и объимутъ тя от­всюду,
19:44	и разбiютъ тя и чада твоя въ тебѣ, и не оставятъ камень на камени въ тебѣ: понеже не разумѣлъ еси времене посѣщенiя тво­его.
19:45 См.: 🔗Мф. 21:12 🔗Мк. 11:15 🔗Ин. 2:15	[Зач. 98.] И в­шедъ въ церковь, начатъ изгонити продающыя въ ней и купующыя,
19:46 См.: 🔗Ис. 56:7 🔗Иер. 7:11 🔗3Цар. 8:29	глаголя имъ: писано есть: домъ Мой домъ молитвы есть: вы же сотвористе его пещеру разбойникомъ.
19:47	И бѣ учя по вся дни въ церкви. Архiерее же и книжницы искаху Его погубити, и старѣйшины людемъ.
19:48	И не обрѣтаху, что бы сотворили Ему: людiе бо вси держахуся Его, послуша­ю­ще Его.