Язык:
Церковнослав. (дореф.)
Библия на церковнослявянском языке в дореволюционной (дореформенной) орфографии.
| |
Глава 21 | |
21:1 См.: 🔗1Цар. 16:4 | И прiиде давидъ въ номву ко Авимелеху иерею: и ужасеся Авимелехъ о пришествiи его и рече ему: что яко ты единъ, и никтоже съ тобою? |
21:2 | И рече давидъ иерею: царь заповѣда ми глаголъ днесь и рече ко мнѣ: никтоже да уразумѣетъ глагола, егоже ради азъ посылаю тя и о немже азъ заповѣдаю ти: и отроки оставихъ на мѣстѣ глаголемѣмъ Еммонимъ: |
21:3 | и нынѣ аще суть у тебе пять хлѣбы, даждь ми елико имаши. |
21:4 | И отвѣща иерей давиду и рече: не суть хлѣбы прости у мене, но точiю хлѣбы у мене священнiи: аще сохранени отроцы суть токмо от жены, снѣдятъ. |
21:5 | И отвѣща давидъ иерею и рече ему: и [мы] от женъ воздержахомся вчера и третiяго дне: отнелѣже изыдохъ азъ на путь, быша вси отроцы очищени, и сей путь нечистъ, но освятится днесь сосудъ ради моихъ. |
21:6 | И даде ему Авимелехъ иерей хлѣбы предложенiя, яко тамо не бѣ хлѣба, но токмо хлѣбы лица, иже взяты от лица Господня, еже предложитися хлѣбу теплому, въ оньже день взя ихъ. |
21:7 См.: 🔗Пс. 51:2 | И бѣ тамо единъ от отрокъ Сауловыхъ въ день онъ удержанъ предъ Господемъ, и имя ему доикъ Сиринъ, [старѣйшина от пастырь Сауловыхъ,] пасый мски Сауловы. |
21:8 | И рече давидъ ко Авимелеху: виждь, аще есть здѣ у тебе копiе или мечь, яко меча моего и оружiя моего не взяхъ съ собою, яко царево повелѣнiе внезапу ми бысть. |
21:9 См.: 🔗1Цар. 17:50 | И рече иерей: се, мечь голiаѳа иноплеменника, егоже ты убилъ еси во юдоли Ила, и той обвитъ бяше въ ризу за Ефудомъ: аще той хощеши взяти, возми себѣ, нѣсть бо инаго здѣ кромѣ сего. И рече давидъ: се, нѣсть якоже той: даждь ми его. И даде его ему. |
21:10 См.: 🔗1Цар. 27:2 🔗Пс. 55:1 | И воста давидъ, и убѣже въ той день от лица Саулова, и прiиде давидъ ко Анхусу царю геѳску. |
21:11 См.: 🔗1Цар. 18:7 | И рѣша отроцы Анхусовы къ нему: не сей ли давидъ царь земли? не сему ли изыдоша [жены] ликующыя, глаголющя: побѣди Саулъ съ тысящами своими, и давидъ со тмами своими? |
21:12 | И положи давидъ глаголы сiя въ сердцы своемъ, и убояся зѣло от лица Анхуса царя геѳска. |
21:13 | И измѣни лице свое предъ нимъ, и притворися въ день той, и бiяше во врата града, яко въ тимпанъ, и падаше на руки своя, и паде у вратъ града, и слины своя точаше по брадѣ своей. |
21:14 | И рече Анхусъ ко отрокомъ своимъ: се, видѣсте мужа неистова, почто его введосте ко мнѣ? |
21:15 | еда не имѣю азъ неистовыхъ, яко введосте его, да бѣснуется предо мною? сей да не внидетъ въ домъ мой. |