Язык:
Церковнослав. (дореф.)
Библия на церковнослявянском языке в дореволюционной (дореформенной) орфографии.
| |
Глава 27 | |
27:1 См.: 🔗Иов. 26:13 🔗Отк. 19:20 | Въ той день наведетъ Господь мечь святый и великiй и крѣпкiй на драконта зміа бѣжаща, на драконта зміа лукаваго, и убiетъ драконта сущаго въ мори. |
27:2 | Въ той день виноградъ добрый, желанiе пѣти надъ нимъ: |
27:3 | азъ градъ крѣпкiй, градъ воюемый, всуе напою его: плѣненъ бо будетъ нощiю, въ день же падется стѣна его: нѣсть того, иже не возметъ его. |
27:4 | Кто мя приставитъ стрещи стеблiе на нивѣ? ради вражды сея отринухъ и. Убо сего ради сотвори Господь Богъ вся, елика совѣща. |
27:5 | И сгорѣхъ, возопiютъ живущiи въ немъ: сотворимъ миръ ему, сотворимъ миръ, |
27:6 См.: 🔗Пс. 71:16 🔗Ис. 37:31 | приходящая чада Иаковля: прозябнетъ и процвѣтетъ Израиль, и наполнится вселенная плода его. |
27:7 См.: 🔗2Цар. 7:14 🔗2Кор. 4:17 | Еда якоже той порази, и самъ сице уязвится? и якоже самъ уби, такожде убiенъ будетъ? |
27:8 | Сваряся и укоряя отпуститъ я: не ты ли былъ еси помышляя духомъ жестокимъ, убити я духомъ ярости? |
27:9 См.: 🔗Зах. 3:4 🔗Лев. 26:30 | Сего ради отъимется беззаконiе Иаковле, и сiе есть благословенiе его, егда отиму грѣхъ его, егда положатъ все каменiе требищъ сокрушено аки прахъ дробный: и не пребудутъ древеса ихъ, и кумiры ихъ будутъ посѣчени, аки дубрава далече. |
27:10 См.: 🔗4Цар. 19:25 🔗Ис. 24:10 | Обитающее стадо отпущенно будетъ, аки стадо оставленое: и будетъ много время въ пажить, и тамо почіютъ стада. |
27:11 См.: 🔗Иов. 24:20 🔗Иер. 5:21 | И по времени не будетъ въ немъ всякаго злака, занеже изсхнетъ: жены грядущыя съ позорища, прiидите: не суть бо людiе имуще смысла, сего ради не ущедритъ сотворивый я, ниже создавый ихъ помилуетъ. |
27:12 | И будетъ въ той день, заградитъ Господь от ровенника рѣчнаго, даже до ринокоруры {Евр.: водотечи Египетскiя.} [града]: вы же соберите сыны Израилевы по единому. |
27:13 См.: 🔗Ис. 2:2 🔗Иез. 20:40 | И будетъ въ той день, вострубятъ трубою великою, и прiидутъ погубляемiи во странѣ Ассирійстѣй и погубляемiи во Египтѣ, и поклонятся Господеви на горѣ святѣй во Иерусалимѣ. |