Первая книга Царств (Первая книга Самуила), глава 8

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) Українська English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Глава 8
8:1	И бысть егда состарѣся самуилъ, и постави сыны своя судити Израилеви.
8:2 См.: 🔗1Пар. 6:28 🔗1Цар. 3:20	И сiя имена сыномъ его: первенецъ Иоиль, и имя второму Авіа, судiи въ вирсавеи.
8:3 См.: 🔗Исх. 18:21 🔗Исх. 23:8 🔗Втор. 16:19	И не по­идоша сынове его путемъ его: и уклонишася вслѣдъ лихо­иманiя, и прiимаху дары, и развращаху суды.
8:4	И собрашася мужiе Израилевы, и прiидоша къ самуилу во Армаѳемъ
8:5 См.: 🔗Ос. 13:10 🔗Деян. 13:21	и рѣша ему: се, ты состарѣл­ся еси, сынове же тво­и не ходятъ по пути тво­ему: и нынѣ постави надъ нами царя, да судитъ ны, якоже и прочiи языки.
8:6 См.: 🔗1Цар. 12:12	И бысть лукавъ глаголъ предъ очима самуиловыма, яко рѣша: даждь намъ царя, да судитъ ны. И помолися самуилъ ко Господу.
8:7 См.: 🔗1Цар. 10:19	И рече Господь самуилу: послушай гласа людій, якоже глаголютъ къ тебѣ, яко не тебе уничижиша, но мене уничижиша, еже не цар­ст­вовати ми надъ ними:
8:8	по всѣмъ дѣломъ, яже сотвориша ми, от­ негоже дне изведохъ ихъ изъ земли Египетски до днешняго дне, и оставиша мя, и послужиша богомъ инымъ, тако тіи творятъ и тебѣ:
8:9 См.: 🔗Втор. 17:15	и нынѣ послушай гласа ихъ: обаче засвидѣтел­ст­вуя засвидѣтел­ст­вуеши имъ и воз­вѣстиши имъ правду цареву, иже цар­ст­вовати будетъ надъ ними.
8:10	И рече самуилъ вся словеса Господня къ людемъ просящымъ от­ него царя,
8:11 См.: 🔗1Цар. 10:25	и глагола [имъ]: сiе будетъ оправданiе царево, иже цар­ст­вовати имать надъ вами: сыны вашя возметъ и поставитъ я колесничники своя, и на кони всадитъ ихъ, и предтекущихъ предъ колесницами его:
8:12	и поставитъ я себѣ сотники и тысящники и жателми жатвы сво­ея, и объимутъ объиманiемъ гроздiя его, и творити орудiя воинская его и орудiя колесницъ его:
8:13	и дщери вашя возметъ въ мироварницы и въ поварницы и въ хлѣбницы:
8:14	и села ваша и винограды вашя и масличины вашя благія возметъ и дастъ рабомъ сво­имъ:
8:15	и сѣмена ваша и винограды вашя одесят­ст­вуетъ и дастъ скопцемъ сво­имъ и рабомъ сво­имъ:
8:16	и рабы вашя и рабыни вашя и стада ваша благая и ослы вашя отъ­иметъ и одесят­ст­вуетъ на дѣла своя:
8:17	и пажити вашя одесят­ст­вуетъ, и вы будете ему раби:
8:18	и возопiете въ день онъ от­ лица царя ва­шего, егоже избрасте себѣ, и не услышитъ васъ Господь въ день онъ, яко вы сами избрасте себѣ царя.
8:19	И не восхотѣша людiе послушати самуила и рѣша ему: ни, но царь да будетъ надъ нами,
8:20 См.: 🔗Чис. 27:17	и будемъ и мы якоже вси языцы: и судити имать насъ царь нашъ, и изыдетъ предъ нами, и поборетъ поборенiемъ о насъ.
8:21	И слыша самуилъ вся глаголы людій и глагола я во ушы Господеви.
8:22	И рече Господь къ самуилу: послушай гласа ихъ, и постави имъ царя. И рече самуилъ къ мужемъ Израилевымъ: да идетъ кійждо васъ во свой градъ.