Книга Иова, глава 29

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) Українська English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Глава 29
29:1	Еще же при­­ложивъ иовъ, рече въ притчахъ:
29:2	кто мя устроитъ по месяцамъ прежднихъ дній, въ нихже мя Богъ храняше,
29:3 См.: 🔗Иов. 18:6	якоже егда свѣтяшеся свѣтилникъ его надъ главою мо­ею, егда свѣтомъ его хождахъ во тмѣ,
29:4	егда бѣхъ тяжекъ въ путехъ, егда Богъ посѣщенiе творяше дому мо­ему,
29:5	егда бѣхъ богатъ зѣло, окрестъ же мене раби,
29:6	егда обливахуся путiе мо­и масломъ кравiимъ, горы же моя обливахуся млекомъ,
29:7	егда исхождахъ изутра во градъ, на стогнахъ же поставляшеся ми престолъ?
29:8	Видяще мя юноши скрывашася, старѣйшины же вси воставаша:
29:9	вельможи же преставаху глаголати, перстъ воз­ложше на уста своя.
29:10	Слышав­шiи же блажиша мя, и языкъ ихъ при­­льпе гортани ихъ:
29:11	яко ухо слыша и ублажи мя, око же видѣвъ мя уклонися.
29:12 См.: 🔗Пс. 71:12	Спасохъ бо убогаго от­ руки сильнаго, и сиротѣ, емуже не бѣ помощника, помогохъ.
29:13	Благословенiе погибающаго на мя да прiидетъ, уста же вдовича благословиша мя.
29:14 См.: 🔗Пс. 131:9	Въ правду же облачахся, одѣвахся же въ судъ яко въ ризу.
29:15 См.: 🔗Лев. 19:14	Око бѣхъ слѣпымъ, нога же хромымъ:
29:16 См.: 🔗Иов. 31:18 🔗Прит. 29:7 🔗Сир. 4:10	азъ быхъ отецъ немощнымъ, распрю же, еяже не вѣдяхъ, изслѣдихъ:
29:17 См.: 🔗Прит. 30:14	сотрохъ же членовныя неправедныхъ, от­ среды же зубовъ ихъ грабленiе изъяхъ.
29:18	Рѣхъ же: возрастъ мой состарѣет­ся якоже стебло финиково, многа лѣта поживу.
29:19 См.: 🔗Втор. 28:4	Корень разверзеся при­­ водѣ, и роса пребудетъ на жатвѣ мо­ей.
29:20 См.: 🔗Быт. 49:24	Слава моя нова со мною, и лукъ мой въ руцѣ мо­ей пойдетъ.
29:21	[Старѣйшины] слышав­шiи мя внимаху, молчаху же о мо­емъ совѣтѣ.
29:22	Къ мо­ему глаголу не при­­лагаху, радовахуся же, егда къ нимъ глаголахъ:
29:23	якоже земля жаждущая ожидаетъ дождя, тако сіи мо­его глаголанiя.
29:24	Аще воз­смѣюся къ нимъ, не вѣриша: и свѣтъ лица мо­его не от­пада­ше.
29:25	Избрахъ путь ихъ, и сѣдѣхъ князь, и вселяхся якоже царь посредѣ храбрыхъ, аки утѣшаяй печальныхъ.