Язык:
Церковнослав. (дореф.)
Библия на церковнослявянском языке в дореволюционной (дореформенной) орфографии.
| |
Глава 10 | |
10:1 См.: 🔗1Цар. 31:1 | Филистими же воеваша противу Израиля, и бѣжаша мужiе Израилевы от лица иноплеменническа и падоша ранени на горѣ гелвуи. |
10:2 | И погнаша иноплеменницы вслѣдъ Саула и вслѣдъ сыновъ его: и убиша иноплеменницы Ионаѳана и Аминадава и Мелхисуа, сыновъ Сауловыхъ. |
10:3 | И отягчися брань на Саула, и обрѣтоша его стрѣлцы въ лукахъ и въ трудѣхъ, и изнеможе от стрѣлъ. |
10:4 См.: 🔗1Цар. 31:4 🔗Суд. 9:54 | И рече Саулъ къ носящему оружiе его: извлецы мечь твой и прободи мя имъ, да не когда прiидутъ необрѣзаннiи сіи и поругаются мнѣ. И не восхотѣ носяй оружiе его, яко убояся зѣло. И взя Саулъ мечь и нападе нань. |
10:5 | И видѣ носяй оружiе его, яко умре Саулъ, и нападе и онъ на мечь свой и умре. |
10:6 | И умре Саулъ и три сына его въ день онъ: и весь домъ его купно умре. |
10:7 См.: 🔗1Цар. 31:7 | И видѣша вси мужiе Израилевы, иже во юдоли, яко побѣжа Израиль, и яко умре Саулъ и сынове его, и оставиша грады своя и побѣгоша: и прiидоша иноплеменницы и вселишася въ нихъ. |
10:8 | И бысть заутра, и прiидоша иноплеменницы совлачати падшихъ корысти, и обрѣтоша Саула и сыновъ его падшихъ на горѣ гелвуи: |
10:9 | и обнажиша его, и взяша главу его и оружiе его, и послаша въ землю иноплеменничу, да обносится [и покажется] идоломъ ихъ и людемъ: |
10:10 См.: 🔗1Цар. 31:10 | оружiя же ихъ положиша въ капищи бога своего: и главу его поткнуша въ капищи дагоновѣ. |
10:11 См.: 🔗Суд. 21:8 🔗1Цар. 31:11 | И услышаша вси живущiи во Иависѣ Галаадстѣмъ вся, яже Филистими сотвориша Саулу и сыномъ его и Израилю: |
10:12 См.: 🔗1Цар. 31:13 🔗2Цар. 2:5 | и восташа от Галаада вси мужiе крѣпцыи, и прiидоша и взяша трупъ Сауловъ и трупъ сыновъ его, и принесоша ихъ во Иависъ, и погребоша кости ихъ подъ дубомъ во Иависѣ: и постишася седмь дній. |
10:13 См.: 🔗1Цар. 15:23 🔗1Цар. 28:8 | И умре Саулъ за беззаконiя своя, имиже беззаконнова Господеви по словеси Господню, понеже не сохрани, яко вопроси Саулъ волшебницы еже вопросити, и отвѣща ему самуилъ пророкъ. |
10:14 См.: 🔗1Цар. 16:13 🔗2Цар. 12:7 | И не взыска Господа Саулъ: сего ради уби его и возврати царство его давиду сыну Иессееву. |