Книга Исход, глава 33

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) Українська English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Глава 33
33:1 См.: 🔗Быт. 50:24 🔗Чис. 32:11	И рече Господь къ Моисею: предъиди, взыди от­сюду ты и людiе тво­и, ихже извелъ еси от­ земли Египетскiя на землю, еюже кляхся Аврааму и Исааку и Иакову, глаголя: сѣмени ва­шему дамъ ю:
33:2 См.: 🔗Исх. 23:23 🔗Втор. 7:1 🔗Нав. 24:11	и послю купно Ангела Мо­его предъ лицемъ тво­имъ, и изженетъ Хананеа, Аморреа и Хеттеа, и Ферезеа и Гергесеа, и Евеа и Иевусеа:
33:3 См.: 🔗Исх. 34:9	и введу тя въ землю текущую млекомъ и медомъ: Самъ бо не пойду съ тобою, яко людiе жестоковыйнiи суть, да не убiю тебе на пути.
33:4	И услышав­ше людiе слово сiе страшное, восплакашася въ плачевныхъ [ризахъ].
33:5 См.: 🔗Иер. 6:26 🔗Иоил. 1:8 🔗Ион. 3:6	И рече Господь къ Моисею: глаголи сыномъ Израилевымъ: вы людiе жестоковыйнiи, блюдитеся, да не язву другую наведу на вы и потреблю вы: нынѣ убо сымите ризы славы ва­шея и утварь, и покажу, яже сотворю вамъ.
33:6	И отъ­яша сынове Израилевы утварь свою и ризы от­ горы Хорива.
33:7	И вземъ Моисей кущу свою, потче ю внѣ полка, далече от­ полка, и прозвася скинiя свидѣнiя: и бысть, всякъ взыскуяй Господа исхожда­ше въ скинiю, яже внѣ полка.
33:8	Егда же вхожда­ше Моисей въ скинiю внѣ полка, стояху вси людiе смотряще кійждо предъ дверьми кущи сво­ея, и зряху от­ходящу Моисею даже внити ему въ скинiю.
33:9 См.: 🔗Втор. 31:15	Егда же вниде Моисей въ скинiю, сниде столпъ облачный и ста предъ дверьми скинiи, и глагола [Господь] Моисею.
33:10	И видяху вси людiе столпъ облачный стоящь предъ дверьми скинiи: и став­ше вси людiе, поклонишася кійждо изъ дверiй кущи сво­ея:
33:11 См.: 🔗Чис. 12:7 🔗Втор. 34:10 🔗Сир. 45:3	и глагола Господь къ Моисею лицемъ къ лицу, якоже аще бы кто воз­глаголалъ къ сво­ему другу, и от­пуща­шеся въ полкъ: слуга же Иисусъ, сынъ Навинъ, юноша не исхожда­ше изъ скинiи.
33:12	И рече Моисей ко Господу: се, Ты мнѣ глаголеши: изведи люди сiя: Ты же не явилъ ми еси, кого послеши со мною: Ты же мнѣ реклъ еси: вѣмъ тя паче всѣхъ и благодать имаши у Мене:
33:13	аще убо обрѣтохъ благодать предъ Тобою, яви ми Тебе самаго, да разумно вижду Тя, яко да обрѣтъ буду благодать предъ Тобою, и да познаю, яко людiе Тво­и языкъ великъ сей.
33:14 См.: 🔗Втор. 4:37	И глагола [ему Господь]: Азъ Самъ предъиду предъ тобою и упокою тя.
33:15	И рече къ Нему Моисей: аще Самъ Ты не идеши съ нами, да не изведеши мя от­сюду:
33:16	и како вѣдомо будетъ во­истин­ну, яко обрѣтохъ благодать у Тебе азъ же и людiе Тво­и, точiю идущу Ти съ нами? И прославленъ буду азъ же и людiе Тво­и паче всѣхъ языкъ, елицы суть на земли.
33:17 См.: 🔗2Тим. 2:19	Рече же Господь къ Моисею: и сiе тебѣ слово, еже реклъ еси, сотворю: обрѣлъ бо еси благодать предо Мною, и вѣмъ тя паче всѣхъ.
33:18	И глагола Моисей: покажи ми славу Твою.
33:19 См.: 🔗Рим. 9:15	И рече [Господь къ Моисею]: Азъ предъиду предъ тобою славою Мо­ею и воз­зову о имени Мо­емъ, Господь предъ тобою: и помилую, егоже аще милую, и ущедрю, егоже аще щедрю.
33:20 См.: 🔗Суд. 13:22 🔗Дан. 10:8 🔗1Тим. 6:16	И рече: не воз­можеши видѣти лица Мо­его: не бо узритъ человѣкъ лице Мое, и живъ будетъ.
33:21	И рече Господь: се, мѣсто у Мене, и станеши на камени:
33:22	егда же прейдетъ слава Моя, и положу тя въ разсѣлинѣ камене, и покрыю рукою Мо­ею надъ тобою, дондеже мимо­иду:
33:23	и от­иму руку Мою, и тогда узриши задняя Моя: лице же Мое не явит­ся тебѣ.