Язык:
Церковнослав. (дореф.)
Библия на церковнослявянском языке в дореволюционной (дореформенной) орфографии.
| |
Глава 18 | |
18:1 См.: 🔗Нав. 21:2 🔗3Цар. 13:2 | И собрася весь сонмъ сыновъ Израилевыхъ въ Силомъ, и водрузиша тамо скинiю свидѣнiя: и земля одержася от нихъ. |
18:2 | И осташася сынове Израилевы, иже не наслѣдиша наслѣдiя своего седмь племенъ. |
18:3 | И рече иисусъ сыномъ Израилевымъ: доколѣ вы разслабляетеся внити наслѣдити землю, юже даде вамъ Господь Богъ отецъ вашихъ? |
18:4 | дайте от васъ по три мужы от племене, и послю ихъ, и воставше да пройдутъ землю и да опишутъ ю предо мною, якоже есть лѣпо раздѣлити ю. И прiидоша къ нему. |
18:5 | И раздѣли имъ на седмь частей: Иуда да поставитъ предѣлъ своимъ от Лива, и сынове Иосифли да поставятъ предѣлъ своимъ от сѣвера: |
18:6 | вы же раздѣлите землю на седмь частей, и принесите ко мнѣ сѣмо, и изнесу вамъ жребiй предъ Господемъ Богомъ вашимъ: |
18:7 | нѣсть бо части у васъ сыномъ Левіинымъ, зане жречество Господне часть ихъ: гадъ же и Рувимъ и полплемене Манассіина взяша наслѣдiе свое объ ону страну Иордана на востоки, еже даде имъ Моисей рабъ Господень. |
18:8 | И воставше мужiе поидоша. И заповѣда иисусъ мужемъ идущымъ описати землю, глаголя: идите и обыдите землю, и опишите ю, и прiидите ко мнѣ, и изнесу вамъ здѣ жребiй предъ Господемъ въ Силомѣ. |
18:9 См.: 🔗2Цар. 24:8 | И идоша мужiе, и обыдоша землю и соглядаша ю, и описаша ю по градомъ ея на седмь частей въ книгу, и принесоша ко иисусу въ полкъ въ Силомъ. |
18:10 | И верже имъ иисусъ жребiй предъ Господемъ въ Силомѣ: и раздѣли тамо землю иисусъ сыномъ Израилевымъ по раздѣленiю ихъ. |
18:11 См.: 🔗Втор. 33:12 | И изыде жребiй племене сыновъ Венiаминовыхъ первый по сонмомъ ихъ: и изыдоша предѣлы жребiя ихъ посредѣ сыновъ Иудиныхъ и посредѣ сыновъ Иосифовыхъ. |
18:12 См.: 🔗Нав. 7:2 | И быша предѣлы ихъ от сѣвера: от Иордана взыдутъ предѣлы созади иерихона къ сѣверу и взыдутъ къ горѣ къ морю, и будетъ исходъ его мавдаритъ веѳавнъ: |
18:13 | и пройдутъ оттуду предѣлы лузы созади лузы от юга: сiя есть Веѳиль: и снидутъ предѣлы сіи от атароѳъ-аддаръ на горную, яже есть къ Ливу веѳоронъ нижнiй, |
18:14 См.: 🔗Нав. 15:9 | и прейдутъ предѣлы, и обыдутъ къ странѣ зрящи къ морю от Ливы, от горы къ лицу веѳоронъ Лива, и будетъ исходъ его въ карiаѳъ-ваалъ: сей есть карiаѳiаримъ, градъ сыновъ Иудиныхъ. Сiя есть часть яже къ морю. |
18:15 | И часть яже къ Ливу от части карiаѳъ-ваалъ: и пройдутъ предѣлы морскія въ гаинъ, на источникъ воды Нафѳоновы, |
18:16 См.: 🔗Нав. 15:7 | и снидутъ предѣлы на страну горы, яже есть предъ лицемъ дубравы, сына енома, яже есть от части Емекъ Рафаинъ от сѣвера, и снидутъ къ геенному созади Иевуса от юга, и снидутъ на источникъ рогиль, |
18:17 См.: 🔗Нав. 22:10 | и пройдутъ сквозѣ от сѣвера, и пройдутъ на источникъ самеса, и пройдутъ на Галилоѳъ, иже есть прямо къ восходу Едомимъ: и снидутъ на камень Ваанъ сыновъ Рувимлихъ, |
18:18 | и пройдутъ созади веѳаравы от сѣвера, и снидутъ ко аравѣ, |
18:19 См.: 🔗Нав. 15:2 | и снидутъ съ аравы [на] предѣлы созади веѳагла от сѣвера, и будетъ исходъ предѣловъ на холмъ моря сланаго от сѣвера въ страну Иорданову от Ливы. Сіи предѣлы суть от юга: и Иорданъ опредѣлитъ ю от страны востока. |
18:20 | Сiе наслѣдiе сыновъ Венiаминовыхъ, предѣлы его окрестъ по сонмомъ ихъ. |
18:21 | И быша грады племене сыновъ Венiаминовыхъ по сонмомъ ихъ, иерихо и Виѳагла и Амеккасисъ, |
18:22 | и веѳарава и семримъ и Виѳилъ, |
18:23 См.: 🔗Втор. 2:23 | и авимъ и Афара, и Афра [и екаренъ], |
18:24 См.: 🔗3Цар. 15:22 | и кафирамминъ и Афни и гаваа: грады дванадесять и веси ихъ: |
18:25 См.: 🔗Нав. 9:17 | гаваонъ и рама и вироѳъ, |
18:26 | и Масфа и хефира и Амоса, |
18:27 | и рекемъ и иерфаилъ и Ѳарала, |
18:28 См.: 🔗Неем. 11:4 | и силалефъ и Иевусъ [сей есть Иерусалимъ], и гавааѳъ и градъ Иаримъ: грады тринадесять и веси ихъ. Сiе наслѣдiе сыновъ Венiаминовыхъ по сонмомъ ихъ. |